馬雲禍從口出 誠實變成罪過
11月4日，部份時間有陽光及乾燥，氣溫唔高兼吹偏勁東風。美股喺總統大選投票日上升，由於市場相信拜登能輕易奪取總統寶座，令選舉結果出現爭議機會大減，市場不明朗因素一掃而空，美股三大指數顯著上升，道指升2%；標指跟納指則升1.8%。市場對大選迅速有結果充滿信心，市場不確定性解除，令華爾街鬆一口氣，市場最怕不明朗，當市場傾向相信拜登贏硬並出現「藍浪」，即民主黨同時控制參眾兩院，白宮日後施政更為暢順，美國缸邊友認為咁嘅情況下，美股至年底有望再創新高。
不過古天后就無咁放心，尤其係上屆選舉希拉莉同樣喺贏硬嘅情況下大熱倒灶，侵侵爆冷入主白宮，當時對美股帶嚟嘅短暫震盪，波幅甚為嚇人。今次會否案件重演，古天后無水晶球當然唔知，亦懶得去預測，只係一旦結果出現爭拗，美股呢兩晚嘅升幅定必付諸流水。
無論最終誰人入主白宮，古天后都堅信喺震盪過後，美股均可喺年底前保持升勢，侵侵連任唔使講，一切依舊不變，即使侵侵做事方式難以捉摸，但市場亦早已習慣，尤其係侵侵一向重美股走勢，將設法以財政及行政手段，設法令美股音樂椅遊戲延持，而膠著嘅刺激經濟方案可盡快落實。至於民主黨大勝，拜登成為白宮新主人的話，或掀起不利商界政策憂慮，但華府或加碼財政刺激措施，實行弱美元政策，及改善貿易關係，凡此種種同樣有利股市。只係過去兩年，科技股主導市場嘅角色或有變化，舊經濟傳統股能否再抬頭，就只有見步行步。
美國總統大選再矚目，香港嘅缸邊友只有份食花生，點都唔夠有份參與嘅螞蟻集團(06688) 股價及相關新聞 IPO咁有切身關係。螞蟻集團(06688) 股價及相關新聞 (688688.SH)「A+H」世紀上市埋門一腳撻Q，上海證券交易所周二晚間宣布煞停螞蟻科創板上市，理由係其實際控制人馬雲、董事長井賢棟及總經理胡曉明，剛剛被內地4大金融監管部門約談，以及金融科技監管環境發生變化，而唔夠一粒鐘公司亦宣布因應A股事件，H股連掛牌亦將暫緩。
本來缸邊友都希望螞蟻中獎可以「一身蟻」，但螞蟻上市被撤回，有份認購嘅155萬名股民，呢鑊唔慌唔一身蟻，尤其係孖展認購硬輸息，就算現金認購亦要輸手續費，本來萬眾期待螞蟻上市帶嚟財富效應，家下真係美夢泡湯，集資凍資雙冠王難產收場，難免對港股帶嚟震盪。
隔晚事件主角母公司阿里巴巴(09988) 股價及相關新聞 喺美股應聲而下，BABA急跌逾8%，因螞蟻上市估值被大幅提升嘅騰訊(00700) 股價及相關新聞 ADR亦跌至581元，今日兩股裂低開已無懸念。至於以為今年標個大尾會嘅港交所(00388) 股價及相關新聞 亦受衝擊，今日股價未知能否守住370元，即10日及20日線匯聚區。
股價升升跌跌缸邊友早習以為常，但螞蟻事件影響深遠卻值得三思，主要係螞蟻嘅A+H上市計劃，講到明AH股喺兩個獨立市場上市，但A股被阿爺叫停，H股亦無可選擇同步煞停，皆因內地因應政策風險要求螞蟻要重新估值才可再上市，H股夾硬上市首掛亦可能重傷。
市場普遍相信螞蟻上市計劃難產，跟掌舵人早前喺上個月中國金融四十人論壇金融峰會禍從口出有關，當日馬雲直指中國金融領域嘅各種問題，指『中國金融沒有系統性風險，因為根本沒有系統，也缺乏健康金融系統』呢幾句說話明寸同場嘅王岐山。當時馬雲仲驚死激唔嬲方仗，向王岐山臉上大大巴扯落去表示：『我們要建設金融健康系統，不是擔憂金融系統風險』。
馬雲嘅說話真實反映中國金融市場現況，但阿爺嘅權威又豈能受到挑戰，講真話誠實係罪過，就算馬雲你係中國首富又如何，螞蟻世紀上市「為國爭光」又如何，只要阿爺一聲令下要你滅亡，螞蟻咁就被KO。呢啲就係所謂政策風險，任憑中國金融市場講到點點點開放，如此大型嘅上市集資計劃竟可「兒戲」地叫停，定必為中港股市蒙上污點。日後中概股回流多重顧忌，外資參與信心大打折扣。上海要成為國際金融中心談何容易，只怕上海未成功之前，連香港呢個國際金融中心地位亦不保。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
上海a股走勢 在 上海a股歷史走勢在PTT/Dcard完整相關資訊 - 星星公主 的必吃
由此可知，賣股票的技巧遠比買股票來的重要... 一旦走勢不如預期，再考慮是否停損出場.上海银行(601229)股票价格_行情_走势图—东方财富网提供上海银行( ... ... <看更多>