關於 迪士尼酒店有咩玩2021 ，我們在網路上蒐集到這些相關的討論、資訊與評價

#八成半接受電子消費券 #酒店住宿抽獎 #美食博覽 #家電家品博覽 #香港國際美酒展 #香港國際茶展 #美與健生活博覽 #8月12日揭幕

😍下個禮拜就開幕啦🎉消費券到手一齊去shopping啦！等我同大家率先睇吓有咩抵嘢～好推介啦🤩👉🏻👉🏻👉🏻

嚟緊搬屋要添置新屋嘅家品電器，家電．家品博覽有好多優惠！如中華煤氣、雅芳婷、虎牌、孖人牌、德國寶同梳化倉等😍時間啱啱好落定單先～👏🏻

❤️全港首創loT智能防乾燒煤氣煮食爐😍+獨家發售TANITA Hello Kitty產品💕，展位3F-E02@煤氣公司Towngas Appliance

💛米奇老鼠空氣炸鍋，廚房必備架🤤仲有智能抹窗機械人💦展位3F-A02

💚德國寶迷你韓式光波燒烤爐🤩無油燒烤！係屋企BBQ都冇問題呀👏🏻展位3F-D02德國寶(香港) German Pool HK

🧡美國太空總處(NASA)技術開發嘅防疫型殺菌車用空氣淨化機，助打造無菌空間！展位 3F-D20

💙DPM點對點床褥、枕頭😍度身訂造一定舒服🎉 展位3F-D12

💜抗病毒旅行睡袋，10分鐘內破壞病毒😱 展位3G-E11A-FONTANE 雅芳婷

🤎荷蘭多功能兒童油漆，可以畫畫😍有小朋友屋企可以考慮！展位3G-E17
———————————————————
🤤相信大家都餓咗好耐啦！一定要去埋美食博覽掃貨呀‼️👉🏻👉🏻👉🏻

🟡$1玩反斗機械手贏冠冠反斗BB系列食品🤤秘製辣椒醬、花膠碗仔翅！展位1C-E34@冠華食品

🟢新配方益力多！少甜🤤會展優惠平好多～有貼紙送🎉展位1C-A27益力多 Hong Kong Yakult Co Ltd

🟠$1無激素雞煲🤤有保溫袋送🎉 展位3D-B17Enjoy Party Catering 樂婷到會

🟣$1有機蒟蒻麵，仲有一系列生酮低碳飲食👉🏻天然椰菜花飯、果仁早餐！展位1E-E21

🔴輕代美日本營養代餐，低脂即食好味、韓國人氣HBAF花生🥜展位1C-D18
———————————————————
😌滿足完梗係要扮靚啦！美與健生活博覽，有美容、健康飲食、護膚等產品👉🏻👉🏻👉🏻

🟧迪士尼指甲油系列😍 等妹妹大咗要一齊玩！展位3E-C03

🟥 PIBU PIBU韓國洗髮露套裝，展位3E-C10

🟪 Plasma等離子淨化護理，幫你淨化吸收重新✨展位3D-C01Zkin新肌-您的肌齡管家

🟨新冠病毒快速抗原測試劑，屋企自己做15分鐘有結果，家家戶戶必備保平安！展位3E-D12

🟫$1 X-SHAKE骨膠原高蛋白早餐奶昔，大人小朋友都飲得～展位3E-A02
———————————————————
🎁單一消費滿$200仲可以參加大抽獎🎉有機會抽到五星級酒店staycation package、餐廳禮券、名貴食材、護膚套裝同健康用品添㗎! 😍

🤩今次超過880家展商參與～實在太多啦介紹唔哂！大家記得拉定車仔去shopping啦💪🏻💪🏻💪🏻

HKTDC Exhibition Channel 香港貿發局展覽頻道

《家電．家品．博覽 》
日期︰ 2021 年 8 月 12 至 15日:上午10點至晚上10點/ 2021 年 8 月 16日：上午10點至下午6點
地點︰香港會議展覽中心
展會詳情: http://bit.ly/HKTDCHOME
8月食．住．買👉🏻優惠券同著數情報: https://ecoupon.hktdc.com/food
‼️同一張門票仲可以行埋同期展覽👉🏻美食博覽、香港國際美酒展、香港國際茶展、美與健生活博覽

