唔知大家記唔記得對上一次同屋企人睇戲係幾時？又或者一齊傾計係幾時？甚至只係一齊食個飯又係幾時？係現今既社會，大家都已經習慣左科技點幫我地解決日常生活既大小事。我地好多時機不離手，任何時候都依賴電子產品幫我地搞掂左好多既不便。但其實你又有冇覺得咁樣既我地，會miss左好多野？
近排Netflix上映左一套關於科技同人類既動畫 -《一家人大戰機械人》，非常適合一家大細睇。哩套動畫以AI人工智能為題材，講述主角一家為修補家庭關係而展開家庭公路之旅，而途中就遇上智能叛變，AI人工智能要控制人類，甚至令人類消失。當中有好多現代人過度依賴科技既情節，令大家可以重新思考我地點樣運用科技，例如人類冇左WI-FI就好似世界玩完咁，又喊又大叫，好似攞左佢條命。雖然個劇情好諷刺，但認真諗一下，又好似幾似自己，所以都幾大感受。
《一家人大戰機械人》 除左劇情搞笑，畫面風格都好特別。每次講動畫大家都可能只會諗起Pixar、迪士尼之類，其實哩套動畫係由天下一電影 One Cool Film、哥倫比亞影業 Columbia Pictures同索尼動畫 Song Pictures Animation一齊創作出黎。係香港，戲就成日聽到有公司會極積發展，但相信動畫真係比較少，而天下一電影已經將動畫作為公司未來發展之一，除左會積極開發同製作，更會不斷係哩個範疇上探求同了解日新月異既製作模式，所以一直都好支持本地新晉導演、演員同製作，做好香港電影，而且keep住探求觀眾既需要。
哩套動畫入面既主角因為非常之熱愛電影，由細到大都拍左好多唔同既影片，每段影片都有好特別既風格同笑位，相信觀眾睇完都會有一樣既感覺。佢地既風格雖然唔似迪士尼同Pixar咁要做到有幾真有幾仔細，但佢入面所有場景既佈置、物件、角色既衫褲鞋襪，都完全係有計過度過，務求可以營造出獨特既風格，令畫面更豐富，哩個用心既程度，簡直同電影真係有得揮。而因為故事地點發生係加洲，所以色調方面都以鮮亮既顏色為主，最常見既係紅、橙、黃哩幾隻色。哩個色調可以表達到喜劇既感覺，再加上劇情搞笑又鬼馬，好易會令觀眾有開心歡樂既感覺。當中有一場動作情節好鬼馬，主角一家作為人類，要同一大堆AI人工智能既家庭電器對戰，例如洗衣機、烤多士爐等等，劇情十分搞笑有趣，相信除左為觀眾帶黎歡笑，都會因為好貼近生活既電器而令大家重新思考自己平日依賴科技既問題。
另外哩套動畫入面除左畫面吸引，主角同啊爸之間既親子情都相信令大家好感動。對於係香港生活既我地黎講，好多時我地都用左好多時間工作又或者陪朋友，當我地愈黎愈大既時候，其實我地既父母都愈黎愈老。作為仔女，可以同佢地相處既時間只會慢慢地減少。雖然好似哩啲大道理聽左十萬次，講都講到厭，但當你開始有啲年紀，真係好易俾哩啲情節感動到。或者你既父母好似好唔明白你，又或者佢地都真係唔了解你，但其實諗深一層，本身大家身處既年代唔同，思想同處事等等都會有所唔同，再加上其實好多人都唔太識得點去表達自己，溝通同了解係要雙方一齊做，單方面永遠都唔會成事，係我地埋怨對方冇去了解自己既同時，其實可以諗下自己有冇願意俾對方了解，又或者企係對方既角度諗一諗，搵一個大家都願意接受既溝通方式。
《一家人大戰機械人》已經正式係Netflix上映左，希望大家都用一至兩個鐘既時間去睇下，因為真係好值得睇。
by 小編 - 數字
電影中文版正式預告：
https://www.youtube.com/watch?v=BrFtaPIa9D0
#天下一電影OneCoolFilm
#一家人大戰機械人
