呢個組隊方法算點……
橫向動作遊戲發展至今，已經成熟到爛咗，基本上都冇乜新嘢可以再加落去（又或者係各大廠商技窮啦），之但係呢隻名為《深淵狂獵（Lapis Re Abyss）》嘅新作就好似漆黑中嘅螢火蟲一樣，成功吸引到雷隊長嘅眼球。呢隻新作係由非常多產嘅傳統日廠「日本一」推出，作為係一隻傳統日式橫向動作Game，《深淵狂獵》將會全力賣萌，以Cute爆二頭身人設配搭日式童話風格（「日本一」人設不嬲都好有保證），唔打得都睇得！
咁當然雷隊長唔會咁膚淺淨睇樣啦，真正吸引在下嘅係本作另一個幾得意嘅系統－－「人疊人組隊大法」。喺《深淵狂獵》入邊，每當玩家要出去冒險嘅時候，當然要組隊啦，咁唔同角色有唔同職業，唔同職業又有唔同能力，睇落都好正常啦，但佢嘅組隊方式唔係普普通通各個角色一齊出去打怪咁簡單，唔同嘅隊員要以騎膊馬方式疊喺隊長個頭度……喺呢種奇葩方式中，根據疊上去嘅角色嘅唔同職業，隊伍就會擁有唔同能力，而喺緊急時候，佢哋重可以「分體」出招或者出大招添，睇住佢哋疊住個樣真係好治癒……TQT
除咗賣萌，本作嘅育成系統同埋故事亦得相得唔錯，《深淵狂獵》將會收錄至少八個各有特色嘅角色，呢堆角色全部都擁有唔同職業同能力，例如獵人可以用雙劍配搭前線技能進行強力嘅一對一作戰，運用鐮刀嘅死靈法師就擁有優秀嘅中距離作戰能力。透過各式各樣嘅冒險，玩家亦會取得唔同嘅裝備、武器同埋金錢，然後你又可以返去主城強化裝備等等，冇錯！呢隻係一隻可以「刷寶」嘅練功打寶Game，所以耐玩度絕對唔係問題（只怕你冇時間刷）！
想搶先玩嘅朋友Mark低呢個日子呢，《深淵狂獵》預定喺今年11月29日同步登錄PS4同埋Switch平台，呢個係日版嘅推出日期，如果想玩繁體中文版嘅朋友就要忍下手先，因為官方講到明呢隻Game會出中文版，而預定推出日期就係下年春季，即係四月前啦，To 等 or not to 等，自己揀啦。
__________________________________
想睇精彩短片，即去：http://bit.ly/2IRwZ8a
ps4 橫向動作遊戲 在 【遊戲YouTuber監修】2022最新推薦十大人氣PS4動作遊戲 的必吃
編輯部推薦8款人氣PS4動作遊戲 · 星際大戰：戰場前線II · 惡靈古堡3 重製版 · 無雙OROCHI 蛇魔3 Ultimate · Dead Cells 死亡細胞 · Death Stranding 死亡擱淺. ... <看更多>
相關內容