#HKTDC #hktdcfairs #hkfoodexpo #winefair #hkteafair #hkhomedelightsexpo #hkbeautyexpo

［今日寫啲乜］大市嘅嘢，冇乜特別啦，話咁快繼續打牌。「幣災」後，港股跌些少，但反而科技股幾強（科指升1.4%），好事，證明風險胃納強。美股呢？「幣災」當晚跌600點（好多咩？2%咋喎），但好快收窄，納指仲差不多收復所有失地。咁你係都話乜「好多公司買咗好唔掂」「資金鏈斷裂」「銀行爆煲股災然後中美開戰射核彈冚球鏟」嘅，be my guest．唔好笑呀，負油價嗰時咪又係咁講，頁岩氣公司破產嘛。瑞信韓仔爆煲夠係咁講，史上最大trading loss（是真的），但，一個星期已經冇人講。論述人人有，但量化唔到嘅不如都係返屋企做定期存款啦。「不過銀行都會執笠」「你點知唔會」「買美債都可能會破產」「你點知唔會」

騰訊嘅，其實…….都冇乜好講。業績嘅，話好唔太好，話差唔太差。但相信no news is good news ，你股價800蚊時出呢個業績梗係插，但而家跌咗落嚟，照計吸引。Patreon入面細講

恒指季檢嘅，「其實幾難炒」。唔怕話埋你知炒邊隻，咪又係京東網易。計埋成交額vs 潛在被動資金流入嘅比例了。重點係，大佬，我發現呢個世界好多人諗嘢係唔諗downside的，我就經常都諗「如果我錯呢？」。咁你搏啲唔知咩公司，有啲擺明炒上去摶入指數然後散貨畀被動基金嘅（而家少咗），一個唔該落空，你邊有得守？唔止，入到指數人地再彈弓手都試過啦。但如果京東網易呢啲比較好嘅公司，你落空咗都仲有得玩，兩隻剛出業績都唔錯

至於「港股通」炒邊隻，就入面先講了。雖然早兩日已講咗次，都炒咗幾日。

同樣地，摶收購對象，我先唔使打格（呢排先睇返「全裸監督」），盡量都真刀真槍本番全破解啦。反正金朝陽呢度都寫咗。有乜好打格？

咁另一隻係美股，LionsGate．做乜的？下？唔知嘅，咁都真係要惡補下，本人就勝在乜都知啲。拍戲的嘛。咁點解係LionsGate？ Warner Media又買Discovery（搵笨，買貴貨，兩隻股價都跌），Amazon又話想買MGM（占士邦大戰光頭佬，或者洛奇打鳩Jeff Bezos ，Anyone？BTW，同賭場酒店嗰間冇關的，即係新鴻基地產同新鴻基證券咁）。為乜？為打NetFlix同迪士尼。

係喎，寫埋出嚟，先唔怕你抄。反正你抄到冧把都抄唔到神髓，其實仲衰過唔睇，梗係睇原文先有風味。仲有，「入面仲有第三隻」，hidden track．

呀，6月會出埋聲音版同影片版了

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

【龔成問答信箱】（Q16021-Q16040）

Q16021：

Hello 龔成老師，之前大市向下，現開始留意一些股票會不會中期左右會反彈，求老師比一些意見，感謝

1）303偉易達，，想小注入

2）880澳搏。看看疫情過後，會否再上

3）52 大快活，看看疫情過後，會否再上

龔成老師︰

中短期走勢無人會預知得到，我地投資唔應該"估走勢"，而係睇翻隻股票平貴，去做資金配置。

1） 偉易達（0303），佢雖然本質都算不錯的，但增長力就唔叫好強。

佢過往派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。現價算是合理區，無貨者小注無問題。

2） 澳博（0880）和其他博彩同業一樣，都受疫情拖累，盈利出現大倒退。疫情相信只係中短期因素，在過去一段時間，人們生活重回正軌時，會回復正常。

未來「上葡京」相信是佢的最大增長力，項目會令澳博的酒店客房接待能力增加約五倍，購物、餐飲、娛樂，以及活動設施，將提升澳博的地位（過往澳博較集中在賭場，較少發展這類大型渡假村項目）。

