或許有人會好奇點解呢幾日我開完健X波又攻伐垃圾KOL李梓敬，與其你問點解，倒不如話實在好多人忍夠兩套回答社會的想法：犬儒或是誣害他人，就覺得是回答社會問題的出路，我或是支持我的人，都對呢兩種想法十分反感。
坦白講，我當初並不對健Ｘ存好大意見。甚至在民主黨年代，他會叫你去商台講點解唔同意主流泛民的決定。只是時移世易，日久見人心，背後的核心思想就是凡政客都虛偽而不可信，只有抽離作壁上觀，才對自身最心安理得。2016年，他一樣搵過眾志、支持過羅冠聰，不過當你看到佢長久以來都係以嘲諷"政工作者"(我不知這是甚麼中文)為業，所有人最後都成為condom。
攻伐主流泛民的價值完了，借機開周庭拖（eg: 唔鬧周庭同何君堯做節目, 梁芷珊就鬧）；係宣傳自己本記錄修例風波的作品裡面，誣陷羅冠聰唔理香港、走去外國讀書。這些分明就是抽空脈絡，人格謀殺政治人物，而且不乎事實。話周庭個次，係梁芷珊開youtube channel請何妖做嘉賓，然後扯番周庭幾年前ViuTv同何妖去日本黎講，周庭全程不苟言笑，手都唔握，抽走脈絡走去話無人鬧佢地同台；羅冠聰結果不單讀完耶魯回港，參與過抗爭，就算走，都係付出無可逆轉的代價打國際線，我必須要講，無論係咪政治人物，好多人係呢幾年對香港的付出係不可逆轉的前途，係咪你輕描淡寫，出本書時有資格笑？陳梓維轉贈校服，原來你又要笑，我已經無講點解堆人unlike你--言論比怨婦更怨婦，冰封三尺，非一日之寒。
而垃圾KOL李梓敬，就更加係人格有問題的人物。為左受祝福選立法會，放棄正常人都知道的政治倫理，背叛師門田北俊，每日就靠share d咩「612基金被查封」之類的fake news騙取廢老荷爾蒙，唔單止唔夠膽回應當初係咪應承過自由黨會繼續代表個黨選，更加每日以鼓吹逼害反對政府陣營的人為樂。我同你講，作為一個合格的政治人，無論親政府反政府，都要顧及，我就從來唔會講得出親政府既人都要「無糧出」、「用國安法整治」、「炒左佢告佢」之類主張。生活係一處地方，有為的政治家應該設想怎樣生活在一起，而唔係大興政治逼害之師。偏偏建制派主流，就係不斷鼓吹要害不同政見市民，要收監，要投訴，要判黎智英XYZ。佢地最後創出的社會，就係一個人人不得安穩的社會，今天的社會。
係我決定開波之前，幾年前，早早好多人勸勉，你無必要同佢地一般見識，最後係歷史上，我地都清楚此等所為唔會有任何角色。儘管如此，係幾年黎，幾多人就係因為唔好多講啦，「佢地好記仇」，佢地唔係一個水平，容讓唔認同的所為多次放肆，當你唔出聲，佢就越覺得自己有道理。在某時刻我便想，總要有人義正詞嚴指證佢地不是，也讓那些在問「佢得罪你乜」、「佢地做過乜」的人知清楚這些所為實在為何。
呢個係我放低自己，同佢地打爛仔交的理由。
儘管如此，我也不覺得自己特別好，有關注開網絡的朋友都知道，最好就係開幾個鐘節目，集中數佢地，爆晒粗，出晒血性。我去唔到咁盡，係我限制。
係萬馬齊喑的今天，無人講呢兩種想法有乜問題，就由我黎講。犬儒最後並無為殘酷現實提出任何解決方法，除左藐視一切做事的各人，唔會為改變社會提出任何解決方法；逼害不同政見者的主張，更加無視不同政見的人生活於一個社會的現實，讓極保守思想囂張一分，政治逼害主張就強一分，令到更多人受株連，更多人被逼害。
我是懷著被鞭屍的覺悟開波。也覺得沒有人站出這一步，就沒有人講出，點解我地唔認同此等所為。
