《深宮計》7、8集劇情
陳煒老公問斬 定欣藏驚天秘密
#嚟到第二周
#繼續宮鬥
#又要死人
#定欣忠定奸？
陳煒 Alice Chan
胡定欣 Nancy Wu
馬浚偉 Steven Ma
宮心計2·深宮計Deep in the Realm of Conscience
讚好【騰訊•大粵網•香港】FB專頁有著數：goo.gl/XWfjis
更多娛樂資訊，請click入：http://gd.qq.com/hk
----------------------------
~劇透慎入~
~劇透慎入~
~劇透慎入~
【大粵網‧香港】無綫同企鵝影業重金打造嘅重頭劇《深宮計》已播影超過1周，騰訊視頻亦喺上週五(25日)將1至5集免費上架，而內地點擊首日更破億，相當厲害。
今個禮拜《深宮計》已進入第二周，劇情依舊圍繞太子李隆基(馬浚偉飾)、太子妃(胡定欣飾)同太平公主(陳煒飾)嘅惡鬥，加上公主駙馬(曾偉權飾)會喺本周被斬首，喪夫後嘅太平公主變得更加心狠手辣，亦令佢同太子、太子妃嘅鬥爭更趨白熱化。
喺第7同第8集劇情中，太子妃同太平公主為咗係咪拆卸回心宮而爭坳，公主堅持唔准拆，因為佢對前度駙馬嘅死一直耿耿於懷，認為係因為一個宮女衰多口搞到駙馬喪命，所以呢20年嚟，一直將呢個宮女軟禁喺回心宮，又派手下宮女長年累月虐打佢至不似人形，更用刀刻咗「舌」字喺佢額頭上，為咗唔俾其他宮裡嘅人靠近，所以多年嚟一直營造鬧鬼傳聞。
不過，飾演宮女嘅劉心悠，喺一次誤打誤撞之下，揭發呢件事，又將此事告知太子同太子妃，眾人認定係公主所為，仲向皇上告狀。又帶被虐打嘅宮女到大殿上指證公主。雖然公主矢口否認，但證據確鑿下，仍難逃罪責。呢個時候駙馬忽然出現，幫公主頂罪，將所有罪名攬上身。最後皇上下令要駙馬人頭落地。雖然公主對駙馬一直冷若冰霜，二人雖為夫妻但經常貌合神離，但其實駙馬一直深愛公主，為咗唔想令公主難過，佢喺獄中刻意表現係為咗難忘亡妻而希望早啲死，就算面對公主親手煮嘅最後晚餐，仍表現得並不在乎，令公主感到嬲怒！
到行刑前一刻，公主喺駙馬好友口中得知，原來老公一直十分在乎自己，寧願犧牲自己而保護公主。瞭解真相後嘅公主，騎馬趕去刑場，可惜最終都改變不到事實，之後佢誓言要為駙馬報仇，佢同太子、太子妃嘅鬥法更加激烈。
喺呢兩集劇情中，飾演太平公主嘅陳煒可謂演技大爆發，雖然公主為人狠毒專橫，敵我分明，但面對情深意重嘅駙馬，仍流露出一絲關愛之情，佢騎馬去刑場，但最終救唔到駙馬，佢嗰吓仰望上天嘅狂哭表情，之後佢喺湖邊嘅亭台悼念駙馬，臨行前為完駙馬遺願，表示希望每次見面後，公主臨走前，佢都想見對方回眸一笑，陳煒雖然笑著，但眼眶淚水又忍唔住滴落嚟，畫面感人又心酸。
不過喺第8集結尾，一直處事正直光明，對丈夫情意綿綿嘅太子妃，竟然穩藏一個驚天大秘密，事緣佢有一晚發惡夢，夢到有個爛面嘅女子企喺房中，好猙獰咁望著佢，更指太子妃擁有嘅一切本該屬於佢，仲作勢撲過去抓太子妃，令太子妃驚醒。雖然太子喺身邊安慰她，但佢最終沒有向對方坦白實情，令劇情增添咗一分懸疑。
陳亭妃老公 在 陳亭妃要嫁了！ 媽媽已點頭 - YouTube 的必吃
新聞連結:http://news.ltn.com.tw/news/politics/breakingnews/2352394民進黨台南市長初選進入倒數階段，台南市長參選人、立委 陳亭妃 今日公布最新一 ... ... <看更多>