「上葡京」將提供一座總樓面面積達521,435平方米的綜合建築物。超過90%的總面積將提供一系列的非博彩設施，包括具有「上葡京」、「Palazzo Versace」及「Karl Lagerfeld」標誌的酒店大樓，合共提供約2,000間房間。還有會議、購物、餐飲及娛樂休閒設施，以及一個娛樂場，總項目成本約$360億元。將是澳博的潛力所在。

以過往的發展布局來說，澳博的確只屬一般，市佔率近年由31%跌至16%，正是布局的問題所在，第一，太集中在澳門半島的發展，忽視了路（乙水）的發展力量，因此錯過了市場增長的份額。

第二，太過集中賭場，沒有發展大型娛樂設施，其他競爭者不斷發展「娛樂+博彩」模式取得成功，因此令澳博市場佔有率不斷減少。「上葡京」將會成為澳博重要的資產，之後的市佔率，收入及盈利，都將會出現明顯的改善。

3） 大快活（0052）是有質素的，我都很喜歡這股。比起一些潮流飲食，我會偏向選大快活。因為香港人變得好快，潮流飲食的不確定性高，業務可以很好，又可以好差。

反而最基本，民生的必需品，好似大快活咁會更有投資價值。近期由於社會不穏定、經濟不景氣、再加上武漢肺炎所影響，盈利出現倒退是正常的事。

但相信這些因素只會造成中短期影響，集團長遠質素不變。加上大快活定位偏向民生，較有抗跌力。現時股價處於合理區，有長線投資價值，但中短期依然會波動，最好分注入市。

------------------------------------------------

Q16022：

Hello龔老師, 想問1270和1881是否便宜和值得大手買入呢? 我見現在他們得股息率已經去到一個幾吸引嘅數字

而且現在酒店已經去到最差嘅情況, 疫情一旦過去, 理論上股價應該可以重回高位, 想問問龔老師的意見, 謝謝!

龔成老師：

我相信，疫情過去，佢股價會有一定的升幅，因為業務會去翻較正常的水平，始終這些只是中短期情況。

不過，經濟轉弱，所以市道未必會立刻回到之前的水平，因此股價不一定上得翻高位，但就會有相當的升幅。而之後就要睇翻實體的經濟情況。

------------------------------------------------

Q16023：

老師你好, 早幾年問過你問題, 之後我開始左月供股票, 今年45歳, 我月入18K 月供緊$2500 (2800) $1500 (66) $1500 (939)

請問下我應否停供939將資金加大另外2隻定考慮其他股? 先謝謝 因我不知939是否值得長期月供.

