#26
（祝大家情人節安康🌹）
「我都知美國嘅PhD係最辛苦最難讀嘅，所以我好明白你點解會咁諗啊。只係，就算真係讀咗幾年讀唔到，我都唔覺得會浪費啊。」
「……吓？PhD只讀到一半畢唔到業，真係冇地方用得著架喎？」
「點講呢……其實我覺得，冇嘢係真係會浪費架。你以為冇用，只係你而家呢一刻嘅判斷啫，唔代表將來冇用，更加唔代表真係冇價值呀。」
她的手停止掙扎，似乎陷入了沉思mode。
難得她願意想我說話，我連忙在腦裡組織語言，慢慢解釋自己的想法︰
「即係我覺得，所有經驗都有佢嘅意義，所有經歷都有佢嘅價值。你以為冇用，可能只係因為嗰啲價值未顯現出嚟啫。」
黑暗中傳來她的恥笑︰
「你講埋呢啲eternal truth梗係冇得反駁架，但係，實際應用唔係咁簡單嘅事囉。我又唔係無名大嗰種天才，我真係唔敢講自己可以創造到任何有價值嘅嘢。你會咁講，只係因為你唔知我想做嘅研究……」
「你指暗能量應用於穿梭時空方面？我覺得並唔係咩天馬行空嘅嘢嚟呀。」
她的手抖動了一下︰
「咦？你點會知……」
「有幾難估呀？你指導教授係歐陽，咁已經超過70%機會係暗能量相關啦。而且，之前喺研究室講起時空穿梭嘅相關研究嗰陣，你對眼發晒光喎。」
「邊、邊有你講得咁誇張呀？」
我彷彿能想像到她臉紅的模樣，不禁笑了︰
「我唔覺得研究穿梭時空係幾咁超現實嘅事啊。我都係做緊啲差唔多嘅嘢咋嘛。發明時光機一直都係你嘅夢想啊，你唔需要覺得唔好意思呀？應該要為自己一步步接近夢想而自豪先係。」
.
我以為這樣的鼓勵會令她高興，但她卻完全靜默下來，只有細碎的腳步聲繼續徘徊在我身邊。
轉眼間，我們已登上4樓。那扇該死的門還在VeeVee地叫個不停，華小姐再次用雙手塞住耳朵。
那隻手從我掌心抽離的一刻，才感覺到四周空氣異常乾燥寒冷。
如此沉默地走了兩層，噪音稍為減弱，華小姐放低塞住耳朵的手，輕聲說︰
「我唔係好明……」
「哦？邊方面？」
「明明研究緊啲咁冇可能嘅事，點解你可以一啲自我懷疑都冇？點解你……可以咁自信？」
這當然啊！
我做研究的楔機就是為了製造機會再次接近你，現在我基本達成目標了吧？那還有什麼好不滿的？
但這樣說一定會被她鄙視吧。我笑一笑︰
「可能係我覺得，科學就係咁樣卦。」
「……點樣？」
我伸手輕拍她的頭︰
「點講呢？我都係一個好平凡好平凡好平凡嘅人，可能我做嘅所有嘢，都冇辦法為科技帶來重大突破；但係就算我嘅研究唔成功，我起碼發現咗邊個方法係唔work。咁樣未來從事同類研究嘅人，就可以多個參考，起點就可以離目標更近。喺我嘅認知入面，人類科學從來都係咁樣前進架啦。希格斯玻色子都係好多量子物理學家用咗好幾十年先發現到架。」
.
看她沒反抗我的動作，我再次在黑暗中牽起了她的手︰
「你有冇聽過，如果身為一個平凡嘅人，就更應該去做科學研究？因為我哋現有嘅科學，都係由以前無數個平凡嘅科學家逐少逐少鋪出嚟。可以成為一份子，係光榮嚟。」
華小姐噗哧一聲笑了︰
「我真係未見過有人好似你咁欣賞自己嘅平凡囉。」
「你……係咪覺得我好天真？」
「呵，唔知呢？」
她突然搖一搖我的手︰
「喂，你睇下！嗰度有啲光，係咪出口嚟？」
我向上望去，的確看到淡淡的光芒，似乎描繪出一扇門的形勢。
「唔……呢棟樓得8層，應該差唔多到天台啦。」
「好嘢！希望度門冇鎖到啦！」
她甩開我的手跑上去，門一推之下發出VeeVee叫聲，卻還是輕易開了。
.
「你睇下，外邊好光呀！」
華小姐的聲音聽起來非常興奮，一馬當先地跑出天台。
「喂，你慢啲啦！小心整到呀！」
「唔怕喎，外邊有燈呀嘛。」
她像看見遊樂場的小孩那樣興奮地跑出天台外︰
「太好啦，終於返到嚟現代世界！」
我跟在她身後，跨過地上一排排水管，再看看四周漆黑的樓宇︰
「咁奇怪？但我明明記得呢個天台應該冇燈，而家我哋係全zone停電喎……」
「唔係燈邊有咁光喎？係呢，你講個出口喺邊？我哋快啲走啦！」
她踏著磚地清晰的影子前進，我回頭望了一眼，忍不住伸手拉住華小姐。
「真係唔係燈嚟，你望下上面？」
她轉身抬頭，一輪巨大的圓月掛在天台水箱上，潔亮的光芒潤白了她的臉。
她似要接住月光那樣張開雙臂，眼裡盡是光彩︰
「……月光……估唔到香港嘅月光都有咁光！我一直覺得香港光害咁勁唔會睇到月光架！」
「應該都係因為停咗電先見到啫。」
「嗯，我都估係。我哋喺MIT嗰時呢，每到中秋節，無名大都會叫晒全個department上天台燒嘢食架！雖然嗰度個天好清，月亮都好大又好光，不過都要自己拉幾盞戶外燈。呢度好似仲光過嗰邊咁喎，好犀利呀。」
她仰望月亮高興地回憶著往事，我伸手輕輕一拉，把她拉進自己懷裡。
「喂、你……」
「可唔可以唔好提佢住？至少而家呢一刻，唔好提。」
她扭動了一下身體，卻發現無法掙開我，乾脆定在我胸前默不作聲。
.
