【《現代啟示錄：終極版》IMAX堅震撼】
說來慚愧，我久仰大名《現代啟示錄》，但真係未睇過，第一次睇係終極版，仲要轉埋IMAX格式。場面堅係夠曬震撼，尤其呢套講緊係40年前嘅戲，你知佢咩都係「嚟真」時，更覺嘆為觀止。久仰大名開場嘅炸叢林，炸果下當然震撼，最正係執過嘅聲效，喺IMAX聲道下好似親歷其境咁，直昇機環迴幾轉再駁住咁震撼大場面，完全將IMAX聲畫發揮極致，未開場先帶觀眾入戲！
當然唔少得經典「女武神」一幕，就算未睇過套戲，呢幕都睇過好多次，喺巨幕下睇又係懾人心魄，多架直昇機再接狂亂畫面，IMAX畫面絕對係震撼人心，冇諗過一套舊片轉做IMAX，都有咁正效果！正因為套戲好多大場面，IMAX還原下畫面好清好靚，最後果場「對話」你唔好理佢悶唔悶，光暗對比清晰分明，係IMAX完美體驗，將Coppola咁有味道嘅構圖活現。
未睇過其他版本，就咁睇「終極版」，又冇想像中咁悶。入場前已冇諗過將《現代啟示錄》當戰爭片睇，反而鍾意佢呈現果種戰場下眾生相，跟住主角好似「公路電影」咁沿住河流嘅所見所聞。《現代啟示錄》要表現唔止係戰爭大場面，更重要係個可以將你活剝生吞森林，點樣令人步向失控。死亡並唔係最恐怖，而係果種突如其來威脅、未知嘅恐懼，令人性失控，最後比戰場嚟得更可怕。Coppola並唔係旨在展現史詩式戰爭大場面，而係戰場上嘅亂局同氛圍，唔止係槍林彈雨，細緻到果種又濕又熱氛圍，觀眾都可以感受得到，隔住銀幕都覺熱。喺冇電腦特技年代下，Coppola點樣「嚟真」咁重現越戰戰場，場面調度堅無懈可擊。
另一邊廂，如果你真係用「娛樂」心態睇，確實有少少冗長。全片片長超過三個鐘，雖然冇話真正邊場好悶，但確有刪減空間，唔知原本戲院版會唔會節奏快少少？最後Marlon Brando以幾乎神嘅姿態出場，鋪足兩個幾鐘先有果十數分鐘，即使充滿霸氣，單係搵佢出嚟講幾句係浪費咗。當然，我知道背後呢位大明星傾演出同樣有幾「霸氣」，果單花生又係另一樣嘢。
《現代啟示錄》雖然被譽為係史上最多災多難電影之一（詳情可以自己Google咩事，應該可以講幾篇文），但當年咁勇氣去展現、Coppola甚至差啲傾家蕩產，都要埋到套戲，遺下一套幾十年後睇返都唔過時經典作品，大概都係值得嘅。
後記，好多熟識面孔，原來當年係咁樣。Robert Duvall原來咁Wild、Martin Sheen原來係Uncle Ban、你覺得佢好似Harrison Ford原來佢真係Harrison Ford，仲有... wait what, he is Laurence Fishburne？後生有幾分似Will Smith😂
嚟緊星期五六日喺Isqaure IMAX仲有場，唔好錯過。建議就唔好買咁前、唔係三個鐘都幾係嘢。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
#現代啟示錄 #ApocalypseNow #EmperorCinemas #IMAX #英皇電影
imax ford 在 【SUM中古車】休旅IMAX省油省稅金FORD I MAX 2011 的必吃
車商資訊：SUM 好車多汽車連絡電話：0910-455-363 黃文雄車輛資訊： FORD I MAX 2011車輛售價：29.8萬車輛 ... ... <看更多>