【聰心說——和你Talk吓「德」唔「德」】
拜仁慕尼黑有驚無險又贏一場，距離德甲8連霸又近一步。今晚對住利華古遜雖然開波無耐先失1球，不過，作為班霸，就梗係順境波逆境波都冇問題，輕描淡寫連追4球，最終以4:2贏波。
開賽初段利華古遜比較積極，主動喺前場進行逼搶，特別針對左閘阿方素戴維斯(可參考上半場約5”00及16”30)，以「波到人到」高位壓迫，減少拜仁後防球員思考時間，的而且確拜仁係開賽早段難以由後場組織。雙方全場合共26至射門，絕對係大把開放式足球，兩對整體防線未算有高水平演出。
不過，高位壓迫對球員要求相當之高，其次係防線會推得較前，靠近或甚至超越半場線，令球隊後防擁有大量被反擊空間，今場比賽利華古遜正正就係一個「高位壓迫導致被打反擊」嘅反面教材。當然，利華古遜每位球員大部份時間盡最大努力執行教練指示，奈何球員自身質素同拜仁球員仍然有一段，因為小失誤而被拜仁把握得到，但球隊整體方向及球員共識，利華古遜絕對值得學習。
總括比賽分野，利華古遜因過度使用高位逼搶，導致防守有大量被反擊空間，然而，拜仁慕尼黑識得因應場上形勢，適當地利用長傳發揮京士利高文及拿比速度，對抗利華古遜高位逼搶。其次，兩對防守球員整體緊密程度有待改善，雙方各有一次因為mark人唔夠緊貼而導致失波。最後，利華古遜需要加強阻住對方的長傳，甚至需要嘗試運用技術性犯規，已阻止對方打快速反擊，以避免喺前場高位逼搶時出現後防空群而出嘅感覺。
想知道今場比賽部分入波原因同產生，
即刻去圖👉🏻👉🏻👉🏻
Video and Photo Credit: Forza Football
