實在太耐無寫過#美棋B餐 啦，真係太對唔住大家，所以今次介紹間我最近食過嘅好味餐廳俾大家
（向左掃睇大量圖😆）
呢間餐廳犀利在上至所有食材下至飲用嘅水同茶都係由九州直送到餐廳❤️
餐廳： 佐樂日本料理
地點：銅鑼灣霎東街15-21號12樓
「美」芝蓮指數：⭐️⭐️⭐️⭐️⭐️（5星最高）
呃like影相指數 ：👍🏻👍🏻👍🏻👍🏻👍🏻
價錢：HKD 700/👤 美棋B餐推介食物：
❤️刺身$798+: 每日嘅廚師為大家揀嘅刺身都唔一樣，今次我地食到嘅有 海膽、帶子、超正拖羅、魷魚、同埋章紅魚！每樣都好新鮮呀，睇相就知好味😆
我想講個海膽真係好甜好甜，而個拖羅就當然係好味啦，入口即溶👍🏻
❤️海男至心養殖生蠔刺身 $68/隻 ：呢種生蠔叫Otofuse，聽講用咗一種特別嘅養殖方法 所以蠔身會特別漲卜卜，口感有點金屬味之餘又帶一點creamy仲有淡淡嘅海水味...食完之後個after taste 都幾甜，我強烈推介大家要試
❤️有明海苔天婦羅$78 ： 我第一啖食落口，嘩，點解可以咁鬆脆，我會用10倍加強版「小老闆」咁好味去形容佢...我絕對要encore!!!!
❤️羽根蒜頭： 呢種蒜頭本身生出黎就係咁樣一粒一粒，好得意，蒜味唔會太重，好岩鍾意食蒜頭嘅朋友
❤️免治雞肉串 ：睇住師傅燒到個串燒著哂火🤣火候超夠，配上一隻新鮮嘅日本雞蛋黃，食嘅時候將串燒沾一點蛋黃一齊食，啖啖雞肉中混合咗雞軟骨，所以加添咗一份咬口
❤️佐賀和牛西冷串燒$98: 太好味啦，呢串和牛粒真係太好味，燒到岩岩好，外邊有少少脆之餘裡面係軟棉棉架，而且牛味重得黎又有油花，實在太好味👍🏻
❤️蓮藕饅頭：唔係真係饅頭，而係師傳搓咗接近3個鐘嘅一道精美點心，口感有點 QQ彈牙，入邊有一粒粒嘅蓮藕，配上鰹魚汁，都幾得意
❤️甜品有抹茶奶凍同蕃茄：我想講個蕃茄真係好正，好清甜，仲配上白汁啫喱，做甜品其實真係唔錯，幫你清清個味蕾，特別得黎又唔會太飽 ❤️另外沙律都係推介要試嘅，因為用上多款九州嘅蔬菜mixed 埋一齊，食落就知係新鮮，因為啖啖都「索索」聲😂
因為join唔到屋企人去九州旅行，所以特意搵咗呢間九州直送食材嘅餐廳，同佢地食番餐☺️，當我有同佢地一齊去旅行啦😂！
Btw, 呢晚我daddy mummy食得好開心，仲話好食過佢地係日本食果D喎🤣
#九州直送
#日本料理
#海膽 #拖羅
#佐賀和牛
#生蠔 #otofuse #海男至心
#銅鑼灣
#hongkongfood
#hongkongfoodie
#causewaybay
