Hakuna Matata.
有朋友擔心香港迪士尼今次會唔會捱唔過.
海洋公園都算曾經喺盛智文掌舵期間風光過, 但香港迪士尼開業咁多年, 其實一直都喺逆境中求存. 今次可能對業績係有影響, 但其實亦唔需要太擔心.
睇返資料, 未計正向政府申請嘅貸款, 海洋公園「2018至2019年度的政府附屬貸款為36.7億元、商業貸款16.2億元。此外園方有意向政府申請延遲償還拖欠的政府貸款及免去多年來滾存的逾12億元利息」
而香港迪士尼似乎一早洞悉咗貸款嘅壞處, 喺2009年增建TGM 三個園區嘅時候, 雙方股東達成協議, 「華特迪士尼公司將會以股本形式注入新資本，全數支付興建新遊樂設施的費用，另外會將其貸款的未償還款額 (即 27.6億元 )全數轉換為股份。雖然政府將不會為擴建計劃注入新資本，但會將政府貸款轉換為股份。當華特迪士尼公司注入新資本，及政府和華特迪士尼公司各自將其貸款轉換為股份後，政府仍會保持作為主題樂園公司大股東的地位，持有約52%股權」
現時香港士尼正經歷緊大型擴建工程, 至2023或2024年完成, 擴建資金係嚟自股東注資, 呢筆擴建嘅資金假如要轉用作保貼營運開支, 喺執行上可能困難過繼續用作擴建, 所以早前有指HKDL 嘅Marvel E-Ticket 計劃取消, 可以暫時當係故仔聽下.
而擴建嘅內容, 由Moana 開始每個Plan 都出現過修改變動, Marvel E-Ticket 會修改係預計之內, 而開幕日子延後亦唔係冇可能, 大家會擔心演藝人員嘅健康, 其實建築工人嘅健康亦同樣重要, 擴建嘅組件只係運到現場安裝, 但喺邊度製造都係需要考慮嘅事.
營運嘅開支由營運承擔, 有幾大影響其實亦視乎當下HKDL CEO 嘅處理手法. 金生執政期間從演藝人員嘅福利著手, 減病假減開支, 到劉生嘅時候遣散多於100名演藝人員. 今次會如何應對, 就要睇睇楊小姐.
但正如之前所講, 香港迪士尼一直都係處於逆境, 當開支最大嘅煙花亦已經暫停咗, 要再進一步節流, 定還是要開源, 係樂園重開後需要迫切處理嘅事.
研究咗十年嘅半日門票, 講咗好耐嘅香港居民一日門票票價優惠, 能夠直接刺激入場同收入.
香港迪士尼會唔會捱唔過今次, 其實真係唔需要太擔心, 要擔心嘅係第二期土地, 多兩次人禍, 2025年能唔能夠達到1000萬或800萬入場人次都係一個問題. 但亦唔係大家可以控制嘅事.
迪士尼續會優惠2023 在 #奇妙處處通 - Explore | Facebook 的必吃
香港迪士尼樂園度假區「奇妙處處通」會員2023 年度專享禮遇已經出爐！ ... 批評園方以優惠價錢氹人續會後，擅自更改條款，事件亦引發網民討論，斥感覺被「搵笨」。 ... <看更多>