歡樂海岸佔地很廣，建築物都幾有特色，當然唔少得香港人經常要潮聖嘅食店，例如喜茶、Lady7、椰子雞、八合里等，仲有個老翻叫三引水產，每家店鋪面積亦相對大。加上不時舉辦大型展覽，好似之前嘅【teamlab】、而家展覽中嘅【色廊】等😊
豆府花城外觀古色古香，但枱櫈都係普通茶餐廳風，非常闊落。有室內外位置，靠窗位置有湖景，其實幾舒適。靠天然風，好在當日太陽曬得黎有少少生風😅餐牌供應台灣菜為主，好似牛肉麵、滷肉飯、小食、台式甜品等，撇除牛肉麵，其他食物價錢唔貴。
👉蕃茄牛肉麵 RMB ¥56
主食中最貴，有一款睇落差唔多但冇蕃茄平十幾蚊，蠢左。牛肉麵份量偏少，用上菠菜麵。牛腩細細粒四、五件，加少量蕃茄肉，僅此而已。湯底並唔蕃茄，茄味淡薄，亦當然冇紅燒感覺，同杯麵差唔多味精fu。
牛肉咬落好腍好散，欠噍頭，完全唔值呢個價，兌番港幣超過70蚊，難聽啲咁講，茶木都好食過佢，所以實在把鬼😵
👉三色水餃 RMB¥29
好似北方餃咁冇湯，有三款餃，各四粒，分別係菜肉餃、粟米餃、韭菜餃，唔同顏色。size就唔細，可惜餡少得可憐😐皮較厚身。味道正常，無驚無喜，12粒價錢合理。
👉台北仙草 (芋圓、地瓜圓、紅豆、花生、珍珠) RMB¥20
除左以上配料，仲有一球死甜雲呢拿雪糕，以仙草墊底，芋圓、地瓜圓4粒，價錢上幾抵食。芋圓地瓜圓比較大粒，粒粒一樣，外型切割相信都係機製。味道非常淡薄，口感偏硬，噍膠咁😣
紅豆粒果分明，甜度適中。珍珠幾煙韌，花生煮腍左，口感尚算豐富。仙草唔夠滑溜，同涼粉一樣。對呢個甜品有點失望，純粹照編，價錢平，但味道一般。
豆腐花城外表幾靚，內裡都係普通野，眼見比較多人點滷肉飯，十零蚊食得飽，我地簡直係high apru😭
-
豆府花城
地址：深圳白石路東57號歡樂海岸曲水灣B-23 (地鐵深圳灣公園站)
其他深圳嘅芋圓甜品店介紹：
【深圳一日遊】鮮芋仙 http://bit.ly/2ELjCFg
【深圳一日遊】台北瘋豆甜品 http://bit.ly/2Hq6MdL
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
珍珠芋圓難聽 在 [問卦] 妳是珍珠我是芋圓 的必吃
如然有一首歌， 內容大概是這樣，. 妳是珍珠我是芋圓咱是珍珠跟芋圓 . . . . 妳若不愛我我就噢咿噢咿噢咿妳若不愛我我就噢咿噢咿噢咿. ... <看更多>