【順帶一提又Sell Sell我Patreon：課金比我唔會救倒香港，但會令繼續響班飯民政棍面前篤眼篤鼻，而我有自信寫出黎嘅嘢值得收你地錢 https://www.patreon.com/user?u=7173543 】
同啲唔撚識經濟學嘅人講嘢本身經已好撚攰，但同啲歪理連篇嘅撚樣講道理就更辛苦，例如葉一知呢條撚樣。其實無論投票又好、課金消費又好，我從來都覺得最基本原則係揀你自己鍾意嘅候選人走去投、揀你最支持嘅品牌去科水。
但我發覺每當黃屍搵唔倒方法係說服其他人支持自己嘅時候，佢地最鍾意就係用「情感勒索」黎迫人放棄個人意志跟隨飯民大台利益行動──以前最常見嘅就係四年一度嘅含撚投票，估唔到今年無得投，仍然係會有一知半解葉一膠發明出黎嘅含撚消費。
事緣飯民打算「捐狗窿」走入臨立會2.0引起公眾嘩然，就連好多和稀泥淺黃都表示接受唔倒大力抨擊；但偏偏一班黃屍KOL同時事評論員響呢個大是大非嘅情況下，一啲就面目模糊遲遲唔表態想左右逢源買兩邊，另一啲就公然支持飯民「捐狗窿」加入臨立會，完全脫離民意──咁讀經濟學出身嘅友好渾水，就好簡單提出一個好簡單嘅市場理論：既然有政黨、KOL同時事評論員背棄民情，咪停止課金同捐獻以表達不滿，直至佢地「回頭是岸」為止。
呢個道理非常簡單，就係源自「黃色經濟圈」只將錢花在共同立場嘅道理，沒想到卻踩親了黃屍KOL「一知半解葉一膠」條尾，撲出黎發炮還拖。
葉一膠聽落去好似言正辭嚴：
「聲言要用經濟壓力去封鎖佢哋嘅意見，咁其實同中資大財團唔喺蘋果落廣告並恫嚇其他人唔准落廣告，分別喺邊？」
「蘋果日報同老泛民就好friend嘅，咁如果肥佬黎支持留任，咁係咪以後唔買蘋果、取消訂閱、放晒啲股票同埋以後唔為蘋果寫專欄(如有)？」
「其他同路人呢？佢哋因為被政權打壓，或參與運動冇咗份工，或一直課金、捐款、支援畀好多抗爭路上嘅後生仔，依家只係因為一個有爭議嘅議題發表自己嘅睇法，要被你呼籲經濟大封鎖？」
「口口聲聲話唔好當手足係condom，咁係咪背後支援的和理非就可以係condom？」
但其實其係賣弄小聰明嘅詭辯，更加反映佢對經濟學同一般常識係一種扭曲事實嘅錯誤認知。
1. 好簡單，每個人嘅資源都係有限嘅，但要消費嘅欲望，或者響呢個Case黎講，要受資助嘅對象係無限嘅。當我覺得原先支持嘅政黨／KOL經已脫離我最值得支持嘅名單以外，我將呢筆錢換轉拎去支持其他同我立場更近似、更值得幫助嘅組織或人士有咩問題？
呢個道理甚至簡單到等如香港有好多黃店，你有可能幫襯得哂咩？響資源有限嘅情況咪幫襯同我最啱Key嘅黃店囉。選舉有咁多候選人，我點可能投得哂佢地？咪揀個最啱心水嘅候選人走去投囉。
葉一知呢種歪論，唔單止係無視咗「就算唔課金比你，唔代表我唔支持其他抗共媒體同組織」，甚至係延續飯民「含撚投票」嘅歪理，將佢轉變成「含撚消費」：
