https://henryporterbabe.medium.com/59760ad4f37c
炒開幣又睇下股市，純粹個人判斷，不喜勿插
早前《路透社》傳出中國銀保監會正調查中國平安(2318)在房地產市場的投資事宜，引至短暫性股價下跌。本人曾於59蚊Set盤，然而最終因為錯過時機都係入唔倒貨，去到執筆之時經已彈升起60蚊以上（現價60.75）。響度分享少少我對呢隻股充滿信心嘅原因。
首先，路透社只是「引述兩位消息人仕報導」，並未公開消息內容；中國銀保監至今亦未公佈究竟調查咩範疇、甚至是否正式立案亦未可知，究竟詳情為何外間只係估估下：
其次，基於大陸最鍾意管呢管路，而家中國平安就華夏幸福嘅投資當然係失利，但卻遠遠未及銀保監訂立，針對房地產投資嘅上限水平，不存在違規行為。《路透社》引述消息來源話銀保監係為咗收緊金融機構對房地產投資出手，但中國平安高層「見過鬼都怕黑」，已多番強調會因為今次虧損而反思，所以你我問呢次銀保監流出調查消息，係作為姿態性質多過實質進行任何收緊監管或懲罰。
第三，中國平安講緊嘅係過萬億市值，而華夏幸福投資對中國平安造成嘅風險敞口只係540億，雖然難免影響到盈利表現，但肯定未到「動搖國本」嘅程度。
響度要解釋一下所謂風險敞口（Risk Exposure），係指金融活動中，對風險未採取任何防範措施而可能導致出現損失的部分。一般而言投資係可以透過對沖、保險等方式進行保護，而未有保護部份就稱為風險敞口。但大家要留意嘅係，風險敞口指嘅並唔係中國平安經已損失嘅數額，而只係響目前已知嘅風險入面可能承受嘅最大虧損。
中國平安目前就華夏幸福減值359億，其實經已佔相關風險敞口六成以上，然後聯席首席執行官姚波仲表明，假若華夏幸福已進行風險防範及化解方案，悲觀睇，最多就係蝕多剩番果百幾億；樂觀睇，則損失經已完全處理好，甚至可能有機會回撥。
我地再睇埋中國平安目前管理3.8萬億投資資產組合入面，包含埋其他房地產投資嘅風險敞口為1885億，最多就係佔不足5%；但中國平安股價由高位91.99，一嘢跌到60蚊樓下，減值達3成，響我眼中係有相當值搏率。
當然對於一啲對中概股有疑慮、或者堅持所有大陸股票一律唔買嘅朋友，我當然建議大家都係炒番美股Crypto（但買幣都唔撚比買BNB）；之但係響我眼中錢係從來無分正義邪惡，而只分值唔值搏。
risk exposure 在 What is Risk Exposure? Definition from SearchCompliance 的相關結果
Risk exposure is the quantified potential loss from business activities currently underway or planned. The level of exposure is usually calculated by ... ... <看更多>