關於 馬世民 ，我們在網路上蒐集到這些相關的討論、資訊與評價

［今日寫呢啲］ 事忙，快寫算。反正隻Nike一晚升15%見新高，我是十分爽的。不方便嘅真相係：升埋呢15% Nike今年都仲要跑輸大市！但冇所謂，雖然我唔係低位買，但有其他嘢跑出。個組合好似花園咁，有唔同嘅東西，有啲先開，有啲後開，有啲好燦爛，有啲死埋。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

雜碎料多，但李嘉誠增持長實1113應該好多人留意到。實情你夠耐性嘅，跟佢買1同1113好少會令你輸錢—但就唔包唔跑輸，所以結果我都冇買。仲有，都要睇啱佢大仔二仔係邊個。以前係長實和黃 1拍13，而家係1拍1113。仲有一大堆就全部李澤叻，未必信得過。你見8號仔，理論上生意好咗，又話廣告多咗，估值又殘，派息又好，但之前日日都新低。「睇下幾時30%溢價收返」。另外甚麼長江生命科技嗰啲，都難玩（實不相瞞係我第一隻買嘅股票）。至於長江基建1038之類嘛，介乎大仔二仔同李澤叻中間，我諗係霍建寧陸法蘭馬世民之類啩。

另外我都列咗了。個Monitor List（translation：齋講冇買）幾隻嘢，DropBox Adobe 都新高。但我更加想講有排都未新高嘅ViaComCBS．三隻有乜重點？以前寫過啦，併購概念嘛。Adobe照計士釘阿窿都仲有得玩，DropBox ViacomCBS之類等賣。仲有其他嘅，文入面有寫。

有人叫我公開個core list 同 monitor list喎，好呀，我定埋日子下海了。真係下馬，全面解禁。就等我生日（居然冇人唔知我幾時生日）搞。下個月記得訂Patreon，當然你而家訂我都會下個回水畀你的。

快手1024嘛，都係早兩日講的，因為見到啲科技股呢排開始上力。希望今次持久啲。仲有咩好買？就要睇Patreon了

我幾鍾意個每日一圖，首先麥當勞真係最成功嘅快餐店（入埋道指你話成唔成功？）。亦都證明畀你睇唔係咩「產品質素高」就大晒，根本咩叫「質素高」任你講。咁你以麥當勞嘅速度同全球統一，一樣可以話質素高，總之成功咪質素高，有幾難明？

但想講嘅係個圖，一般呢，係一個L型（其實係雙曲線），反比例。最多分店係邊間？Subway．但一間舖唔會有好多生意（先唔好講盈利）。相反，一間舖好多生意嘅，係Shake Shack，賣得貴，但就唔會好多舖。麥當勞？正係可以兩者兼得。

另一個，有關量化寬鬆，commonly known as QE，quantitative easing，印銀紙買債。咁係咪有個大莊家山姆大叔不停買，就壓低債息？你發現唔係的！相當違反你常識，唔信你睇下歷史咪知。點解會咁？文入面解

兩篇Good Read夠晒深。第一講講Only Fans．乜東東？咪鹹濕版Patreon．咁你話香港啲他媽哥池都係賣鹹相？咁就涉及咩係鹹相。但以我所知（冇拍過，你拍過話我知），Patreon一般係不能露點嘅。但Only Fans就可以乜都有。咁講返，Patreon個CEO都成日出嚟講嘢，但Only Fans呢？幕後大老闆乜水？好低調的。但原來以前係玩搞網站畀密碼去未成年內容的。嗯

第二篇，仲深。有個講法（當然係美國嘅講法），話美國赤字唔係因為美國人唔儲錢大洗，而係因為其他地方（以前日本德國，而家中國，簡稱屌靶）啲友儲埋啲錢去買美債買美股（話你呀！），搞到炒高股價，壓低債息，令到美國人好有誘因借錢買樓喎（肯定係搵支槍指住佢），所以金融海嘯禍首係德國中國。唔好講笑，聯儲局主席咁講的（唔係現任）。

