［就快套都冇得買啦！］找到真愛的秘密！真係成篇講condom，不喜勿入。但事實證明，之前去搶condom嘅，不知幾有智慧。一個唔該兩個月後佢地就係霸主。
1. 一早寫過，去搶米嗰啲，其實不知幾「理性」（http://bit.ly/2vcspML）。你可以唔認同佢嘅選擇，但我真係唔知邊忽唔理性。好多人嘅問題就係，自己唔做就覺得人地唔理性。殊不知其實主流齊齊做嘅先最唔理性。好簡單，幾時最多人買股票？永遠係一街股神師奶入市之時。買股票畀人恥撚笑話「唔理性」嗰時，就似乎比較適合。
2. 講到尾都係成本，又唔係貴幾倍，又唔係排幾個鐘，又唔係要用幾萬蚊。買定十包米有幾出奇？仲有講過，後悔嘅代價，Fear of missing out．買多咗最多咪食耐啲，再唔係就算total loss 咪一千幾百。但萬一真係冇米而你冇買呢？到時話知你咩CFA啦，食得架？跪地求師奶讓米畀你啦
3. 今次又應驗啦，雖然我冇參與。早排又有人搶condom，又畀人笑低能。之但係，真係有得搶好過冇得搶，有得搶即係有性愛嘅人（當然女仔都買得，但斷估你唔會幫姐妹買，或者幫你老公男友買嚟砌第條女），先天已經係社會較幸福嘅一群（唔好笑，扑嘢不是必然的，幾多incels冇嘢扑搞到開槍殺人呀）。
4. 而吾友話齋，佢啲嘢樣樣都唔會用完先買，梗會預備多啲（佢唔係指condom，但我更關心係咪女朋友都會預多個後備），呢啲咪好男人。喂大佬，一個男人呢，最好就預備一大堆嘅condom，最好佛地魔分靈體咁，背包又放幾個，銀包又放幾個，西裝又放幾個，公司又放幾個。心底裡腰骨裡，要有笠。蝦餃裡啤酒裡，要有笠。衫袋裡冬菇裡，要有笠。湯丸裡巴士裡，要有笠。
5. you never know．笑嗰啲，你梗係冇試過埋牙冇套要衝落去買嘅呢hea啦（江湖傳聞史前有人一夜情，作客冇套，衝咗落樓下買，結果唔記得條女邊個單位。你話手提電話幾咁偉大呢真係）
6. 講返，其實疫症會唔會令人多咗用套，我係有啲懷疑嘅。有云話，多咗在家，多啲機會搞嘢。但，真係咁？直接啲，你估下咩情況下用最多套？在家嗰啲，固然有啲都照用套，但有啲唔用。咩最多用套？就梗係啲偷情呀，嫖呀，友誼波呀，一夜情呀之類。除咗對象有別外，亦都因為刺激好多嘛，次數亦唔同。斷估結婚廿年你唔會一晚執你老婆幾劑掛（你會？好事。）—「但小三就會」「因為幸福唔係必然」
7. Sorry，寫到好似友版新田飛地咁。講返國際金融。是真的。WFH會唔會變成FFH就真係WFC。但，就算需求冇乜變（我懷疑其實係跌的，唔好忘記酒店又冇旅行又冇得去），肯定供應都減少，所以真係會condom短缺
8. 拿，彭博報導，唔係我老作。馬來西亞大戶Karex話，供應可能會跌50%（嚇鬼呀？！），而存貨只係夠兩個月。換言之呢兩個月就fuck like end of world 啦下。當然呢個係悲觀者嘅睇法。樂觀者嘅睇法係：兩個月後就拎正牌中出啦！（你就想，其實應該兩個月後，邊個有套邊個就有license to cum，大把選擇，所以正確玩法應該係呢兩個月死忍！你忍兩個月之後大把好嘢）
9. 又，呢檔Karex，你當然未聽過啦。唔係因為你唔用馬來condom，而係，人地做袋工，sorry，係代工。全球五份一嘅condom都係佢地代工，包括最大嘅牌子杜蕾斯 —係喎，condom都係OEM，講到尾都係一個marketing嘅遊戲。
10. 雖然係馬拉公司（因為多橡膠？），但啲廠多數在中國或印度（下次咪用丫笨，中國製嘅因住爆炸）。又封關又停工，大大影響個產能。
11. 而公司呢，就明顯唔同意我講法，話需求係雙位數增長嘅。諗諗下又可能係，我講嗰啲咩小三呀偷情呀，都係中產權利。我知地盤佬貨櫃車司機都包二奶，但我講，係真係啲最窮嘅人，嗰啲人數上應唔少，而聽聞而家都用套了
12. 公司仲講到明，會加價。哈哈哈，所以之前搶套嘅有幸福了，但留意返個賞味期限。近幾年香港（主要係政治上）好流行講condom，畀人用完即棄掉出街（真冇公德心）咁，好繪形繪聲。
13. 但我自己就睇得好化的（？）。我會知道幾時要褪，其實人人都係condom，鳥盡弓藏，有得畀人掉出街，好過做個過期condom用都未用就跌落垃圾桶。我志願就係做一個有自主嘅 condom—趁硬就自己甩出嚟啦，靚俏俏咁離開，不留低一片雲彩，離開請關燈，唔好勞煩人地，陣間搞到周圍都係呀。
14. 唔好意思，希望唔好有人投訴。明明上一篇好正經咁財務分析嘛
15. 不過最後都介紹返，Karex除咗做OEM，都有出自己品牌。差不多所有做OEM嘅廠佬係咁，自己日做夜做賺雞碎咁多，啲冷氣鬼佬底面都未識分（！）就因為做品牌賺大錢，好唔公平。但all about scarcity，識做品牌做行銷嘅人多，定識OEM嘅人多？好質料重要，定好嘅brand building 重要？
16. Karex自家品牌，聽講有榴蓮味condom，我冇試過，唔知。只係記起上次我講Sailor Moon Condom，題曰「月野套」，有朋友PM我話自己用過鬆弛熊condom，好想問佢有冇用到鬆弛。
