拜拜4眼🤓 之 Smile驗眼篇(上）
打打吓發現太長，所以分上下集先得😜
今日主要講吓做手術前一個星期嘅 #驗眼。呢個驗眼係好重要㗎，係決定你做唔做得成矯視㗎。身邊唔少朋友都有問我情況，所以喺度做個「自問自答⁉️」，等大家對 #Smile矯視 有更多了解丫😄。
⁉️「點解要做Smile?」
話說，喵奴小三開始就有 #近視，仲要一驗已經有300度🤦🏻♀️。而最新嘅度數已經去到：
左眼700度+75度 #散光
右眼600度+50度散光
讀U時roommate做咗 #激光矯視。佢個時同我講佢做個陣好驚，同埋聞到有陣「𤓓」味🔥，我聽完有啲陰影呢🤨，所以一直都諗住等有新技術做矯視。
直至兩位公子出世，愈大愈鍾意抆我副眼鏡🕶
(4眼父母應該好深感受)。眼鏡又厚又重仲要好貴😣（因為有散光）；戴con戴咗18年，對眼唔夠半日就勁乾😭。原本想上年做手術喇，但一直的唔起心肝🙈。
點知最近因為疫情關係，細細妹變咗home office，佢就去咗做Smile，因為home office可以等對眼休養得好啲，跟住仲係咁讚做完有幾爽👍🏻，係咗引誘我同大妹😂。
就係咁，我大妹話想趁復活節假期去做Smile，我就free rider地跟埋啦😂但細細妹話佢醫生唔好，所以我哋搵大妹同事介紹嘅醫生做。
⁉️「Check眼程序係點㗎？」
我哋約咗9/4去眼科中心check眼，❇️記得驗眼前一個星期都唔可以戴con呀，因為可能會影響度數驗眼唔夠準確㗎。
首先姑娘會幫我哋滴眼藥水，用來擴張瞳孔👁。等大約10-15分鐘，慢慢你會發現就算戴住眼鏡都睇唔清電話啲字，反而除咗眼鏡睇仲好啲。等瞳孔擴張晒就帶我哋入房驗眼。
我記得我去左兩間房，第一間房要驗3部機，我對眼有啲累同畏光，不停眨眼同標眼水，但大妹佢就話冇嘢。
之後轉另一間房見視光師，好似平時買眼鏡咁check眼。我有問到視光師我角膜夠唔夠厚做Smile，佢話我540-540厚度，屬於中等，但都要同返我嘅醫生傾先知做唔做得；另外佢有同我講我嘅主力眼係右眼，但係我左眼近視深啲，原來兩者係冇關係㗎。
跟住就去見眼科醫生，我同阿妹一齊入去見佢。醫生會問我哋嘅職業，跟住幫我哋check多次眼，啲光猛到呢⚡️⚡️⚡️，照眼個陣直頭見到自己瞳孔入面啲網狀血管🕸，佢話係check吓有冇 #黃斑病變。
我話我 #飛蚊症 好嚴重，佢話check到我冇視網膜脫落嘅情況，所以都冇問題。不過‼️，
❇️「做完手術仍然會病飛蚊，唔會少咗」
即刻有少少灰咗添😞
睇完我同大妹對眼都冇問題，就約下一個星期(16/4)做矯視啦，❇️緊記等做手術呢一個星期都係唔可以戴con呀。
走個陣因為瞳孔放大咗，所以睇嘢覺得好光好光，離開大廈見到陽光直頭覺得光猛到眼都痛埋，❇️所以記得戴太陽眼鏡呀。返到屋企大約幾個鐘後瞳孔就回復正常啦。
⁉️「驗眼期間要唔要除口罩😷？」
入到眼科中心就要搓消毒洗手液同驗體溫，姑娘會問你14日內有冇離境，同埋屋企人需唔需要隔離，全程都唔駛除口罩，驗眼個陣都唔駛除。
⁉️「驗眼要收費嗎？」
要呀！我個間係先俾$9XX，驗完如果ok嘅話，做完手術埋單會扣除返呢筆驗眼費。
⭕️總結：
✳️驗眼前一星期唔可以戴con
✳️驗完眼等做Smile個一個星期都唔可以戴con
✳️記得帶太陽眼鏡
✳️建議驗完眼有屋企人陪你離開，最好即刻返屋企啦
下集再講講做手術過程同收費。如果大家有咩問題都可以留言/pm我，我會將所知嘅都同大家講😄。
#純分享
#宜家9成5視力正常喇
#星期五會再去驗眼
#我做呢間冇二人同行
#純粹係朋友做過覺得醫生好
#下次講埋同細細妹個間有咩分別
下次講埋同細細妹個間有咩分別 在 巴打絲打「11靈異怪談」Facebook Club | *夜半行小路迎面撞正[女鬼] 的必吃
不過起初，都無乜嘢嘅，我一路行一路耷低個頭細細聲咁哼歌。但係行行下，我見到喺前面好遠，有個著白色裙既女人迎面喺同一條小路上面行緊過嚟喎. ... <看更多>