Search
話說呀釘靴去親日本都會花成幾個鐘去睇波Boot，上次去嘅時候已經睇中呢對Tiempo中價版：Tiempo Legacy iii HG。呀靴就認為呢對中價版Tiempo係近年嚟最好嘅一對中價版。首先佢唔再用牛仔皮，二嚟佢嘅HG釘係幾合適香港啲真草同*仿真草，可以話係最接近一釘二用嘅波Boot！今次呀靴就會詳細同大家講下呢對Boot嘅特點，亦都會同大家講下日本版HG釘點解會合適我哋香港嘅波友！
🔈大家記得開聲睇
*30/3 更新: 適合嘅仿真草屬於靚同厚嘅一類，薄同差嘅仿真草仍然會建議著碎釘TF底。
👟：執波仔 Football Caddy
音樂: Bensound- Energy
——————————————————
【實測重溫】Asics Destqaue 6 TF: http://y2u.be/WhSC8oLXwBc
【波Boot開箱】Mercurial Superfly Elite 6 FG: http://y2u.be/pMrJfa1elBk
【最新波Boot資訊】Follow: instagram.com/hkfootballreview
Umbro, 一代英國足球牌子嘅傳奇，想當年，英格蘭國家隊波衫就係用umbro，曼聯車路士曼城都用個umbro做波衫褲；細個去踢波，穩穩約約記得屋企人買俾自己嘅波boot都好似有umbro份。Umbro，一聽個名俾人感覺老土，鞋款大多數也是傳統的黑白色加鞋舌的款式吧。
小編喜愛波boot就眾所周知，上去prodirect個網睇吓umbro啲鞋，令人喜出望外！除咗特價得犀利外，佢啲款式都開始悄悄起革命，走年青化嘅路線！原來Umbro而家主要出嘅路線同其他大牌好似，一對係走輕巧靈活(Velocita)，另外一對就係走袋鼠皮嘅球感傳送(Speciali)，而效力皇馬嘅後衛比比，正正著嘅係後者，鮮艷嘅橙色配上傳統嘅外露鞋舌，佢嘅版本叫做(Speciali Eternal)。
由於小編係屬於踢邊線嘅球員，往往需要速度與對手拼搏，因此入手了喱對Umbro Velocita Pro HG。Velocita係umbro 2015年嘅產物，主打輕薄與速度。
Velocita攞上手時有總耳目一新嘅感覺，鮮艷養眼嘅顏色配搭，佢以黑色為主色，配以螢光粉紅同湖水藍嘅點綴，有一種好新穎嘅視覺享受。此外，攞上手時佢嘅重量係離奇地輕，仲輕過小編著開嘅nike mercurial vapor X。
Velocita用上嘅係合成皮，鞋面嘅設計有少少似Mercurial vapor IX嘅鞋面，由一個又一個嘅細小圓型做成，啫係有啲次golf球嘅表面，相信係為咗加強球鞋觸球面積，增加球感。
Velocita嘅鞋面很有彈性但唔容形走型，佢科技上就用上A-frame嘅概念，A-frame係指鞋兩邊”令面”嘅位置，呈A字狀，佢似係維繫住球鞋嘅結構，唔俾佢走型，同埋於綁鞋帶後，令球鞋更能鎖住腳腕，減低移位嘅可能性，令球鞋更貼服雙腳。
Velocita令小編注目嘅係佢塊鞋舌，佢只不過係一塊輕薄嘅膜，果然晌每個地方都要減低重量，打造成一對輕巧嘅鞋。
Velocita嘅鞋底係用上HG嘅細釘，鞋外側釘係用上umbro嘅夌型狀，鞋內側就用上圓釘，圓釘相信係方便球員嘅靈活轉向，夌形釘則抓地力很強，有助平衡身體同加速的用途。
小編拎Velocita作簡單嘅練習同比賽，佢嘅一對唔需要開鞋嘅鞋，穿著舒適，原來鞋墊腳趾位係有凹凸狀，令鞋更配合球員足底。
Velocita傳控球感不俗，最令小編驚喜嘅係長傳斬波同底紙嘅出波，皮球輕易傳往心中嘅位置；此外，可能球鞋鞋面貼腳，斬波往往容易掘得深同應，波就自己飛得穩定同遠。
至於射門，受惠於鞋面嘅貼腳同彈性，腳面同腳內擋射門都好應棍，腳面只要食得個波應，用七成力射，就會輕易射出飄浮球。
至於扭波，小編無從判斷，因為小編係一個唔多上腳嘅球員，但於無球走位與防守上，球釘的確給予到好嘅抓地力，至少小編晌練習同比賽時無跣低過，以及轉向時感覺係食力嘅。
總括嚟講，小編真心向大家推介喱對鞋，特別係討厭了adidas同nike喱啲大牌子嘅朋友。Velocita各方面都令小編有很好嘅感覺，尤其適合進攻與速度嘅攻擊手。
Velocita嘅唯一缺點係佢保護力不足，如果需要兇狠攔截嘅防守球員嚟講，Velocita就未必幫到手，反而比比著個對umbro袋鼠皮就的確可以一試。
價錢上Velocita正價係賣130英磅，但係唔知點解可能無咩人買，特價款永遠有佢份，小編買嘅時候就係50英磅到，即係700蚊港紙以內就有對貴版波boot嘅交易，的確係非常化算。
#umbro #umbrovelocita #velocita #波boot #足球鞋 #真草 #草地足球 #實測 #評測 #HG釘
小編剛剛去完日本福岡休假，一翻到香港 ，立即同大家介紹日本嘅足球產品文化。小編本身諗住會睇兩場J league，分別係福岡黃鋒對名古屋鯨魚，以及鳥栖砂岩對神户勝利船。不過不幸嘅是熊本地震，所有九州主場嘅賽事均取消咗。點都好啦，安全最重要，天佑熊本。(圖1，2)
