啲戲好屎
【next.hk獨家專訪】俾男方拉入殘廁 Coffee：冇性行為
http://m.next.hk/news/ent/20140709/56375
「我冇諗過咁嚴重，冇諗過錄咗咁多嘢，而且我冇喺廁所同人發生性行為。」Coffee喊住咁講。
一對男女可以喺殘廁做啲咩呢？一次殘廁gathering風波，令到Coffee被無綫終止合約，而男方至今依然龜縮。獨自承受壓力嘅Coffee，呢日接受《壹》仔獨家專訪，聲淚俱下為自己當日喺殘廁數十分鐘所做嘅事解畫，「嗰晚我飲到想嘔，好唔舒服，佢帶咗我入廁所，之後錫我，咁我都鍾意佢，我嗰啲聲音係好自然嘅反應。之後有清潔阿姐敲門問有冇人，嗰刻我想快啲出去，所以就話返屋企先！當時我已經意識到有人喺出面，嚇到醒晒，點知一開門係記者，係我諗唔到。」
被問到係咪男方林知譽拉佢入廁所，Coffee遲疑咗幾秒之後答：「其實係！我一路都冇澄清，因為我唔想傷害個男仔。但我有責任去意識到嗰度係ifc。有咩問題都係自己問題。」
諗番起當日嘅事，Coffee最後悔係俾自己飲咁多酒，佢認為自己要為事件負起所有責任，「我將所有責任都擺喺自己身上，我係咁同個男仔講對唔住，對唔住，乜嘢都係我嘅錯。」講完呢句，Coffee又再爆喊。
