【steam煮意? 個個學生都可做廚神!】
「煮食」唔一定係為充飢而生，其實我地都可以思考一下食物，環境和人類活動之間的關係，而且食物來源更加同環保息息相關，近年成日講嘅「#可持續發展」或者「#植物性食物」，就係呢個概念下衍生出嚟! 究竟點樣食得對自己好又對地球好?
6月29號呢個活動就係由維他奶全力支持，來自14間學校，超過300個學生參與由聖雅各福群會助學改變未來服務主辦嘅「至『營』STEAM派對」，一齊將佢地呢2年響「營養探索之旅 - 食、知、源體驗計劃」學到嘅野，包括以STEAM概念所學習到的食物及營養知識，以充滿童真創意嘅食譜展示出黎，佢地仲即場同我地分享創作心得，現場仲有評判現場試食評分，競逐各項大獎，現場仲由 6號 「哥哥」宣佈賽果，其實氣氛都幾緊張咖!
｛林太心水童真美味♡｝
佢地製造出嚟嘅食物賣相好得意，而且心思細膩，好想學整比女女食啊!
♡天主教佑華小學 「 估你唔到的薯蓉」
有幾估唔到? 想大人遠離視覺框架，用味覺去尋找，佢地現場立即收埋哂食材叫我估，好可愛啊!
♡ 佛教慈敬學校 「立體可愛小薯蓉」
淨係個賣相都好得意! 熊貓耳仔係冬菇嚟㗎!
♡香島道官立小學「檸檬梳打水」
檸檬都可以發電?真係唔知! 加上專業賣相，我覺得可以推出市面了!
♡高雷中學 「奇異水果杯」
又一專業賣相之作，多重水果加上乳酪，最後淋上維他奶，簡單易做，但小朋友最鍾意!
《後記》
其實「營養探索之旅 - 食、知、源體驗計劃」係咩? 就係多方面認識食材來源，對環境影響，同食材組合變化等，如教學生利用植物奶替代牛奶，減低碳排放量等，其實好有意義!
#維他奶 #聖雅各福群會 #營養探索之旅 #食知源體驗計劃 #植物奶 #superfood #superburger #未來漢堡 #營養餐單 #健康食識 #素食
佛教慈敬學校 在 佛教慈敬學校 的必吃
佛教慈敬學校 幼小銜接及校園開放活動系列九月份到校活動 「好的開始就是成功的一半」，慈敬為讓幼稚園家長及學生體驗本校辦學特色及惜福學堂的理念，於9月舉行一系列 ... ... <看更多>