但今次唔係討論呢個，而係講類似嘅「儲錢者/借錢者」平衡。講話其實美國 top 1%嘅人係儲錢者，但佢地呢啲行為就令下面全部人都借錢。順帶一提，在美國呢，做1%，要有1100萬美金身家。收入1%大約54萬一年。繼續努力。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［長實都盈警？知唔知做乜業務先］「四面」楚歌，但其實只有一樣值得討論

經濟日報個圖真係好，畀返個credit先（https://bit.ly/2WvklSb）。

TL；DR嘅，跳去第13段。

1. 長實（1113）都盈警？其實真係冇乜特別，雖然唔知係咪真係「預咗」。但介紹返，長江基建（1038），電能（6，夠老嘅知道即係港燈）都出咗盈警，所以都大約估到。

2. 事實大家都知，李嘉誠同李澤鉅，3月尾以嚟（正正就係恒指見底！問你服未！），不停增持長實，用咗12億。你會話，對佢兩父子嚟講，散紙嚟啫。冇錯係，但你試下叫佢畀啲散紙你？另外，主力係增持長實，長和（1）就只係增持1億多啲，意思意思。

3. 咁你話，增持完喎，大家見到梗係跟住去，就炒車咯！即時出盈警，炒高散貨正仆街。即係，你真係覺得佢兩父子嘅地位，使玩啲咁嘅嘢去搵你笨？會唔會照下鏡好啲？李嘉誠係賣油魚出鑽石廳豐澤啲嘢又雞3台又廢（利申：用咗廿幾年），但，佢有幾時對唔住股東？佢最多只係搵客笨架咋！你有冇見佢減租？

4. 又或者，用你嘅常識諗下，係咪佢兩仔爺，對業務係一無所知，係咁掃掃掃，然後到一日呀霍建寧定陸法蘭定趙國雄定馬世民先嚟話佢知：老細，我地盤數唔掂喎，要出盈警。你覺得個世界咁運作？

5. 所以，你問我，就真係唔使討論的。盈警？買啦。盈喜？買啦。一日未死你都跟住買。死咗就可以再諗下先。童言無忌，其實未必仲有好多年擺架咋。

6. 反而係可以重溫返長和系嘅業務，因為實在太多。以前係1號長實同13號和黃，嗰次世紀重組（2015年頭）後變咗1號長江和記實業，同埋1113長江實業—建議你都係叫冧把好啲。嗰次重組後，又空手入白刃創造價值畀股東。不過大家又要花時間再搞清楚邊啲業務在邊間，兩者有乜關係（答案：而家冇乜關係，只係共同股東咁解）。

7. 真的，實不相瞞，當年有個自鳴得意嘅基金經理，居撚然係連1號渣13號定13號渣1號都未識分—但當然，佢搵得多過我好多，邊個話識字有用？想講係，你花咗好多年研究1號13號，之後又要再睇過，到底乜嘢東西在邊間公司

8. 最簡單，睇維基（https://bit.ly/3cyS5DQ），睇最低個扑屎，整理得幾好的說。十分簡單地講，1號仔就係非地產嘅東西，長江基建（1038），電能（6），港燈（2638），長江生命科技（775），新城電台，TOM仔，和記電訊（215），屈臣氏（包埋百佳，豐澤，果汁先生（！）），仲有港口，加拿大Husky，Hutchgo，以及下刪一萬字嘅包括咩mReferral，尚乘理財等等

9. 至於今次出盈警嘅1113，主要就係地產，賣樓同收租，仲有酒店，酒吧（英國新玩具），飛機租賃（又有佢份）。同埋渣住幾隻REIT，年報第二版有寫（https://bit.ly/2WYtstA）

