#沒有斜棟的第一個星期 #雨
我相信有睇斜棟嘅觀眾朋友仔,
都會知道我哋三個出勤去執行委託嘅時候,
會有個招牌動作。
而呢個指定動作係由陳家晞Amy所提議的。
今日,我發現我隻貓黃后⋯
竟然都識⋯⋯
豪哥腎仔,
斜棟如果有第二季,
強烈建議可以考慮寫埋佢加盟成為斜棟第四人。
@_thecatcrown
@official_sochiho @official_huiyin
#無限斜棟有限公司
#我另外三隻都唔識
#係得你識
#你仲唔係天才演員
#今鋪真係唔賣你出去做演員都唔得
#我拍第一個MV係20歲
#但佢年紀輕輕得五個月大
#快過佢老竇成19.4歲
#已經出咗道拍MV
#歡迎任何工作接洽查詢
#黃后
#請聯絡佢經理人兼老竇即係我
#多謝
同時也有2部Youtube影片,追蹤數超過6萬的網紅ERNEST案內所,也在其Youtube影片中提到,我學習做YouTube的地方:http://goo.gl/zNT6Ck 黑豹第一日上映我已經睇咗兩次,今次想用一個角度嚟貫穿今次嘅影評-就係「對比」。未講點解係對比之前我想大家睇黑豹唔係當佢係一部英雄電影去睇,而係用點解黑豹會係MCU十週年嘅頭炮電影去睇。雖然同以往嘅英雄電影一樣,劇情上都有一個公...
你仲唔係天才演員 在 ERNEST案內所 Youtube 的最讚貼文
我學習做YouTube的地方:http://goo.gl/zNT6Ck
黑豹第一日上映我已經睇咗兩次,今次想用一個角度嚟貫穿今次嘅影評-就係「對比」。未講點解係對比之前我想大家睇黑豹唔係當佢係一部英雄電影去睇,而係用點解黑豹會係MCU十週年嘅頭炮電影去睇。雖然同以往嘅英雄電影一樣,劇情上都有一個公式,但無論喺鏡頭、畫面、對白、角色等等都有一定程度嘅象徵意義喺入面,而我會用「對比」呢個角度去探討呢種種方面嘅象徵意義。
(劇透)
先講講電影比我嘅感覺,一套兩個鐘多啲嘅電影節奏拿揑相當之唔錯,對白有一定嘅深度去建構每個角色嘅性格,唔同場面嘅對白交代到唔同嘅背景關係,例如一開頭T’Challa返到Wakanda同媽媽阿妹嘅對白會感受到佢地嘅溫馨,華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦,同埋會知道外面嘅人係真係對Wakanda一無所知。順帶一提,KLAUE就喺Age of Ultron到已經係走私Vibranium,佢隻手就係比Ultron斬斷。除咗對白拍攝手法都充分呈現到Wakanda係一個點嘅國度,首先會有好多wide shot比觀眾睇到成個Wakanda嘅picture,另外我好鐘意好多「一take過」嘅鏡頭令到個空間感好強,呢種類型嘅鏡頭會令觀眾更加容易遊覽一個好大嘅空間,例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱,仲有華生喺實驗室起身,令幾個shot都係我個人最鐘意。
言歸正傳,我地開始入「對比」呢個角度。
十年前後的對比
十年前,MCU第一部電影IRONMAN,已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先,英雄嘅特徵其實係幾相似:超有錢、有高科技support、同樣地都係用盔甲嘅英雄。其次,故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影,呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。
Tony Stark同T’Challa嘅分別係咩呢?十年前MARVEL喺破產嘅情況底下問銀行借錢搞MCU,但個陣如果佢地失敗就會失去差不多全部角色嘅電影版權(我會推薦超粒方出嘅邁向無限之戰IRONMAN篇比大家睇)。作為第一部MCU作品,IRONMAN講嘅係一個風流自大嘅天才點樣改變,喺個陣嘅Tony Stark你唔會搵到成熟嘅感覺,就好似IRONMAN電影本身,係一個各方面都能力有限嘅新嘗試,我認為IRONMAN嘅成功會喺因為本身英雄選角得啱同副甲好型呢D因素,因為我本身覺得睇英雄電影呢件事就係大概知道劇情係點,入去只係會集中睇D動作場面同英雄點型法身上;而經歷十年嘅黑豹,由T’Challa性格已經話到比大家知佢本身已經夠成熟成為一個國王,故事就係話比大家知佢要點樣去成為一個獨當一面嘅國王,亦同Marvel一樣,MCU已經喺一個成熟發展嘅階段,以十週年頭炮嘅黑豹話比大家知,一部英雄電影係可以建構出Marvel獨當一面嘅深度。
所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄,所以電影入面都會有好多「轉變」帶出對比感。
先講主角T’Challa嘅轉變
T’Challa喺電影嘅形象由一開始已經係好冷靜沈穩,無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想,而佢點先可以察覺到呢樣嘢再改變呢?其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親,佢就話 I never freeze 佢從來都唔會嚇親,但佢一見到Nakia就真係比佢嚇親,喺果個時候嘅Nakia係一個扮難民嘅間諜,呢一個嚇親可以係一個唔知道外邊世界苦難嘅國王見到呢啲苦難而被嚇親,電影中Nakia可以代表住兩樣嘢:1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇,T’Challa潛意識已經被落下種子要改變Wakanda,亦呼應T’Challa想成為一個好國王嘅心。咁點解佢嘅轉變就一定係變好先,電影亦都透過好多場景比較呈現:
(一) 同先王嘅對比
