［中国版リーマン・ショック］上星期五的，唔記得貼，唔貼驚冇得貼。
1. 雷曼時刻？冇噃。恒大固然都係過到十五過唔到初一，港股都應該仲有得跌。但，其他市場完全唔驚。SalesForce又破頂，日經星期五都升返600點。我記得雷曼爆煲嗰時好似唔係咁
2. 日本股關我乜事？都關關地，都有買，雖然細細地，但好過冇。畀你見到真係要分散。個九個講到自己點英明神武，你可以睇下港股咁嘅市況，有幾多人唔使輸錢？數浪呀？定高位反手造淡呀？
3. 當然，只係買得好少，早早應該買多啲。但幾時都係嗰句，最好嘅時機係舊年3月，第二好嘅時機係而家。
4. 又，個題當然係copy and paste 的。都講過，話說本人仲係日日收到日經嘅日文newsletter。但我唔識日文，睇嚟做乜？因為當年日經訪問過我，仲係幾長嘅訪問添，唔係打嚟講兩句，上咗嚟我公司講咗粒幾鐘，2018展望之類。
5. 講乜話？係講……普通話。個記者姓林，我一度以為係華人甚麼，但當然日本都有林姓，「例如林源三」「仲有林海峰」（唔係林狗）。咁最後既然佢唔識廣東話，我又唔識日文，咁我以為講英文，但似乎佢對佢嘅普通話更有信心，咁就普通話吧。至於篇訪問，就當然係出日文。
6. 篇嘢我當然印咗出嚟釘在個位，打後有乜日本朋友之類仲會send畀佢地睇。「本人上過日經專訪呀！」。但要註冊咗做會員（無料的）先睇到嘛
7. 咁威就攞完，嘢又print完，工都冇埋，仲keep住無料會員做乜？
8. 問題就係，我唔識日文，就取消唔到！個過程都有啲複雜，應該話註冊嗰時都搞咗一大輪，填個名又半角全角搞一大輪。結果就係Catch 22，我就係唔識日文先去取消嘛！但唔識日文又取消唔到！
9. 不過，是但了。一日收一兩個email又唔係特別煩，睇下漢字睇下五十音都仲識嘅。可以假裝在日本。
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
五十音 漢字 在 【50音平假名學習圖。】 日文在學習過程中其實是很有趣的 的必吃
我覺得用圖反而會搞更亂，當初我背是用中文轉換反而很好記憶一週就全背熟了，因為五十音是由漢字演化而來的，所以用這種先記漢字再慢慢回想會比較好背，而且也記住一些 ... ... <看更多>