星際奇緣巴西莓碗 ($68)
.
——————————————
🔹 亞馬遜能量碗 ($95)
🔸 純素巴西莓軟雪糕杯 ($60)
——————————————
.
除咗可以自選巴西莓碗之外亦有幾款既定配搭，
就連賣相都別出心裁好有誠意，
另外亦有仲有巴西莓雪糕同飲品，
用嚟取代甜品健康得多⸜(* ॑꒳ ॑* )⸝
要數當中最引人矚目嘅定非星際奇緣莫屬，
主要材料有巴西莓、椰漿、香蕉、藍莓、
瓜拿納、蝶豆花同蛋白粉，
模仿銀河星空靚到好似藝術品一樣🪐💫
上層軟滑濃稠而下層則為稍硬的刨冰狀，
據聞成碗足足落咗五條蕉🤣
見到店主花好多時間心機去整，
製作時間會較長絕對係嘔心瀝血之作( ´▽｀)
而亞馬遜能量碗雖然未必及星際奇緣吸睛，
但味道方面反而更勝一籌，
主要以巴西莓、椰漿、香蕉、藍莓、瓜拿納、
蛋白粉同奇亞籽製作而成，
質感有如Gelato一樣綿密細緻，
紫色部分酸甜清爽而米黃色部分則帶濃厚香蕉味，
面層再舖上香蕉、士多啤梨、藍莓、
燕麥片、果仁、椰子脆片同風乾紅莓粒等，
不論味道口感抑或是營養都面面俱到♪( ´θ｀)ノ
巴西莓雪糕分為杯裝($60)或筒裝($45)，
杯裝會配上Granola同兩款自選配料，
而且可以揀古布阿蘇(Cupuacu)或瓜拿納(Guarana)味，
無添加蛋奶成份毫無一般雪糕嘅甜膩感，
質感偏近沙冰但出乎意外地綿密細緻，
味道酸甜有致好似山楂一樣開胃😍
.
———————————————————-
📍AcaiNow HK (中環)
閣麟街45-47號祥暉大廈高層地下5A號舖
———————————————————-
.
.
