一直當左2019年催淚的滋味係MLA最後一個show。
當時周同學過身無耐，正值中大保衛戰尾聲，再過兩日就係理大圍城。
露體狂小丁
宅女上街吧
牛頭角青年
今宵多珍重
吳小姐
K同學
香港香港
整個鋪排每一首歌都痛到入心。
而今次俾我最大嘅感覺就係欲言又止，無可奈可，同香港一樣，都係咁壓抑。集體傷痕太深太痛，唔敢直接掂，只可以輕輕帶過🥲
就如佢地最後翻唱黃耀明嘅祝福你快樂入面所講：
//如此這般的創傷 不知怎去接近你
誰叫我意欲說偏偏不知怎說起//
另外令我有啲失落嘅係，今次新碟無收錄吳小姐，今夜雪糕段獨白唔同左，今宵多珍重live亦都無左彭定康嘅speech。身於以言入罪嘅時代，唔難理解呢啲變動，大概都估到唔會再聽到佢地唱某啲歌嘅live。再唔能夠再大聲疾呼心中所想，不過心入面知道自己唔係孤單一個就得🥲
完show之後搭過海小巴返屋企，經過理大、紅隧，再到銅鑼灣、灣仔、金鐘⋯香港變咗好多，但又好似咩都無變。
//我哋而家唯一可以做嘅就只有綁好安全帶，同捉緊我哋身邊人嘅手，然後放膽去經歷同感受未來喺黑暗之中所發生嘅所有所有事情。要一一去感受每一件事情帶俾我哋嘅眼淚、傷痛、憤怒、恐懼、感慨、無力、失望……呢啲事情同感受將會成為我地香港民族嘅集體記憶同傷痕。// from youtube
感謝MLA, 在這個荒謬的時代留低一起作見證。
#Longlive #mylittleairport #我都唔知道
今宵多珍重 在 今宵多珍重(蔡琴老歌卡拉OK) - YouTube 的必吃
今宵多珍重 作曲：王福齡作詞：林達南風吻臉輕輕飄過來花香濃南風吻臉輕輕星已稀月迷濛我們緊偎親親說不完情意濃我們緊偎親親句句話都由衷* 不管明天到 ... ... <看更多>