「識say no都係pro嘅一種吖」> 呢句我最鐘意！
#廣告141：點擊此處與學生妹展開激情對話
2015年1月1號，大學畢業左半年，去下旅行，portfolio 都未執，工亦未開始搵。唔理你係同我一樣嘅fresh grad定老屎忽，不如聽我鳩噏幾句拜個早年？
考慮自己嘅職業，鍾唔鍾意、有冇天份、適唔適合係三回事。我讀左廣告四年有多，由入大學到intern到畢業，對呢個行業開始有D睇法。例如大家Interview時總會問你：仲有冇問題想問？其實我有好多問題，不過我問怕你嬲啫。點解明明你自己都話唔睇RTB但你又每日做？點解乜都要reference？點解香港唔可以做全世界第一個做？香港D廣告幾時先調轉畀日本做reference？點解art director 你睇八卦雜誌？Intern冇人工你話係畀個機會學習，咁我畢左業你唔請返我咪即係浪費公司培訓資源？點解你寧願平D請個大陸master，都唔請個香港degree？係咪大陸人寫廣告地道D？
嚴格黎講，喺香港做廣告真係唔可以叫自己做creative / 創作人。創意？OK，你明明係個好有抱負嘅人，但你已經變成打份工。真正有passion嘅人，已經心灰意冷，男嘅去左考警犬，女嘅做空姐，只怪呢度係香港，當一個CD都話買唔到樓，你仲有乜可能會有勇氣唔奶client鞋底？個客話乜都yes yes yes啦。
唔好話咩，飛機入獎真係算鳩數啦，你連廣告第一步：廣而告之都談唔上呀，香港近年做過乜深刻廣告呀？ 下年就冇人記得架喇。香港廣告生態就好似廣東歌咁，sorry，我係聽廣東歌大，我覺得廣告同歌都代表一個時代，陪住一代人成長。Client唔相信creative唔放手去做我理解，但你要記住香港人嘅劣根性：鍾意投訴，無限聯想，再集體屌，睇人仆街最開心，你懂的。喺一個唔open minded嘅社會，仲講創意？香港D學生妹玩下粉筆都被人拉呀，你睇下日本學生，人地玩粉筆玩到幾出神入化。(http://bit.ly/1y9Mo8K)
創意並唔廉價， 廣告公司最重要嘅資產一定係員工。廣告人不被重視絕對有跡可尋， 喺香港唔係神科、做醫生、有錢人，根本冇人會理你。廣告人成Q日提住專業，等我睇過邊撚度專業？吖屌，仲有廣告公司用window mon，你又接受到D色差架喎？唔洗成日去日本朝聖偷師喇，學唔到日本人嗰份執著、認真架喇。偏激講句，我直頭suggest每間廣告公司都要有日本art consultant，唔夠靚唔畀出街。至少要有自己原則，識say no都係pro嘅一種吖。
咁不如又等我講下讀廣告嘅人吖。香港入大學真係唔難，ive，asso，hd每年都幾個位non jupas升上去，你正正常常就入到。香港嘅教育一向叫我地唔好出聲，聽老師講，shit，上到大學叫我地出聲、叫我地share下，我自問都叫多口，但當你出多幾次聲而全班仍然靜曬，你下次就只會一齊靜⋯ 未來嘅廣告公司將會非常安靜⋯成日覺得做廣告都係文化人，但班上會睇書睇新聞有少少墨水又有幾多個？
唔係覺得自己懷才不遇、遇唔到伯樂先喺度鳩噏，我唔信懷才不遇。 個遊戲規則已經唔同左，拎十鳩幾個獎慢慢升上去？識玩一定係畢業搵個有錢仔埋單，開間廣告公司畀自己，title係大中華執行總裁之類，再叫uncle介紹D大client，然後請D勁人幫你，最後一定要搵同學gathering瘋狂派卡片。呢個道理我year3已經參透左，可惜個人肥矮毒柒醜而未能成功，但創意亦要發洩，既然返工畀唔到滿足感你，咁咪自己搵D野搞囉，我相信每個人都可以係專家，煮野食、模型、電影、打J、閱讀、時事⋯⋯最緊要你問下自己：你快樂嗎？
PS. 感謝廣告狂人請我寫新年頭炮，希望fresh gard 可以fresh到大家！
作者：檸檬小姐
不想錯過廣告狂人文章，可Click我們這個專頁的like掣，再點選「接收通知／Get Notifications」。
follow 廣告狂人instagram:
http://instagram.com/madmanmonogram
asso 升 year3 在 【GPA 3.3都入到中大?】學渣Asso 升大學必睇 - YouTube 的必吃
by LIHKGhttps://lihkg.com/thread/3068630/page/12018-2019 Non-JUPAS 資料 ... ... <看更多>