【三口八胃實驗室】位於馬統領街嘅呢間抹茶甜品專賣店「舞伎」，係由美國夏威夷遠道而嚟嘅品牌，超過三十幾款嘅產品當中，涉及嘅包括刨冰、冰沙、拿鐵同雪糕等。用料全部都講究又實在，特別嚴選喺日本大有來頭嘅宇治播磨園抹茶粉，絕對係抹茶迷嘅烏托邦，事不宜遲，一齊嚟墮進呢個抹茶漩渦啦！
招牌舞伎特選滿滿杯 - 淨係睇到都覺得心擴神怡，以黑糖啫喱作基底，再嚟係喺口感上產生衝擊嘅粟米脆脆片、紅豆、煙韌有勁嘅玉子、栗子、堅持每日手作嘅抹茶海綿蛋糕同主角抹茶軟雪糕，每層都誠意十足，滿足感同個杯一樣咁滿到瀉喇！
夏威夷抹茶刨冰 - 冰碎同秘製嘅抹茶漿融為一體，每啖都飄散住深厚凛冽嘅抹茶香。
香濃抹茶卷 - 同樣以播磨園抹茶粉製作，由於係每日新鮮製造嘅關係，所以係手快有手慢無你份，有幾款佳麗比大家揀；草莓味、芒果味同焙茶奶凍味等都皆可以預訂。
抹茶芝士奶蓋 - 將喺台式茶飲界深受歡迎嘅芝士奶蓋轉移到茶香滿溢嘅抹茶之中，微微甘苦中帶點勾人的咸甜香味，好過癮㗎！
舞伎 Matcha Cafe Maiko
地址：澳門馬統領街7號金來大廈地下L座
時間：11:00-20:00
電話：＋853 2831 0383
#FookU福利團 #福利就在你身邊 #品味與玩味 #只可兼得 #有福齊享有肉齊長 #澳門 #澳門美食 #美食 ✌🏻左我地就唔會走寶!Facebook：http://www.facebook.com/FookUnion/
fooku福利團 在 #fooku福利團 - Explore | Facebook 的必吃
m Coin福利團. · October 3, 2019 ·. 【三口八胃實驗室】祐漢信託花園一帶美食多籮籮，不過呢間位置隱蔽少少嘅「小不點」可謂係萬綠叢中嘅一點紅，鋪面細細，但意 ... ... <看更多>