到今日，美國疫情依舊好嚴峻，
前排同住係美國既朋友傾開，
問佢地近況如何，佢地同我講其實住係當地既亞裔好小心，
但好多其他種族既人都依然好固執，
死都唔肯襯口罩，之前唔知你地有無睇過條片，
就係有兩個美國後生仔去派口罩俾啲鬼佬鬼婆，
點知俾啲人又鬧又追住黎打。
不過朋友話加洲有改善，自從有regulations之後，
啲鬼佬鬼婆終於肯戴翻個口罩。
點知同朋友傾完後，咁橋我就逼住走左轉美國，
真係好耐都無飛過美國，雖然心裡面有啲驚，
不過我又唔介意離開香港，
因為每日都留係香港其實唔係好開心，
我需要去呼吸一下新鮮既空氣。
是咁的，我就去左轉美國，
平心而論，我覺得算係好安全，
我就係上機、落機去酒店，
去左好多日，我都係對住呢個街景，
見既人仲少過係香港見到，
最重要既係，我又真係見到啲鬼佬戴口罩，
無口罩都用左面罩，對於我黎講都好過無。
其實令我最擔心既係去到無野食呢個問題，
無理由餐餐都係食杯麵，我去咁多日真係搞唔惦，
因為我真係好憎食杯麵，況且唔係隻隻杯麵都過到境，
好似出前一丁麻油味你以為得，sor999ly，
調味料入面有雞粉，唔過得境，
所有啲海鮮味呀，牛肉味呀，
其實全部通通唔過得境，帶入境俾人收左要自己負責。
咁點呢？唔通去到真係個個都淨係做光合作用咩？
經過集合資料後，我發覺只要留係房都唔單止有野食，
仲有得shopping添！
叫外賣嘅搵嘢食一定搵Uber Eats，
不過最特別嘅地方係美國既Uber Eats就張Eats Pass，
佢有一個月免費試用，
可以訂餐唔使比Delivery Fee，15usd以上有5%折扣優惠，
你只要係離開美國之前取消，就可以享用到免費試用。
咁如果你要買supermarket嘢呢？
唔使驚，target有same day delivery，
每次收費9.99usd，不失為一個你可以買到新鮮食品嘅方法，
Target仲有家品啊電器啊玩具呀化妝品之類嘅嘢買，
都已經夠晒你買。
咁如果你唔想俾9.99usd，唔知你有無用過美國版嘅Amazon Prime，
佢哋亦都提供一個月免費試用，
你可以喺Amazon Prime買到佢地自家supermarket 叫Fresh既野，
亦都可以買到 Whole Foods Market既delivery，
實測嘅就係我買到水果麵包肉類健康產品藥物，
甚至係Whole Foods Market既organic food都買到，
可以送到你酒店，甚至送上房，真係好鬼happy，
有嘢食可以唔使光合作用，不過都要記住，
記得係走之前取消免費試用，否則就要每個月俾錢。
如果你都覺得呢啲唔啱你，
仲有個網站叫Instacart，
佢係有人幫你去附近賣groceries嘅地方幫你買嘢，
我實測過我自己酒店附近可以有例如超級市場、costco、cvs既野買，
甚至仲有間寵物用品舖，你諗吓你唔使行，
只係撳個掣就已經買到好多你想要嘅嘢。
原本instacart有個apps，不過港版app store係下載唔到，
所以你可以上返佢個網站去買，
而盡量用citibank既信用卡，因為我發覺hk hsbc既卡係instacart係用唔到，
除非你有美國信用卡啦。
講到呢度，
一切都仲好方便，就算你足不出戶，
酒店房都行唔到出去嘅話，
你都仲可以好方便買到生活所需，
果然一個科技大國，呢方面真係好好。
而且真係周圍都有消毒洗手液，
就算你冇帶，你都一定會有洗手液可以用到，
所以你問我係咪好驚？
我覺得真係冇得驚，不過最少我覺得口罩係真係保護到我。
唉好想快啲喺美國玩，希望美國生生性性，
確診數字快啲變0啦！
呢篇係美國攻略，要嘅不妨share俾身邊有需要嘅人知！
但真係要飛美國嘅，都唔好咁擔心，
好似有朋友住喺美國咁，人哋出身係美國，
都話係邊度擔心得咁多！
———
我艾豬: www.instagram.com/a.drewy
same day delivery amazon 在 how amazon same day delivery works - YouTube 的必吃
... <看更多>