10. 智力遊戲，估下到底1號仔定1113大啲？聽落1號仔乜都有，仲要全世界（去到拉脫維亞都有屈臣氏），好似大好多。1113就只係賣樓同收租，主要只係香港。冇錯係1號仔大啲，2100億市值。但1113都1700億—啟示？香港賣樓同收租幾咁好搵（其實係常識吧）！

11. 講返1113，業務冇咁多。就係賣樓同商場寫字樓收租，仲有海逸酒店，同埋Horizon Hospitality（海Ｘ軒或Ｘ澄軒酒店）。英國酒吧（冇耐前買的），飛機租賃，同埋一堆上市REITS．

12. REITS講多少少，記住mark低呢段。主要係三隻。匯賢（87001），32%，北京東方廣場，東方君悅大酒店（我住過的說）同埋個商場寫字樓，仲有啲其他大陸嘢。置富（778），渣27%，包括一大堆濕鳩商場，例如嘉湖銀座，第一城，麗港城，屯門華都（＊）等等。泓富（808），渣18%，包括一堆濕鳩寫字樓，紅磡國際都會，海名軒，仲有北角觀塘都有。記住mark低呢段。

13. 好，入正題。盈警，四大原因，經濟個圖非常好。第一係賣樓收益減，唔使解，但睇文嘅都知地產股其實唔會睇「盈利」，否則你遲一年賣樓啲盈利就發上發落，分析員會一早計晒你啲地值幾大地積比幾多可以起幾多層賣幾錢尺建築成本幾多值幾錢？第二，酒店收益負數，應該都預咗，呢，都未講，香港半島酒店，第一季入住率得14%，平均客房收入6舊水（https://bit.ly/3bwLqsD）。咁酒店有幾大劑，唔使講啦。第三，酒吧業務扣除融資成本後負數，英國肺炎封城嘛，邊有得去飲酒？留意「邏輯上」冇話扣融資成本前係正數，但實務上係咁，邏輯撚永遠唔明白，人地幾千億身家，根本唔會咁捉字虱。

14. 最後得意，講堆REIT嘅市值大跌，即係第12段，87001，778，808，今年股價大跌—但其實只係講後面兩隻。點解？希望我冇錯（冇做分析員N年），但87001渣到超過3成，當係聯營公司，賺蝕分3成幾入帳，股價唔影響。778同808就唔夠3成，所以當普通投資，收息。但我一路以為係當好似Available for sales咁，每次年結要計價，但唔會影響盈利。原來唔係，係Fair Value 入帳，年年清算。睇返年報，舊年呢兩隻嘢升嗰時，一樣有盈利入帳。所以一來一回。

15. 所以你問我，都係冇乜意外。呢篇文就只係畀你睇返入面到底係乜東東

16. 不過啦喎，業務都有主次之分。其實如果你睇收入，舊年960億收入，賣樓佔咗640億。其他只係配菜。所以四個理由，應該得第一個需要討論。講到尾，1113都係一間賣樓嘅公司。

（＊）屯門呢個華都極其特別，778只係渣最頂嗰層「華都大道」，你見就係靚好多，連鎖店，KFC 大快活 仲有百佳。下面嗰兩層就唔係嘅，業權分散，變咗葵涌廣場咁本土小店，以前就ET機舖，租書舖，同埋唱K，而家係夾公仔機同埋食店。

（＊＊）房價係4400蚊但得14%入住率咪6舊水

———————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

//李嘉誠旗下公司近年每當出售內地資產，都會被內地傳媒貼上「走資」標籤//

【長和：馬世民言論不代表李嘉誠　雙方已無任何關係】https://inews.hket.com/article/2516011

立即贊助《852郵報》：
http://www.post852.com/support-us/

852郵報
http://www.post852.com

謎米新聞：news.memehk.com
謎米香港： www.memehk.com
Facebook：www.facebook.com/memehkdotcom

立即贊助《852郵報》：
http://www.post852.com/support-us/

852郵報
http://www.post852.com