小編第一樣要介紹當然係福岡kamo啦，地點係晌天神站嘅parco商場7樓，裡面有齊全嘅J league波衫，九州隊伍嘅球衣就有北九州向日癸同鳥栖砂岩，出名嘅隊就有大阪飛腳同櫻花，橫濱水手，浦和紅鑽等，球迷版波衫若10000円至13000円不等，小編就見到練習波衫會平啲到，價錢為7000円到，啫係約港紙$500到。(圖3，4)
除咗J league波衫外，當然少不了一大蘿嘅波boot啦，牌子就有晒Nike, Adidas, Mizuno ,Asics, Umbro, Diadora 同New Balance，且大部份都係貴版波boot，釘底則主要為日本常見嘅HG釘，識合日本嘅偏硬草地。(圖5)
小編就深深俾黑色個對Nike Tiempo Premier吸引住，價錢為8千幾円，啫係港紙6百幾蚊，6百幾有袋鼠皮嘅質素，唔係唔買嘛！仲聽聞喱對係上年出嘅復古款，巴西球王羅馬利奧舊時著個喱款添呀，不過佢著嘅係有鞋舌嘅款式喇。不過可惜嘅係，好嘢係搶手嘅，對鞋無我size, 嗚嗚……(圖6)
小編另外要同各位朋友介紹另外一片樂土。話語福岡有個大outlet，叫Marinoa City Outlet, 晌博多站搭303巴士或者姪濱站坐巴士約40分鐘車程就會到。入到去outlet，當然有大小型牌子嘅特價品，不過唔可以錯過嘅就係喱間叫做SPORTS DEPO嘅運動倉，小編入咗去成兩個鐘都唔厭！(圖7)
裡面究竟有啲咩架呢？佢將所有運動分門別類，佢淨係足球產品就已經有四大行！！先講斷碼區，簡直係細腳福音，只要你對腳係25cm/25.5cm，恭喜你，半價鞋一對接一對，喱對adidas.ace 15.1白黑色只需要8千幾円，佢隔離仲有一炸貴版puma boot，可惜小編對腳又去唔到咁細。(圖8)
再去石地波boot區，有日本版袋鼠皮嘅asics同纖維皮版嘅mizuno, 著上去輕到呢，避震系統都的確唔差。呢度仲有晌日本futsal屆出名嘅巴西牌子Penalty！佢嘅設計非常年青同新穎，材料上貴版更用上麂皮！石地系列點少得室內場嘅大户Joma! 佢嘅鞋晌UEFA Futsal Cup (歐州國家杯五人賽)有唔少球員穿著過。(圖9，10，11，12，13)
之後過去釘boot區，外國牌子即刻出翻嚟。Nike嘅代表就有齊貴版同中價版，但以舊款居多。小編就拎咗對Nike Mercurial Veloce leather上腳，雖然唔係最貴嘅Vapor款，但係佢嘅皮相當軟熟。不過又老實講，本身買Mercurial嘅人應該就係貪佢合成皮輕巧同靈活，將佢換成皮版感覺就好似倒翻轉個理念咁😂。再試埋對tiempo vi第二貴版先，佢叫Tiempo Legacy ii，嫌貴版貴嘅話佢都的確係一個唔錯嘅選擇，佢彩用嘅係高級牛仔皮！(圖14，15)
過去Mizuno釘boot專區，尤如進入咗博物館一樣，舊款嘅Morelia有鞋舌版去到最新出嘅Basara 101同Monarcida應有盡有，有貴版又有平版！小編求期拎對腳塞落對Wave Ignitus 3 SL到，原來佢鞋底咁舒服！就好似跟據住亞洲人腳底而設一樣，踩落去到貼一貼，感覺如腳底嘅倒模。喱對Wave Ignitus 3仲做緊七折，加上隻色可以話最靚個隻，係幾吸引嘅！(圖16，17，18)
再去Puma專區，Well，好多Made in Japan嘅 Puma鞋特價，主要特價嘅款係Paramexico Lite! 售價由11000円到13000円不等，啫係最平個對貴版日本製袋鼠皮波boot只需約八百幾嘅價錢！Paramexico Lite 款色算多，不過小編就麻麻地佢，原因就係佢啲釘係離奇地大粒😂😂。(圖19，20，21)
除咗大牌子外，SPORTS DEPO仲有啲特別牌子嘅鞋，雖然係舊款，但係就接近半價咁濟！小編就遇到喱對日本製嘅袋鼠皮Hummel波boot! 著落去一如Made in Japan過往的好，軟熟嘅袋鼠皮，給予你上盛嘅球感，售價都只不過係六百幾港紙！(圖22，23)
小編喱個trip簡直令自己大開眼界！走進日本喱個亞洲足球王國，見識到當地嘅足球產品文化，略欠不足嘅係睇唔到J-league同無機會落日本球場踢下波咁。睇下下次有無機會啦！！😂仲有最後一點要同各位朋友講聲，如果想買高筒波boot嘅話，福岡嘅鋪頭未必幫到你，佢地嘅鞋大部份都係低筒嘅(小編淨係晌kamo見到三款高筒)。如果要買高筒嘅話，去啲大城市如東京同大阪嘅kamo啦，佢地會有多啲款式同size!
mercurial hg 在 Version Control with Mercurial (part 1 of 5) - YouTube 的必吃
Explains Mercurial for users who have never used version control before. Part of a larger series on programming, visit codeschool.org. ... <看更多>