#喜歡鋼琴的小屁孩
二寶的節奏，就係跟住大寶的腳步走。
每次家姐練琴，呢位小朋友都會守係側邊，熱烈地叫叫嚷嚷助興。 佢望住家姐嘅目光，永遠都充滿愛慕，充滿激動。
當佢享受過坐係琴椅，真真正正敲打落琴鍵嘅真實感覺後，再想用普通版嘅BB電子琴打發佢，已經無可能啦，識揀一定揀扭計去玩鋼琴。
希望你日後都係一位愛彈琴的小孩紙，讓你慢慢探索，音樂世界很美。
• • • • • • • • • • • • • • • • • • • • • • • •
平時係IG story有post過紅豆彈琴的小短片，引來好多好奇寶寶問問題，以下開放Q&A時間。
Q: 幾歲可以學琴？
A: 標準答案係4歲，但如果你小朋友已有學琴的準備，可以去心儀琴行做個小評估，再決定係未適合提早學習。
紅豆3月開始學，當時大概3歲半左右，因為小手肌及手指用力都唔錯，可以提早學琴。
Q: 初學要買咩價位嘅琴？
A: 我的鋼琴係二手的，購自二手拍賣app(carousell)。 只怕買新鋼琴，小朋友學習只係三分鐘熱度，會浪費新琴又浪費金錢，全新鋼琴叫價都由「萬」起跳。
一開始我搵免費鋼琴，別以為鋼琴好貴，無人肯Free. 其實網上不少人，因為運走部琴嘅費用高，加上環保，都很大方Free岀來。
但當時免費鋼琴未能搵到滿意的，所以轉投尋找低價岀售二手琴。 剛好我部二手琴的原有琴主趕住移民，加上睇相鋼琴保養得宜，最後以象徵式收費$500轉售俾我。 整個買琴、運輸加調琴，我用了大概$3000，呢個係買新鋼琴以外的另一個選擇。
Q: 買數碼琴(慳位)定買鋼琴(阻掟）好？
A: 鋼琴老師建議，真的買鋼琴會更好，因為手感唔同。 但大家始終要考量過屋企係未騰空到個空間放鋼琴，市面上有面積細一點的鋼琴，但睇過⋯⋯Um⋯⋯價錢很貴🙈
問題結束，如果寶寶們再有問題，歡迎隨時留言☺️
carousell app 在 Carousell 旋轉拍賣- 首頁 - Facebook 的必吃
Carousell 旋轉拍賣。 3420569 個讚· 1751 人正在談論這個。一拍即合！好賣好買！立即下載旋轉拍賣： https://carousell.app.link/vRqzzSkSxtb. ... <看更多>