Search
Nokia喺稍早時間就推出咗入門手機Nokia G20，就等我同大家介紹下！
Nokia G20採用6.5吋HD+水滴屏幕，並配備聯發科曦力G35處理器，預載Android 11系統。佢機身設有可用作指紋辨識器嘅開關鍵同Google Assistant鍵，亦支援臉部辨識、雙卡雙待同藍牙5.0功能等等。
喺鏡頭方面，Nokia G20有800萬像素嘅前置鏡頭，而後置四鏡頭就由4800萬像素主鏡頭、500萬像素超廣角鏡頭、200萬像素微距鏡頭同景深鏡頭組成。作為入門機有咁好嘅鏡頭，真係唔錯！
呢部機擁有5050mAh嘅大電量，支援10W充電，Nokia就話電池續航力可以長達3日，咁應付日常生活絕對綽綽有餘喇！Nokia更會為呢部手機提供3年嘅每月安全性更新同2年嘅系統更新，保障用家。
Nokia G20喺香港已經上市，4GB RAM + 128GB內置儲存空間版本賣HKD$1,798，有亮藍同亮白兩款色。如果遲啲想睇埋Nokia G20嘅開箱同試用嘅話，就記得繼續留意我哋喇！
#NokiaX105G#蔡司認證鏡頭#高性價比
Nokia早前推出咗一部號稱性價比高嘅5G手機Nokia X10 5G，今日就同大家介紹下！
Nokia X10 5G採用6.67吋嘅FHD+開孔屏幕，並配備高通Snapdragon 480處理器，預載Android 11系統。佢機身設有可用作指紋辨識器嘅開關鍵同Google Assistant鍵，亦支援臉部辨識、NFC同藍牙5.0功能等等。
喺鏡頭方面，Nokia X10 5G有800萬像素嘅前置鏡頭，而後置嘅蔡司認證四鏡頭就由4800萬像素主鏡頭、500萬像素超廣角鏡頭、200萬像素景深鏡頭同微距鏡頭組成，支援電影同人像拍攝模式、蔡司眩光效果同埋前後鏡頭同時拍攝功能。
Nokia X10 5G擁有4470mAh嘅電量，支援18W充電，應付日常生活絕對冇問題。Nokia仲會支援3年嘅系統同每月安全性更新，確保用家安心。
Nokia X10 5G喺香港已經上市，6GB RAM + 128GB內置儲存空間版本賣HKD$2,598，有森林綠同雪白兩款色。如果遲啲想睇埋Nokia X10 5G嘅開箱同試用嘅話，就記得繼續留意我哋喇！
入門嘅手機市場一向都好龐大，Nokia就宣佈將會推出入門級智能電話－Nokia1.4，以唔使一千蚊嘅價錢推出，我哋一齊睇下！
呢部 Nokia1.4 與上一代嘅 Nokia1.3 喺外觀上冇乜大轉變，外形繼續維持簡約風格。佢採用咗 6.51 吋 HD+ 嘅水滴螢幕，配備高通 Snapdragon 215處理器，支援最高 128GB MicroSD 卡擴充，設有指紋辨識解鎖、Google Assistant 按鍵、同 3.5mm 耳機插頭。Nokia1.4 預載 Android 10 Go 系統，未來可以選擇升級至 Android 11 Go。同時，佢亦提供最少 2 年系統更新，及 3 年定期安全性更新保證，確保用家有更好嘅使用體驗。
呢部機嘅前置鏡頭有 500 萬像素，而後置鏡頭就有 800 萬像素主鏡頭，及 200 萬像素微距鏡頭組成，支援人像、夜間模式等等。電量方面，佢有4000mAh 電池，用 microUSB 充電，唔駛長期打機或睇片嘅朋友，以日常生活計，基本上都可以用到兩日。
Nokia1.4 已經正式開賣，2GB RAM + 32GB 內置儲存空間嘅炭黑色版本，賣 HKD $998。呢個唔過一千蚊嘅價錢的確幾抵玩，買嚟俾小朋友或老人家作日常使用，又或者自己做 Second Phone，都係一個唔錯嘅選擇！