龔成老師：

上述都是有質素的股票，問題是你的投資目標。

你的年齡，可以投資平穩增長類的股票，因為我地進行人生財富累積，會運用「先增值，後現金流」。

而建行（0939）只是收息股，增長力不強，因此，月供與否好睇你這刻是否想有建行收息。

------------------------------------------------

Q16024：

老師 我係舊生 見近日咁波動 希望你可以指教一下

呢一波跌幅 我買左少量美股優質股 （迪士尼，fb)
港股方面亦都增持左
增持後
而家有1211 平均價39蚊
同埋027 平均價46蚊 就呢兩隻

股同現金比例就大概50/50
50萬現金,50萬貨

不得不承認 雖然已經上完你堂睇哂你所有書，但我情緒都有輕微恐慌，今次係我入埸以黎暫時跌幅最勁既一次！

而我而家既持倉現金比例，呀sir 你有無咩建議？我暫時自定 策略就大概係持有嘅股票每跌10%就增持一手，呀sir 有無更好既建議可以指教下？

龔成老師：

你有恐慌情況，這是正常的，而最重要就是，當分析到整個市場都有這類恐慌情緒時，就要運用課程所講（即第四堂）的要點，去視乎「恐慌程度」，而去買入股票。

買入股票是方向，但問題是如何買入。

以現時的平貴水平，可以每跌10%用一注資金，如果無進一步下跌，而大市又已經在平宜區，都可以每過一段時間分注入。以現時的市況，你留30%都足夠。

------------------------------------------------

Q16025：

龔Sir，我上緊你的股票班，新既初級班比2016版確實有唔少改變，第4堂計算部份印象中以前冇講過，等我得閒拎返以前D notes對下先

當年完成課程後覺得冇咩能力估值平貴，之後幾年都只係月供股票……唯一學識既就係無動於衷於大市升跌。

除左課程外，我覺得你既表達能力比2016年時好左好多，明顯見到進步。事隔幾年之後先敢同你講返。

聽你講嘢既語速會覺得你個人好性急，但你又會好有耐性去逐隻分析股票同面對D網友重複又重複既問題，點樣練出呢種功夫？

龔成老師：

基本上，現時的【投資倍升股課程】，比5年前的，內容增長左一倍，所以唔同晒。

哈哈，多謝你意見，其實，我本身並不是一個講野勁的人，最初講得唔好，但都逼自己講，所有野都只訓練出來，所以，總會進步的。

我本身是一個好急的人，所以20年前玩股票，我短炒，但輸左好多，之後明白要有耐性，要長線，就開始訓練，第一是平常心，第二是買入股票前，逼自己寫一份報告，要自己好確定該股是值得買入，才會出手。

當對左個市20年，就更明白要耐性，慢慢就訓練到出來。

------------------------------------------------

Q16026：

老師你好，我係你學生，我成日好冇心機睇年報，大致睇下Balance sheet同P/L已冇乜耐性，加上要配合經濟環境同留意政策方面消息，覺得個腦好混亂同埋好快就忘記左。所以我好認同你所講，一個組合裡面既股票唔可以太多隻，否則根本應付唔到。

但就係因為咁，令揀股時更加選擇困難，隻隻都覺得好，但又唔可以買晒，你平時要留意咁多股票，點樣會分配同抉擇呢？

我目前有大約30萬股票同35萬現金，以成本計持股比例如下：

0003 33%
0066 29%
0823 12%
1211 8%
1928 8.6%
2366 7%

由於一開始只有月供3同66，令其佔比較重，於是今年調整為：

3同66各$1000，其餘4隻各$2000
宜家現金準備入市，想加碼1928同2388外，又覺得好多隻都好，但已經手持6隻股票，應該點分配其他呢？心水包括：

405、709、778、1881、388、1177、1448、1810、1830、3918、9988

我覺得目前405、709、1881、1830、2388進入便宜區，但全部係收息股類，係埋應該留返現金等潛力股呢？講返小小背景，我應該同你同年，每月可儲大約20-22k。
謝謝！

龔成老師：

我會建議，你找出較為優質的，同時以盈富（2800）作配置。這樣就可以管理得比較簡單。

就算唔睇年報，都要睇財經網站，令到自己對該企業有基本的認識。

現時你的持股，大部分都無問題，但個別股票持股比例太高，要減翻，如果每一隻股最高去到15%會更加好。所以，你可以考慮加入盈富（2800），這就不怕管理問題。

星美文化旅遊（2366）核數師意見曾經出現「不表示意見」，這股要小心，不太建議持有。

至於你最新的調整，可以。

如果你是80後，其實在現時的方向，會偏向投資平穩增長股，加上部分潛力股。你上述的股票，其實可以考慮港交所（0388）、中銀（2388）、中生製（1177）、阿里（9988）。

------------------------------------------------

Q16027：

龔sir 我慢慢入左d盈富，金沙，港鐵，恆基 不過我有d都入早左 25000左右已經入緊貨

想請問一下同一隻股票既第2注 應該等佢跌幾多再入會安全d? 現階段應該保留幾多%可投資既現金？

再問一下 如果打算入100萬 每注入5萬可以嗎？
感謝你

龔成老師：

25000都是一個合理的水平，無得話太早，不過，呢個亦係我建議「分注投資」的原因。

因為大市的走勢根本無得估，所以只要分得好，基本上平均的買入價就唔會貴。

上述都是有質素的股票，一般來說，我地每跌10%可以入一次。但如果你將$100萬分成20注，每注$5萬，就可以入得密d，又或利用時間平均法，例如每星期入一次，見到價不太貴就入，這都是方法。

