//全自購// SERCO STORE 買衫分享
希望大家唔介意我用cap圖，如果等我自己影應該下年先post到😂
如果有睇開ig shop 應該對Serco Store 都唔陌生的了，最出名應該係老闆超級靚女🤣🤣佢哋有唔同身型嘅靚女model同店員示範上身圖。返轉頭幫襯好幾次嘅原因除咗佢地衫褲質素都唔錯之外，就係佢哋嘅購物體驗真係超越左一般ig shop!!! 基本上今日落單第二日已經會收到貨，而且唔滿意可以退貨(雖然要俾運費)，落單流程都好順暢好方便。
作為顧客我覺得可以再改善嘅係熱門產品去得好快啦啦啦啦，成日都會呢款有貨個款就無貨，雖然網站貨物唔少，但有時要湊滿三件免運都有啲難～
「好想擁抱自己」Afternoon shimmer vest HKD219
DUSTY ROSE 乾燥玫瑰
「好想擁抱自己」系列嘅質地係超滑超soft 所以叫「好想擁抱自己」😆我都幾中意佢嘅質地因為真係好舒服，不過呢個價錢有啲貴，所以無打算買多隻色。
棉麻小開叉背心連身裙褲 HKD299💛
BEIGE 淺杏
返工好方便嘅套裝，因為係裙褲所以都唔怕太短，不過cutting 寬鬆版型，唔太修腰/顯瘦。同埋棉麻好容易皺，一定要燙。
波浪邊麻質Crop top HKD269💛
IVORY 米白
最近係Serco買嘅衫入面最中意呢件，超易襯，唔太透。放假成日着，笠一笠加牛仔褲就行得。
日版 MONTBELL WICKRON TEE HKD239💛
GREY 花灰
本身買黎行山的快乾tee，都幾中意，因為一般快乾tee會有一個一個好細個嘅窿，但係呢款就無，所以着出街都ok！
復古中高腰直筒牛仔褲 HKD299
呢條我高估左我個pat pat，買咗L但有啲鬆，不過洗左所以無退🥲可能因為唔啱size所以我感覺唔到佢修腳嘅效果
素面短版長袖上衣 HKD199
BEIGE 深杏
呢件係冬天定春天個時買，洗得多有少少起粒粒，唔係特別推薦~
「好想擁抱自己」超親膚薄長袖 HKD199💛
DUSTY ROSE 乾燥玫瑰
第一件買嘅「好想擁抱自己」系列，質地真係幾C服，so far洗好多次都無起粒粒，冬天/秋天襯牛仔褲又係唔使用腦，有少少想買多隻色！
小短版grid方領上衣 HKD269
BLACK 黑
已落架～不過我唔係特別中意呢件的，領口太大有啲易走光，變相要打底。本身買左白色，但因為太透所以退左。🥲
幼坑紋綁帶隨性休閑褲 HKD229
IVORY 米白 LONG 長版
好C服嘅棉褲，夏天着都唔覺得熱。不過留意返佢對於下身嘅修飾真係零，如果大脾比較肥着落無咁好睇。另外係我170買long又真係短左少少，應該買extra long 掂鞋面會好睇啲😂呢方面我覺得可以睇下員工嘅試穿報告，都幾有參考價值🤣我無跟住黎買所以就買錯長度了🥲
雖然唔係件件都中意，不過overall 我都幾中意 @serco.storee 架🇭🇰💛
大家買過啲咩係推薦或者中伏架呢～？
見字覺得啱睇嘅話請follow, save, comment, like @sharedomo 謝謝大家
件件都中意 在 這系列的每一件都喜歡到想買下來 ❤️ 汽車貸款陳先生要不要 ... 的必吃
這系列的每一件都喜歡到想買下來 ❤️ 汽車貸款陳先生要不要考慮量產啊 / Designer: @hong_studio_ MUA: @zhiyu726 Hair Stylist: @chi11.1 / #model #photography ... ... <看更多>