人望高處，我們都對機師空姐多多少少有點幻想。我真係冇，可能因為我有好幾個兄弟都是機師，其中一個係竟然未離婚的Chris。
寧叫人打仔莫教人分妻。就算他不時在group呼天搶地，我當然積口德已讀不回。一個自命冇腳嘅雀仔雙腳被綁，起飛降落一向安全的他半年前還意外懷孕了個女，他的雀仔也廢了。不難明白他為什麼會找狂，還好他機師的職業令他可以有理由避開朝九晚六的教書老婆- 直至現在。
多謝武漢。她停課，他停飛；每天他活在惡夢之中。
今天他真的忍不住，說要去排口罩，但其實自己開車走上門找我這個豬朋。除了一大堆負能量，我們討論到航空工作者的前景。
「你話你ibanker 08年後生不逢時點點點，我哋重慘喇！」講左廿九幾次我不是ibanker。「以前升captain係時間問題，宜家係做化！」咁升MD都係。「做咗咁多年一個月六位都冇，allowance又少咗；」我地冇allowance呢樣野，但老實機師每日負責飛過百條人命，年薪比揼pitchbook的analyst還少真的令人驚訝。「飛美國嚟緊要俾稅，」美國佬不嬲覺得人欠咗佢。「依家入行，training要自己俾添呀！」這是那些暑期工求職陷阱嗎？ 好，你贏。
成個中國冇得飛，日韓意俾你都唔敢飛；公司出memo叫機師空姐放無薪假，不少前輩為份糧搶住飛；女細老婆嫩的他搶不飛期，復工無望，每日在家活折磨。
他電話響，阿嫂話zoom唔work。收線後他對我苦笑：「佢就唔work...」
航空業只是開端，應該今明兩年香港以至全球經濟都兇多吉少。大家自求多福。