你預現時持有3成的現金，基本上是合適的。

你上述股票現價合理，已經可以進行分注投資。

------------------------------------------------

Q16028：

老師，想問下汽車股和航空股，手持1316, 175,現價如果加貨如何？我有1055,大約在4.9買入, 現價跌到$3.7左右，應否再入？

内房如3333, 1918是否到了很吸引水平？

我在考慮20萬左右税貸用來買貨，如何建議？

我打算明年初買樓，如果有税貸會否影響按揭上會？

龔成老師：

耐世特（1316）本質不算差，但近年的業績有點弱，但又唔算好差。我相信佢中短期仍會面對不利的經營環境，見佢生意並無增長，盈利都是。

相信要過一段時間，先會慢慢進入正常少少的時期。這股都算有投資價值，股現價合理，但就未必值得投資太多，因為質素始終不強。

至於吉利（0175），有質素的，你可以分注投資，這企業長遠不差，但中短期會較一般。

航空股就不太建議，行業的賺錢能力不強，風險高。

至於內房，風險較高，上述兩隻都是有規模及品牌的，但由於風險高，因此不能大注，小注無問題的。

至於借貸投資，有利有弊，你要明白風險。如果你打算下年買樓，相信有資金需要，那就不建議借貸投資，若果到下年的股市仍下跌，你在買樓上會有問題。

另外，如果借貸年期較長，你到下年買樓時仍未還清，會影響你買樓借貸的。

------------------------------------------------

Q16029：

首先真心多謝龔成老師先，真係令我喜出望外！其實我本身唔期望得到你嘅回覆，知你有做片同回答其他人，比較忙，應該唔會理我，所以唔好介意

我本身有follow你兩三年，只不過一次都冇望過你所講嘅野，宜家最多只係識做你所講嘅(加)，並未做(乘)，呢兩個字係你第一本書我學返黎（人生第一本買黎讀嘅書）

我唔想停留想字入面（想咗好幾年），所以開咗股票戶口膽粗粗係入咗2手#5（$44.35），再諗住月供形式做長線投資，再上網不停睇有關股事知識。

因為老師你每一次機會都去捕捉，再一次激發我嘅行動，我已經報咗你股票班，希望到時見面，多謝老師！

祝你長揸長有，生意興隆

龔成老師：

其實我大部分的問答都會覆，但由於問的人實在太多，所以一般回覆都要成10日，無計。

匯豐（0005）仍算有質素，但增長力比過往年代弱左，如果目標只是收息，無問題，但就唔好對增長有太大期望。

所以，這股唔會持有太多，你要建立一個平衡的組合，這些技巧，你到股票班就會學到。股票班見！

------------------------------------------------

Q16030：

龔老師，本人持有28萬股857(平均價約4.5)，本想當收息股之用。但現在已跌了一半，是否值得持有？或是等反彈時全部/一半賣出？

此股佔我組合約一半，本人54歲，預60歲退休。是否應換馬至其他收息股好點？

另外，有沒有什麽穩健的收息股適合我這類將退休人仕？謝謝你

本人因工作關係，未能去上堂。但從你FB的內容，也獲益不少。常感到你要花時間及真摯回答各人問題，萬分感謝。

祝你身體健康平安。

龔成老師：

中石油（0857）不是無質素的股票，但就唔可以成為收息股的核心，最多只是輔助。

因為佢上游業務較多，原油的價格對佢的盈利有較大的影響，這就會影響佢的股價及派息，而收息股我地會追求穩健，因此，這股並不是最適合。

你可以等佢上翻去時，賣出3分之2，轉到其他收息股。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

------------------------------------------------

Q16031：

老師 你好！

想問下隻秦港股份（3369）老師你點睇？

5年前佢上市無耐果陣入左，當時差不多5蚊，貪佢高息

頭2年的確幾高息，之後股價愈跌愈低，派息又愈來愈少，無眼睇，應該放嗎？

龔成老師：

秦港股份（3369）質素只是一般。

雖然都有生意，但你會見到佢有持續向下的，盈利有點不穩。由於業務有本質性轉弱，因此，你預佢好難上到當年的高位。

這股長遠建議你賣出，你可以等多一年先賣，因為近年的貿易問題，對佢都有影響，反而等貿易相關因素好翻D先賣，會較好。不過，都唔好對股價有太大期望。

------------------------------------------------

Q16032：

老師你好
我想在31歲之前儲到60萬
今年岩岩28歲

月入18000蚊左右
太貪靚供緊美容plan

供到2021年
計埋保險家用等等
