Search
📍各位準父母注意📍
⭐️［為BB健康了解代謝底病］⭐️
全球每2,000個BB就有1個患有罕見病，包括：代謝病。而香港，大約每4,000個BB就有1個患有代謝病。由於發病初期病徵並唔明顯，所以成日被忽略，往往令BB未能及時接受合適治療而受到永久性嘅傷害😱。
所以不可忽視為BB做代謝病篩查❗️只要喺寶寶出生7日內於腳底抽取數滴血液樣本，幾日後就可得知檢測結果！👍🏻依家部分公立醫院會免費為出生嘅嬰兒已能接受代謝病篩查，但並未覆蓋至全港，各位準父母都要了解代謝病，把握寶寶出生首7天的代謝病篩查黃金期❗️
#海豚BB都有喺私家做代謝病篩查
#今日2月28日係 #國際罕見病日
#代謝病篩查 #一步護一生 #美贊臣社區關懷計劃 #DolphinB #DolphinBB #新手爸媽
產檢編：相信好多香港準媽媽都會簡係政府醫院生產，因為現在的政府醫院設備各樣都很好。嶠媽今胎就簡左伊利沙伯醫院生產，同上胎一樣，都入左助產士診所，產檢各樣都會由助產士跟進。今次嶠媽都好好彩，同上胎一樣，都排到醫院做結構，相信好多媽媽都知，大部分醫院都只會安排有需要的媽媽，才可以在醫院獲得結構期，其餘的媽媽都要自己去私家照，最平都要$2,000🙈🙈但伊利沙伯醫院係例外，不一定是高齡或其他媽媽，只要有期，醫院都會安排比準媽媽。所以如果簡係伊利沙伯醫院生既媽媽，一知道懷孕，就盡快去排期，禁就有機會會獲得結構期😝😝
照完結構，會安排見一次醫生做產檢，見完醫生冇咩事就會pass媽媽去健康院或助產士診所，但都一樣，助產士診所都係有限人數，所以都係要講彩數啦，醫院好好，今胎陀雞蛋仔，都比我返上一次跟我陀芊嶠果個助產士跟返，見返佢個一刻，好感動，因為始終上胎陀住芊嶠見佢，今胎陀住雞蛋仔又係佢跟，好有親切感呀😘😘
醫院每次產檢，助產士都會同你講返果個週數有咩要注意，下次產檢會唔會有其他test要做。之後就會上床，助產士幫你按下個肚，會按到bb掉左頭仔未，31週2既產檢，雞蛋仔已經掉左頭，嶠媽又開始要緊張喇😂😂之後助產士會用部機比你聽下心跳，心跳在110至150之間就正常👍🏼👍🏼之後就再收到一個好消息，就係原本伊利沙伯醫院新生兒代謝病篩查試推計劃會在3月31號完，但剛剛知道政府會繼續撥錢搞，而且會有更多政府醫院都新增哩個計劃，禁嶠媽就唔洗自己比錢出去幫雞蛋仔驗🙈🙈
同一日既中午，嶠媽仲去左私家醫生到照超聲波，因為想見下肚入面既雞蛋仔。今似嶠媽就去左好多媽媽介紹既黃建新醫生，佢個到產檢費用$500 - $800，但就包照2D & 3D，當醫生轉3D照個陣，勁開心，因為上胎陀芊嶠冇照過，所以今胎就諗住平平地照下🙊🙊嶠爸胎芊嶠講係細佬，芊嶠就係禁指住個mom叫細佬呀😂😂醫生一路照一路望下芊嶠，睇下佢地兩姊弟似唔似樣。醫生話雞蛋仔面長，芊嶠就面圓，之後醫生會將超聲波相print落A4紙到，可能佢平就平在唔會比超聲波相紙你，不過我又覺得禁樣好👌🏼喎😝😝有一張超聲波相同芊嶠勁似，突然好期待雞蛋仔出世🤗🤗
**提提準媽媽們，黃建新醫生都比較full，所以大家最好在一個月前預約定，禁就一定可以留到自己想要既日期同時間啦！
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
👨🏻⚕️黃建新醫生👨🏻⚕️
📞電話：3622 1628
🏥地址：九龍佐敦道23-29號新寶廣場19樓
🌟🌟🌟🌟🌟🌟🌟🌟🌟🌟🌟🌟🌟🌟🌟🌟
