Search
睇咗尚氣啦！其實睇之前，都睇到好多人對呢部戲嘅評語，但係我作為Marvel fan屎，點可以斷呢。
睇完啦！係直升機囉！梁朝偉真係老咗，不過我都老啦，唔係都冇得買半價飛！
我哋呢啲80年代喺香港睇咁多武打片同動作片嘅，尚氣入面嗰啲所謂巴士內打鬥、三藩市大斜飛車、竹棚格鬥，真係睇到我都識打咁滯，又點會覺得吸引呢！連嗰條龍都令我諗起我上個禮拜食果條盤龍鱔，真係！
其實睇之前我都驚直升機㗎，不過作為Marvel fan 屎，點都要集齊全套嘅！
都係果句，好彩我買長者飛囉！
#何嘉麗callmegaga #何嘉麗 #出街玩
#嘉嘉劇透 #有彩蛋睇埋至走
#尚氣 #十環幫 #直升機 #伏伏伏伏
#梁朝偉 #有幾個眼神仲好吸引
#只不過係一套家庭倫理片
#如果唔係DoctorStrange阿王我都諗唔起佢係Marvel
殺出個黃昏，故事有趣，對於我呢啲只是近黃昏嘅人嚟講，睇完確實低徊不已。所以片尾彩蛋見到謝賢唱唱下歌抹眼淚，啲工作人員安慰佢果下，我相信係真嘅，以佢嘅經歷拍呢套片，點會唔感觸！
我都諗可能過多十年八年，我都唔識得點樣D個手機！又或者好多潮語，我都跟唔上。到最後都可能喺屋企有一句沒一句咁唱吓夜溫柔！
講返套片，故事帶點黑色幽默，謝賢難得放下型男身段，演出真實年齡，不過我都係覺得佢問馮寶寶係咪回塘呀，帶點輕佻嘅神情嗰個比較似佢。馮寶寶冇得講，演出超標，啲眼淚好似有Timer咁，準時落下。林雪保持水準，個女仔傻瓜而可愛！
故事好好，如果去得盡啲，拍得再癲啲，效果會更理想。畢竟片頭嘅風格，係令我有遐想嘅！
由老人講到BB，再由BB講返老人！生命循環不息，但夕陽無限好，只是近黃昏！相信對兩位主角，拍呢齣戲對佢哋嚟講，都係殺出個黃昏吧！
#何嘉麗callmegaga #何嘉麗 #出街玩
#嘉嘉劇透 #殺出個黃昏 #謝賢 #馮寶寶 #殺手
#黑色幽默 #老人問題
#睇呢套戲要擺低晒所有道德觀念
#唔好問點解殺咗咁多人都冇人發現
#唔好問點解一個有樓有鋪行走江湖幾十年身體健康思路正常嘅人最後要住老人院
神探白朗福比利大宅謀殺案(Knives Out)好睇👍🏾
故事細緻，橋段轉折有趣。
有兩點領會：
1. 心地善良好重要；救返自己全靠心地善良！
2. 唔好太聰明！害死自己都只因為太聰明！

想知點解？去睇戲咪知囉。絕對係一套值得俾錢去睇嘅電影。
#何嘉麗callmegaga #何嘉麗 #嘉嘉劇透 #神探白朗福比利大宅謀殺案 #KnivesOut #高登先 #GoldenScene
《降魔的2.0》剧透：嘉嘉系伟豪初恋女友？ 第十一集(05/18)... ... <看更多>
以下劇透（不喜勿入），3，2，1，——-，第一輪，黃旭pk新秀黃旭勝，劉炫廷pk肖恩恩肖勝，大傻pk劉聰大傻勝，第二輪，楊和蘇pk 劉炫廷楊和蘇勝，劉聰pk新秀新秀勝， ... ... <看更多>
嘉嘉劇透 在 嘉嘉電影解說 - YouTube 的必吃
嘉嘉 電影解說,分享经典影视剧，望大家多多支持，点赞，评论学习私信. ... 一口氣看完警匪劇《鐵血雄心》全集劇情解說. 3 views2 days ago. 2:33:57 Now playing ... ... <看更多>