人心惶惶，嚷著要走的朋友不少，真是做到的沒有幾個。
明白的，在香港，要捨棄的有太多，「誰得到過願放手」呢。
有些人是為名利，有些人說是責任。點都好啦，總之冇走到。
一位好朋友卻真的做到了。
他在香港有兩家 barber shops，一家在蘭桂坊，一家在秀華坊。
很多人都乘著 barber shop 的熱潮開店，但要數名門正宗，當然只有我朋友的 Hair House barbershop by Adam Chan。
何謂正宗？除咗較剪，最基本識揸刀幫人剃鬚先啦。
兩家 barber shop 夾埋，令老細 Adam 搵嘅錢多過好多中環人。但他依然選擇跟家人走到清邁，過一些簡單的生活。
雖然呢兩間舖都照常營業，但 Adam 自己唔喺香港幫啲熟客剪，佢自己都搵少好多。
好在有他的兄弟頂住，令他放心在他鄉過一些自己喜歡的生活。
未發生咁多事之前，本來有家六星級酒店找他在酒店裏開店，初步都應承了，但現在的他，認為世界上實在有太多東西，比搵錢更加緊要。
佢而家喺清邁繼續剪頭髮，間舖頭都裝修得八八九九了。每剪一個頭，應該少過香港一半價錢，but so what？
揸住把較剪咁多年，最高境界，原來是剪掉那些牽掛。