支出大約11000左右

有陣時都未必儲到錢
儲存金額只係有6萬左右
我可以點做呢？

龔成老師：

這刻只有盡力儲，到你美容plan完左後，如果有較多的剩餘現金，就要做月供股票，逼自己儲更多的錢。

如果想3年內有$60萬，要睇下你有幾大決心，如果你好想的話，這刻要盡最大努力儲錢，每月起碼要儲到$7000，最好是$10000，否則，你根本無足夠的本金去增值。

另外，要賺翻你的風險承受能力，如果可以承受風險，就集中投資潛力股，這就有機會為你帶來較大的增值，當然，風險高，自己衡量。

例如潛力股：比亞迪（1211）、中生製藥（1177）、福壽園（1448）、小米（1810）等。

------------------------------------------------

Q16033：

龔成老師，想問問，9988, 1928 同0700咩價位入好？因為本金不多，有什麼可以推介的？

長期投資，平時可以收息的，昨天9988同0700都升返好多，回再回落ma?

另外0005 什麼價位入好？仲會跌ma?

龔成老師：

如果本金不多，你最好以盈富（2800）為核心，否則太多在某個別股票，會有集中風險出現。

另外，金沙（1928）、騰訊（0700）、阿里（9988）都是可投資的，有長線持有的價值。

其實我地好難足到短期股價的走勢。

至於匯豐（0005），收息股，唔好預期股價有太大的增長力。

其實整體股，上述的股票，股價都合理的，分注投資就得。

------------------------------------------------

Q16034：

老師你好
我現在27歲

月入2萬3
每月開支
幫屋企人供樓7千

另有1萬同女朋友儲錢只做定期（因為女友不想務風險投資）
洗費4千

每月淨2千加上本身有大約十萬本金諗住去投資
目標31歲希望能夠有一百萬去置業

小弟零投資經驗 見成哥推介2800亦了解左背後都穩健 諗住只揸一隻2800

以現在大市不穩定情況黎睇 應該等大市穩定落黎開始穩定回升上黎既時候先一手一手購入 定 作月供好呢？

如兩種方法都係長期持有 月供比一手買入連每月收費用會否變相支出多左

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

可能你地的風險承受程度較低，因此，可以考慮盈富（2800），這是平穩增長型，適合你的。

你無得分析大市之後的走勢、市況穩唔穩，這些無得分析的。

而月供股票的好處，就是平均入市法，所以，你已經可以開始進行，我相信月供盈富對你來說是最適合的。例如每月供$5000。

我相信，你保持月供，以及定期部分，要31歲置業可以的。

------------------------------------------------

Q16035：

你好 龔成老師
小弟 今年30歲 月入30k

扣除洗費 每月可儲20k
手上有20萬現金

匯豐 400股
阿里巴巴 100股
長實 500股

如何部署 買樓 用9成按揭上車
目標係400萬左右既樓

龔成老師：

就你的年齡與目標來說，收息股並不是最好的選擇，因此，匯豐（0005）這類股，持有一手已夠，不要加。如果股價上翻，賣出較好。

如果你打算買$400萬樓，其實1、2年已經可以進行，因此，建議你這刻持有較多現金，因為無人知你想買樓的一刻，股市法況如何。

你保持保現金，阿里（9988）及長實（1113）持有就得。

香港經濟轉弱，樓市有可能在1、2年下跌，不過在長遠計，仍會由於供不應求，而令樓市向上，所以要睇下有無機會。

------------------------------------------------

Q16036：

龔sir 你好 小弟留意左你好耐, 覺得你D股資心得好有用, 想請教下股票佈署及資產分配.

28歲, 現時月入27K, 每年都會加薪大約5%, 股票投資有幾年經驗 (輸錢經驗), 上年開始月供股票(5K), 而家持有以下股票:

800股0005 (成本約$58)
7000股3988(成本約$3.4)
200股0388(成本約$235)
4000股0341(成本約$17)
25000股0008 (成本約$4.5)
45000股0097(成本約$0.6)
5000股0127(成本約$12)
18000股0525(成本約$4.7)
15000股2031(成本約$0.6)
20000股3893(成本約$0.2)

(1) 我個組合都唔少股輸緊錢, 想問下我係唔係應該將輸的股票全部都止蝕?

(2) 本人持有現金只有約1萬, 應該要點做先有得回本? 而家股票全部都好平, 借錢投資翻身風險會唔會好大?