T’Challa同爸爸喺祖先平原對話,從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready,佢就反問返個仔「你唔係已經準備咗做國王好耐喇咩?」,個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺,比起先王T’Challa更加有自己嘅情感,之後佢爸爸就話It’s hard for a good guy to be a king,就正正講緊先王認為T’Challa重感情係一個好人,但咁樣好難做到一國之君,相反不理一切只跟隨制度去做就更簡單。連埋第二次嘅對話嘅比較,比起重親情嘅T’Challa,佢可以不理親情殺咗細佬掉低個侄,所以第二次對話最後T’Challa指摘爸爸係錯嘅時候已經不再迷惘,象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜,可以象徵當時T’Challa當時仲有迷惘;而第二次對話以清晨做背景,象徵T’Challa嘅醒覺。
除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」,下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果,再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝,呢句說話表面係打動Baku,亦代表佢係打破歷代傳統開始統一緊Wakanda。
(二) 國王嘅對比
電影用Killmonger呢位皇帝同T’Challa比較,顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度,Killmonger非常激進獨裁。雖然都係一個Wakanda人,黑人問題令佢喺外界充滿仇恨,眼中只有仇恨會令一個人失去理智;相比之下,同樣面對殺父之仇嘅T’Challa喺美國隊長內戰最後理解事情真相化解仇恨,但電影表現嘅Killmonger連真相都無理解到最後帶著仇恨死亡,因為最後當T’Challa想救佢嘅時候,Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好,太過激進都係會物極必反,過於保守又會太過無情帶嚟惡果,凡事都要有個平衡立新得嚟都要保護到國家。電影中亦有用武器同裝備去象徵呢件事,兩次嘅挑戰儀式T’Challa都用咗攻守兼備嘅武器,表現除咗進取嘅態度亦有沈住氣嘅防守意識,相反Killmonger用嘅全攻形亦反映佢激進嘅態度;另外喺黑豹嘅suit upgrade個陣T’Challa同阿妹講原本套甲係”The idea by not being noticed”,所以佢揀咗紫色嘅甲,而Killmonger係用比較顯眼嘅金色,都有表達T’Challa沈實嘅一面,同埋如果紫色代表心型藥草的話,我會覺得係即使佢要改變制度都好,尊重而且保留傳統嘅美德都好重要。
其實講到呢度,黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。
有句對白印象好深刻,當Nakia叫Okoye一齊逃走個陣,Okoye話雖然佢好想跟佢哋走,因為要「效忠國家」所以佢唔走,呢度又一個例子表現盲從令人甚至放棄感情都唔敢違抗制度,作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情,所以有自己思想嘅T’Challa當時話佢老豆係錯準備去執佢D蘇州屎個陣,都已經講緊盲從傳統令人無情甚至後患無窮,要有自己嘅思想先可以改變國家,獨當一面。 呢個思想係咪都講緊Marvel Cinematic Universe唔再好似傳統英雄電影咁,以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位,燒草表達緊消毀傳統,連接畫面調轉暗示成個國家會被呢個行為顛覆同埋表達Wakanda政權已經被佢推翻。
最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽,到最後mid-credit scene嘅conference再以”Son of T’Chaka”介紹自己,以同一句對白但兩個不同場面首尾表達T’Challa已經由憤概轉變成熟。第二就係,十年前後嘅首尾呼應,十年前嘅IRONMAN最後Tony Stark係記招同世人宣布自己係IRON-MAN,有一種逞英雄嘅感覺;十年後以一個特徵相似嘅英雄黑豹,同樣地要顯示比世人知Wakanda有能力幫助出面嘅世界,十年轉變,黑豹係代表成個國家,而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎,所以透過呢一個十年嘅首尾呼應,Marvel係同大家講:MCU已經唔係代表住英雄電影咁簡單,而係不再猶豫、自信地話你知係代表住一個世界。
最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”,係一個外國嘅vine joke嚟,大家可以上網search下。
2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟,就係講緊End-credit scene嘅Bucky喇。
3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地,仲係喺Marvel出咗黑豹呢個角色幾星期後成立。
4.飾演T’Challa爸爸同佢爸爸後生時候嘅演員係兩父子嚟:Atandwa Kani, John Kani
電影有起碼3個位係向漫畫致敬
-同犀牛打鬥
-被扔落瀑布
-黑豹裝嘅金色頸鍊
相關影片:
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋!