#26 未完，請到下link繼續閱讀：
http://bit.ly/37q9xag
===
點解#26只連載到一半？
🙊因為有好多嘢想講，要留啲位🙈
連載到呢度，《時光機》嘅故事講咗大概40-50%。
之前都有喺留言提起，我同出版社傾過出《時光機》，
但由於大環境問題，而且舊年出嘅《補習社》銷量都麻麻，出版社今年唔會出新書住。
因此好遺憾，《時光機》最快都要2021年書展先出到書😢
網上連載咗咁多年，我好明白連載時間同出版時間差太耐會產生一個嚴重問題︰
喺正式出書嘅2021年(或以後)，結局一早已經網上公開晒，大家睇光光，熱情亦都冷卻晒……
咁嘅情況下，本書要出世更加難上加難🤦🏻♀️
以一個作家嚟講，出書對我真係好重要。
尤其自修室系列三部曲已經出咗頭兩部，更加希望第三部可以平平安安肥肥白白咁出世。
所以，我猶豫咗好耐之後決定——
《時光機》出書之前，下半部唔會喺網上公開發表。
係好可惜，但相信鍾意呢個故事嘅你一定會明白，並且支持我呢個決定。
.
對於由中學開始追 #自修室系列 追到上大學嘅die hard fans，我亦都好明白你哋真係好心急唔想再等，
可能呢啲fans只得小貓三幾隻，不過我都特登搵咗課金訂閱平台Patreon整咗個 #自修室同學會，
靜靜雞細範圍咁俾你哋繼續追住《時光機》嘅創作過程～
(然後再喺出書之前砍掉重練無限loop……希望今次唔會啦)
我亦都plan定幾個特別篇喺寫成《時光機》之後繼續連載，
包括華小姐視角故事、Michelle視角故事，
仲有其他平行時空，
「假如中六時同咗阿Mi一齊……」等等，
只要 #自修室同學會 投票表示想睇，我就會寫出嚟～
我唔敢估有幾多人會因為鍾意 #自修室系列 ，
或者純粹想支持我、鼓勵我而加入同學會；
好真心地，我絕對會為自修室同學會嘅支持而感動，並且創作更多同學會想睇嘅嘢，
但其他未加入嘅同學亦都係我重要嘅讀者，
你哋都係我嘅翅膀～好多謝你哋一直陪住我行落去 ❤
想加入自修室同學會請移玉步︰
http://bit.ly/2SFTmAm
年紀大，再講多幾句心底話。
由2013年出第一本書到而家，我已經出道7年。
7年來出書唔多，一方面因為要返工唔夠時間，更大原因係香港出版業好艱難。
每出一本書，對出版社、對作者都係重大考驗，唔止賺唔到錢有時仲要蝕入肉，所以我好明白出版社點解咁小心謹慎。
但出書始終係作家嘅心願，我相信呢樣嘢對每一個創作者都一樣，
所以，我真係好希望香港出版社可以好好生存落去，俾多啲機會香港作家，養育出本地黃金文化圈。
以前我好羨慕早幾代嘅前輩作家，佢哋可以喺報紙寫專欄連載小說，有固定收入，
唔使搵工返工都養得起自己，可以將全部時間拎去寫嘢。
自從報紙式微，香港淨低嘅全職作家寥寥可數。
不過，既然而家科技進步、種種去中心化產品越嚟越盛行，
咁會唔會有朝一日，即使係小眾嘅作者，都可以從fans手上直接拎到稿費，
唔需要再為口奔馳，可以專心全職創作？
我呢一代或者未做到住，但我深切希望下一代嘅香港作家可以做得到。
香港人唔需要迎合其他人，唔需要跪喺度奶，
靠自己市場生存嘅一日，終必會來歸——
與榮光同歸香港。
長氣講多次，想加入自修室同學會請移玉步︰http://bit.ly/2SFTmAm
之後再喺度，同大家講各種各樣有趣嘅故事🤗🤗
die hard fans意思 在 [語彙] 鐵粉的日文- 看板NIHONGO - 批踢踢實業坊 的必吃
大家好，
想請問大家，鐵粉的日文，
我的鐵粉，不是鐵的粉，而是死忠粉絲的意思，
英文的話是 die hard fan，stan，
我查到的日文：根っからのファン 、筋金入りのファン
我想請教大家，日本人的話，鐵粉比較常用哪一種，
請大家幫我解答，
謝謝大家！
--
※ 發信站: 批踢踢實業坊(ptt.cc), 來自: 123.195.57.88 (臺灣)
※ 文章網址: https://www.ptt.cc/bbs/NIHONGO/M.1581176369.A.710.html
... <看更多>