龔成老師：

1）你在選股的方向行錯左。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005）、中行（3988）、電訊盈科（0008）、恒基發展（0097）、廣深鐵路股份（0525），以你的年齡來說，並不適合。不過，這幾隻股不是全無質素，你可以等佢上翻D後，慢慢賣出，轉投資其他股票。

易緯集團（3893）無質素，不宜投資。

你之後應集中投資有質素，有基本增長力的股票，盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

2）唔好借貸投資，這是較高階投資者才可進用，同時要在好時機先會出手。

太心急去借貸投資，期望翻本，這只會否易行錯。累積財富要時間，不能急。

------------------------------------------------

Q16037：

你好，一直有看你的投資影片，最近跌市當中出現好多優質股買入機會。

想查詢，本人可以投資金額合共80-90萬，之前跌市開始當中已經開始獲利。所以現在手上並沒有持有任何股票。

想問關於，如果將六成金額投資在stock: 7200，預期投資時期6-9個月；然後其餘四成金額放在其他三隻股票上，分段吸納，騰訊（0700）、阿里巴巴（9988）、長和（0001）。

這樣可以嗎？
謝謝解答。

龔成老師：

上述3隻正股，都無問題，這些都是有質素，有長遠增長力的股票。現時都可以投資，分注，長線就得。

ＦＬ二南方恒指（7200）投資目標為追踪恒生指數每日表現兩倍（２ｘ）的投資業績。無人知市況能夠在9個月內好翻，這類槓杆式工具，有利有弊的，回報放大，虧損放大，你要自己衡量風險。同時，當中是有潛在成本的。

我唔建議將6成資金投資於這工具。

------------------------------------------------

Q16038：

龔成老師，股市動蕩，睇住持有果部份股價係咁碌落去，對初哥嚟講都有少少擔心前面既投資方向，見到老師既分析，個心都定番晒。

最初打算唔同類型都有啲，用來分散風險，不過而家睇番都真係多咗啲。

月供果度有1211同175，兩隻都係車股，如果停供175，轉過去27、388，然後日後加資金月供就再加2800可以嗎？

龔成老師：

其實，最緊要睇翻企業的質素，如果是有質素的，就不用擔心中短期股價下跌。

月供部分，你于睇翻長遠的組合持股比例，如果集中同一行業，就會改。

你轉到銀如（0027）、港交所（0388）是可以的。加上盈富（2800）當然更好。

------------------------------------------------

Q16039：

成哥，首先要多謝你一直無私分享你對股票既睇法，我follow左你成9個月，34歲，月入$20k

今年年初結完婚，手上現金有25萬，半年前聽你講開始月供股票2800，之前月供$2000，今個月開始月供$5000。

琴日買左人生第一次香港股票，0002中電一手，諗住優質股，穩定等派息，長期持有。

現與家人同住，如果抽到政府既居屋/白居易，可能兩三年內置業。

我手頭上仲有現金21k剩，你認為我可用買優質股/月供/留現金好？什麼投資方法較好呢？謝謝你的解答。

龔成老師：

由於你現時的現金唔算多，會建議你留現金。等到再有更大型的跌市，才考慮動用。

至於每月資金，就要睇下你能夠儲到幾多錢，你這年齡當然愈多愈好。你保持每月供$5000盈富（2800）無問題的，月供是長期策略，持續進行就得。

------------------------------------------------

Q16040：

老師你好，依家個市波動，趁跌市，我入左1098，諗住中長線收息，依家持有11000股，分別係$14.02，$13.1同$11.08，想問價位係咪唔理想？目標價幾多放好？呢隻股長揸ok嗎？定再分段吸納？

另外9988係$178入左2手，我覺得係優質股，應分段再吸納？

1299都係我心水，因為長遠睇好保險生意，價錢合理嗎？請指教

龔成老師：

路勁（1098）佢的業務，包括左發展地產、收費公路、投資管理等。近年，發展地產已經成為左佢的主要業務。

佢業務不差，增長快，基本上都有質素，但負債有點多，加上規模不算大，這就會成為風險。長遠的投資價值有，但就唔建議太大注。

你的買入價不算貴，但唔建議入得太密，要控制翻注碼。長線可以的。

至於阿里（9988）$180以下合理區，分注投資，長線持有，無問題。

友邦保險（1299）有質素，現價合理，分注投資可以，長遠正面的，但佢股價會較為波動，所以分注時唔好太急。

股市波動，買入要用分注模式，同時唔好用盡現金。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。