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE
想留意更多我的動態,記得緊貼Ernest Docrazy
Ernest Docrazy社交平台:
Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
你仲唔係天才演員 在 ERNEST案內所 Youtube 的最讚貼文
想和我一樣30天升10000訂閱:http://goo.gl/zNT6Ck
暗算影評: 蝙蝠俠正義聯盟前熱身 請定義「正常」(台譯:會計師)
暗算(台譯:會計師) 影評:
The Accountant 香港譯做 暗算(台譯:會計師),我覺得呢個名譯得麻麻,因為我覺得 暗算 呢個名係根據劇情而譯嘅名,而我覺得劇情唔係重點,重點係做 會計師 嘅主角Ben Alffeck喺戲中點樣「與眾不同」,反而台灣直接譯做 會計師 效果仲好。暗算 (台譯:會計師) 絕對啱哂大眾口味,有特別嘅角色設定同背景,懸疑嘅劇情伏線,演員一流嘅演技,尤其係Ben Affleck,呢套戲可以係繼佢飾演蝙幅俠之後又一傑作,另外仲有各樣打鬥同槍戰。暗算 (台譯:會計師) 如果5分滿分嘅話我會比至少4分,絕對值得大家入場支持。
暗算(台譯:會計師) 劇透影評
呢套戲可謂Ben Affleck喺正義聯盟飾演蝙蝠俠之前嘅熱身。The Accountant 同 正義聯盟 都係華納兄弟發行嘅,之前DC comics更加出咗 The Accountant 嘅短篇漫畫,為觀眾提供多D有關Christian Wolf嘅故事。Ben Affleck承接住BvS喺正義聯盟中飾演蝙蝠俠大家都知㗎啦,而喺The Accountant飾演FBI探長嘅 J.K. Simmons 嚟緊都會喺正義聯盟入面飾演 葛咸城嘅 Gordon 警長。除左角色上算係一個熱身之外,呢套戲某程度上都可以算係一套「英雄電影」:一位天生有特殊技能嘅兒童,比「正常人」稱為「異常人」,承蒙高人傳受專業嘅格鬥、射擊同洗黑錢技術令佢成為一個隱世高手,以寡敵眾無人匹敵!10月10幾 會計俠!美國有唔少同類型嘅商業電影其實都比較英雄主義,意思即係以某個題材塑造某行業或者某時期嘅某人成為一個可以拯救一切嘅英雄,例如:加州大地震、金牌特務、侏羅紀世界、葉問呀。。丫呢套係香港嘅,而會計俠 The Accountant 嘅人物設定同背景都幾有超級英雄嘅影子。
The Accountant 暗算(台譯:會計師) 呢套戲令我印象深刻嘅係那個精神科醫生叫主角嘅爸爸 Define Normal 定義何謂正常,因為喺果位醫生嘅眼中呢D被標籤為有自閉症嘅兒童只係與眾不同,而係一D所謂正常人眼中呢D人係D唔正常嘅怪胎,最後電影將呢位所謂怪胎塑造成一位身手非凡心思細密嘅天才,一切都係睇我地點樣定義每一樣嘢。「定義何謂正常」係咪根據主流社會嘅價值觀去做嘢,諗嘢嘅大眾先叫正常呢?而好似主角咁,好怕同人接觸,好難同人親近,非常執著要自己完成一件事等等係咪就叫唔正常呢?電影話比我地聽唔係,佢地唔係唔想同人親近,只係唔擅長用大眾接受到個套嚟溝通,大眾所定義的怪異反而令佢成一個與眾不同嘅高人。人本來一出生就係一張白紙,成長過程中屋企、學校或者社會所灌輸比我地嘅思想往往會為我地定義所謂「正常」,當我地做一D少眾先會做嘅事人地就會覺得奇怪,甚至乎係比人話,如果呢D少眾唔出聲,可能會比人排斥、欺凌,當中最後有啲人可能會放棄自己所堅持行嘅路,做返一個平凡人,但當少眾能夠裝備好自己、堅持己見,最後都可以有機會成為一個強大嘅人,我唔會話係好人或者壞人,因為如何定義好與壞,其實都係根據我地所擁有嘅觀。多謝大家收睇今次嘅影評,中意我影評嘅可以like同share以視支持,如果你期待我下條片就記得subscribe啦,我們下條片見
《會計師 The Accountant》無雷推薦 影評
https://youtu.be/78volmRkIRI
【會計師】解密拼圖精彩幕後花絮搶先看 不是影評
https://youtu.be/raqlnEnMox0
【會計師】The Accountant 影評
https://youtu.be/PQJpl7XaLro
想留意更多我的動態,記得緊貼Ernest DoCRAZY
Ernest DoCRAZY社交平台:
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/