就算飯民走入中聯辦出賣群眾又點？就算響垃圾會唔開會唔投票又點？佢地始終係同路人，你唔投佢地一票就係益咗共產黨就係鬼！就算黃標KOL支持非法議會又點？佢地始終都係同路人，你地唔繼續課金比佢地就係分化撚！
喂，當日屈人投票比飯民經已好唔順氣，我課金、捐獻都只係為咗自己舒服開心，幾撚時要跟你條撚樣葉一知嘅道理被迫去支持啲我唔鍾意嘅KOL？傻撚咗牙你？
2. 葉一知另一種最撚討厭嘅混淆視聽，就係將「危急救難」同「消費購買」兩樣嘢撈埋一齊。喂平時我就係唔會訂蘋果，買蘋果日報架啦，因為我就係唔認同佢撐飯民嘅政治路線；但唔代表當黎智英出現危機時，我唔會第一時間撲出黎撐佢喎。
而家呢班打算「捐狗窿」加入臨立會2.0嘅議員，之前四年賺撚咗幾多人工？果班等緊買兩邊，拒絕反對臨立會2.0呢啲大是大非事情上表態，將課金利潤最大化嘅「時事KOL」而家每個月賺緊幾多收入？
劉細良月入過百萬、D100年收千萬計、花膠台、廢老森月入數十萬、XXXX月入過十萬，相比起出面連個Patreon戶口都無，工又無連食餐飯都無著落嘅後生仔，你葉一知反而走去驚前面果班肚滿腸肥嘅黃屍KOL無飯開？而家邊撚個當手足係Condom？咪臭係你條葉一知囉！
得，無問題，上述邊撚個政黨或者KOL開唔倒飯，邊撚個夠薑自認窮得過前線義士嘅整張資產負債表出黎同大家分享下！
3. 葉一知想將一個好簡單嘅消費選擇，提升到「用經濟壓力去封鎖佢哋嘅意見」呢個道德批判，固然係卑鄙無恥，但老實講就算上綱上線去到呢個Level，我答你一句：「係！」又如何？
即係黃屍成撚日將飯民當做同路人，事實上香港有好多人經已唔當佢地係。本身唔幫襯藍店，就係用經濟壓力封鎖佢地嘅撐共撐政府嘅意見，點解今時今日我唔可以同用經濟壓力去封鎖「支持／唔敢表態反對臨立會2.0」呢種大是大非嘅歪理？
當日人民力量狙擊民主黨，咪臭係用選票壓力去封鎖佢地嘅意見囉；我雖然反對初選，但啲人唔投黃碧雲唔投老飯民，咪臭係用選票壓力去封鎖佢地嘅意見囉，你葉一知唔撲出黎話「唔好當民主黨係Condom？」
4. 救香港還救香港，收課金還收課金，我最討厭就係將兩樣嘢撈埋一齊。我叫人課金比我，從來唔會話因為我救倒香港，而係我提供嘅內容係值得你比錢。如果你唔鍾意或者覺得唔值嘅，唔比咪唔比囉，我自然會被市場淘汰。
唔想因為立場唔同比人退訂閱退課金，咪搞好自己啲內容、做好自己政治組織嘅本份，爭取更多同路人支持囉！好嘢你驚無人幫襯？雖然小弟無撚人睇連KOL都唔係，但我經歷蕭若元同黃世澤等人多重經濟封鎖，不停叫人唔好課金比我，但最後托賴仍有少數支持──點解我就要靠自己個人實力營運網站、其他人就可以靠「道德感召」呃飲呃食？？
再講一次，無論係「含撚投票」定係「含撚消費」都Out撚咗架啦葉一知，你唔想屈服於呢啲政見不同嘅經濟／選票封鎖壓力，唔係走出黎喊苦喊忽賣小強，而係要做好自己做到就算有政見不同者杯葛，都仍然可以靠質素響市場生存落去。掉番轉成班飯民政棍，就正正係由於葉一知你多年以「含撚投票」包庇，響缺乏市場競爭之下咪一直腐敗到而家囉！
