【加強陣容】
拿，南方東英隻南方恆生科技（3033）已經面世左五日喇，响佢仲未上市之前，我應承過大家，要幫大家跟進返佢上市初期既表現既，今日就同大家找數。
首先，我當然要不厭其煩咁同大家講返呢個「20蚊事件」先，雖然依家再講已經好outdate，但我仍然深信不疑咁話俾大家聽：隻產品無錯，南方東英都無錯，最錯既係早過你地攞貨，又將個沽盤掛到老連咁高果一間證券行，同佢既股民。不過咁講，佢無犯法，响商業既社會裡面，弱肉強食既啫，當你地唔好彩囉。
至於另一個無錯，但係又有空間改善既，當然就係所謂既造市商、莊家（market maker）啦！我成日都話，佢地係負責睇場。個場有任何混亂既，俾人响樹搞寸到個party既，佢地都應該做得好d。而為左加強market maker响個盤上面既操控性，make sure everything under control，拿，南方東英呢次就做到野喇！
佢地將本來有兩間既market makers加到五間，除左原來有既DRW同埋Flow之外，仲加埋雅柏、Jane Street同Optiver！作為一個專業既死財演，我梗係要幫大家fc下架啦：就响我11點18分cap呢個圖入面，我就見到Flow、雅柏同Optiver，真係有返工架！班睇場加強左咁多，大家以後就可以安心咁炒3033啦！
仲未講完：如果你地想更清楚了解3033甚至係比較下佢同其他牌子產品有咩唔同既話，記得今日下晝3點45分睇《富昌台》，Kenneth會上黎吹水架～
#南方東英 #恒生科技指數 #港版納指 #ETF
