「我在唱歌兒憑空設定，踏進了故事留下佈景。」
如果記憶係抹唔走，咁我好肯定我會想停留
係呢個畫面，享受住6000呎既豪華體驗。
咁究竟6000呎係一個咩概念？我都答你唔到，
只可以講好x有空間感呀…我講緊就係位於
銅鑼灣呢間多功能Cafe「Base 8」，同時
提供一站式Salon、美甲、coffee shop服務，
呢鋪我真係可以踏入你心境，令你心傾…
聽你心聲。👇
-
📌M A I N -
▪ Homemade fettuccine · mix mushroom ·
Japanese egg yolk - $148
▫ 今次晚市我地主攻pasta，嗌左個「雜菌·
手製闊條意粉·日本蛋黃」，比佢中間既
北道海蛋黃深深吸引，吉爆左流出既蛋汁
非常幼滑；而闊條麵除左因為佢手工製
所以口感特別煙韌外，加埋蛋汁多左份
濃香感，唔錯；同時唔好忽略旁邊既
野菌令整體層次更加突出，高質之作。
-
📌D E S S E R T S - $88
▪ T i r a m i s u -
▪ C h e e s e c a k e -
▫ 咁大個coffee bar梗係唔好錯過打卡機會啦，
整返兩個甜品咁就岩feel啦。第一個「意大利
咖啡·芝士蛋糕」賣相非常獨特，唔似一般café
就咁一件上。食落帶明顯既酒香，加上
手指餅夠濕潤，口感唔錯；而隨後既
「手製·芝士蛋糕」造型亦好獨特，用上
一粒粒芝士代替一件上，口感細細粒一啖過，
食落芝士味幾香，但又唔會太甜，食得過！
-
📌O T H E R S -
▪ Iced · Chocolate³ - $70
▪ Matcha · Latte - $52 (H)
▫ 野飲方面亦值得一試，當中試左兩杯人氣
特飲「朱古力·三次方」、「鮮奶·抹茶」。
前者朱古力分三種層次，上枱時staff建議
先輕輕試特濃既朱古力，然後再放朱古力片，
可以加強口感，最後就可以隨個人口味加返
適量既奶，咁就做到甜而不膩啦，呢種飲法
都幾有新鮮感；而後者抹茶入口質感順滑，
抹茶同奶既比例岩岩好，認真唔錯。
-
📎 Base 8
📍銅 鑼 灣 加 寧 街 8 號 地 舖
