//支持本Page請Click入內文比Clap，已為Medium收費會員請直接Click入內文閱讀，謝謝！//
所謂壞鐘每日都有兩次準，雖然著名KOL蕭若元對於抗爭以至肺炎嘅預測次次都錯，今次佢就林鄭拒絕封關嘅分析我卻大部份都同意：
1. 點解林鄭遲遲唔封關，封都封得遲鈍過人？當然係因為林鄭對於出入境權限無話事權，一切都要等習近平拍板。
再講多一百萬次，好心班飯民黃屍KOL唔好咁天真，成日將拒絕封關責任歸咎於林鄭：即係擠牙膏式果種溫溫吞吞，你平時番工可能都會遇過，當你每樣嘢都要請示老闆，等上頭批文落咗黎你先可以做，咪臭係會咁囉！
其實林鄭每次講到封關都提及到要同內地磋商都經已畫哂出腸，就係中共政府從來唔會將出入境自主權交比特區政府：你要限制大陸人落黎香港，可以，但一定係由大陸政府作主導你再配合。再唔信封關主導權響大陸手上嘅話，最有力證據就係響香港決定禁止武漢人入境之後第二日，賀一誠立刻跟進宣佈同一措施；然後香港同澳門亦係同一日宣佈暫停簽注自由行簽証──你話唔係夾埋，搵鬼信牙！？
2. 好多人追捧賀一誠點點點，嘗試將佢塑造成英雄神話，呢個假像我響之前篇文已踢爆咗，唔再重覆。有人拎澳門確診個案同香港少呢一點作為賀一誠「政績」，我心諗呢條友真係痴9線──澳門人口有幾多、香港人口又有幾多呀？咁都可以比？
反而有一樣嘢大家要留意嘅係，取消自由行、禁止武漢湖北人入境係港澳同時進行，咁點解香港關閉關口澳門卻無跟住做？因為羅湖皇崗封關並唔係中共嘅原定政策，而係比醫護罷工同羅湖放置炸彈迫出黎嘅。
所以響度提醒大家，廢老KOL日提夜提只說不做嘅和平不合作運動、又或者劉細良民主黨膠化PEPE頭同咒殺式燒紙扎公仔屎橋，去到最後只係自我感覺良好、聊以自慰嘅精神鴉片。從來無一樣嘢可以唔付出犧牲而可以迫獨裁政府跪低。
3. 客觀咁睇，其實林鄭式封關，係比原先主流社會建議嘅形式更加理想：我地應該心知肚明，而家香港輸入嘅武漢肺炎病例除咗大陸人，仲有超過一半係響大陸番黎嘅香港人。所以如果依照原先建議，封關只係禁止大陸人入境，而任由香港人出入，基本上只係篩走咗最高危果班，其實疫病爆發嘅風險仍然存在。
正確嘅封關方法，就係要好似而家咁，個關口係直情要完全停止運作，不分國藉總之係響大陸逗留過嘅就一律暫拒入境，直至疫情受控為止。
4. 當然呢次封關最終功敗垂成，主要係由於兩點：一係林鄭措施永遠係「N+14」，即係如果佢係響過年前疫症仲未爆果陣經已咁做，就真係好大機會斷絕疫病傳播鏈；但去到過年之後，經已有過百萬香港人兼大陸人次進出香港，香港經已由「輸入外地感染個案」去到「親密接觸人傳人感染」再去到「社區傳播感染」呢個第三級階段；距離「社區大爆發」只有一步之遙，一切經已太遲。
二係即使去到目前為止，機場始終維持直飛中國各大城市航班，二係仍然保留咗深圳灣同港豬噢個缺口──結果就等同你帶口罩，偏偏就留咗兩個漏氣位搞到成個眼鏡都係霧氣一樣。
點解死都要留一條大陸人可以入境香港嘅尾巴響度？
A. 要比權貴留一條生路。有人話叫得權貴就自然有特權、有外國護照，所以根本唔需要呢種特別通道；但佢地唔明權貴都仲有分好多級，有啲就係仲揸住中國護照，雖然循正式渠道入境。而且權貴仲有佢啲遠房家屬、朋友，有時係需要透過特許簽證比佢地走黎香港，甚至作為賣人情同盈利之用。
B. 中共作為香港嘅宗主國，保留批准嘅國民自由進入香港境內就係一種主權體現，係屬於國家專嚴嘅一部份。相比起尊嚴，疫症安危當然係可以擺埋一邊。
C. 中共係唔能夠容許香港人醒覺，原來有日中港真係出現完全區隔，生活可以繼續如常。因為咁樣等如話比香港人聽，港獨有可能嘅。
5. 既然封關與否係一場事關中共管治權威嘅大事，咁係咪代表完全無得搞呢？當然唔係──當日《逃犯條例》修訂共產黨都係打算吋步不讓架，點知612一衝就即刻跪低。
而家中國正處於內外交煎嘅危急關頭，香港人就更加要乘國之危。響度我不得不再次表達對醫護罷工嘅敬意──如果呢壇嘢係飯民職工盟之流主導嘅話，響政府封咗皇崗同羅湖之後一定會響高呼「階段性勝利」之後全力叫罷工人士散水，但今次無飯民大台指揮嘅罷工卻決定堅持落去。
喂其實距離香港全面封關，真係爭最後一步：要求港珠澳大橋深圳灣機場全面禁止大陸人入境，機場禁飛往大陸航班，轉機禁止乘客落地；關口貿貨不留司機消毒後換香港人駕駛，所有來自大陸嘅香港人全部強制家居自我隔離14日，咁成個封關程序就圓滿──雖然係遲，但遲到好過無到。
所以香港人真係要無條件支持今時今日仲肯用各種激進、有效手段進行抗爭嘅義士同醫護，你地係香港真正嘅英雄。
中國 護照 入境香港 隔離 在 臺灣觀光協會香港辦事處/ Taiwan Visitors ... - Facebook 的必吃
... 中心公布：自2月10日00時00分起所有旅客經中國大陸、香港及澳門「轉機」得入境臺灣者，一律居家檢疫14天。 ... (如美國、加拿大、澳洲等，非使用港澳特區護照、BNO ... <看更多>