//支持本Page請Click入內文比Clap，已為Medium收費會員請直接Click入內文閱讀，謝謝！//
邱騰華早前響網上開Live，當被網民問及政府是否害怕或想制止黃色經濟圈嘅時候，就開始發爛渣、串串貢咁話，「我怕推行黃色經濟圈嘅人會係最大受害者，如果人人都畫個圈，第一個受害者就係畫果果個人；試諗下，你畫個圈由邊個來決定？」然後再加多句「世界上無任何一個經濟體可以自己劃地為牢，睇唔倒有任何實質可以維持或支持呢樣嘢」好悲哀嘅係，一個對經濟行為完全唔識嘅垃圾，竟然可以做到商務及經濟發展局長。
其實之前早前施永青對於黃色經濟圈嘅批評，全部都可以應用番響邱騰華上面：佢同施老闆一樣，係完全唔明白消費者嘅個人喜好同選擇係包羅萬有、旁人亦無從置啄：就好似有人鍾意貪方便幫襯最近間舖頭、有人鍾意兜遠路搵間好食嘅；有人就係條女話食乜佢就走去食乜那怕又貴又難食……簡單黎講，幫襯黃店又好、名店又好，就係「關你邱騰華撚事」。
另外，由於每次消費本身都會因為幫襯得呢間就唔會幫襯倒第二間，所以當然都係排他性選擇，但如果咁都叫「劃地為牢」，咁全世界嘅消費行為其實都係「劃地為牢」，即係邱騰華而家係咪要憑一己之力推翻哂成個經濟發展解釋，要做「新馬克思」？
當然，邱騰華果句「世界上無任何一個經濟體可以自己劃地為牢，睇唔倒有任何實質可以維持或支持呢樣嘢」，頗堪玩味，因為如果掩住個前面果幾句唔聽，唔知仲以為佢講緊偉大嘅中華人民共和國經濟圈。因為當將邱騰華嘅講法套用響中國共產黨禁呢樣果樣嘅做法嘅時候，成個觀感就立刻FIT哂。
拿，廢柴，等我話你聽乜Q嘢叫做真正嘅「劃地為牢」啦：當每一個消費者都能夠依自己嘅喜好自由作出選擇嘅時候（包括幫襯黃店），咁個市場就會自然令到社會整體利益發揮到最大效果；但而家中國共產黨呢，就成撚日幫中國消費者做埋選擇，今日就禁火箭隊、聽日就禁奧斯爾、舊年就禁小熊維尼、前年就「禁韓令」，明明就只係有班共慘黨領導自己唔鍾意，點解可以禁止全中國嘅消費者自由作出選擇？
喂，而家唔係講緊啲危害國家安全嘅不良內容，係人畜無害嘅小熊維尼、Oppa同埋足球籃球隊咋喎，邱騰華你口中講嘅「劃地為牢」，咪臭係呢種囉！「如果人人都畫個圈，第一個受害者就係畫果果個人；試諗下，你畫個圈由邊個來決定？」你呢句嘢套用響中國共產黨身上，真係啜核到痺！
最後，拎多單好笑嘅新聞作結：《華爾街日報》早前有單新聞以〈中國的休斯頓火箭隊球迷脫粉了嗎？不，他們在低調看球〉為題，採討目前中共禁制火箭隊嘅情況。佢地發現即使中國所有電視台同網站已禁止轉播所有火箭隊賽事、所有網上同實體商品都禁止販賣現屆火箭隊精品（但有以前嘅姚明波衫同無火箭LOGO嘅Harden精品賣），甚至好多中國火箭迷口講永遠唔會原諒Daryl Morey支持香港抗爭者，但身體卻仍然非常誠實咁用盡一切辦法偷睇火箭隊直播賽事。
佢地會響微訊開設好多隱密群組，到時到候就會分享一啲神秘嘅直播連結出黎；呢班地下火箭迷甚至會以「一場直播都無Miss」而自豪，而佢地最常用嘅通關暗語就係：
「低調看直播」
「求拉求進群。」
邱騰華下次開Live，最好就用呢個例子黎反駁網民啦。
休斯頓 講法 在 【人物特寫】陳奕芳主任離別感言.. 到底她在休士頓僑胞身上 ... 的必吃
一起聽聽她的 講法... | 【人物特寫】陳奕芳主任離別感言..到底她在 休士頓 僑胞身上觀察到甚麼..一起聽聽她的 講法... | By HomeMem MS | Facebook ... ... <看更多>