【我的過三關必勝法】
我細個時有一期好興食芝包
（係，呢個係廣告，但我細個鍾意食芝包係確講堅嘅…
如果唔係上次拍鄭伊健卡夫廣告時都唔會加「芝多/芝包」情節…）
同一期，我又好興研究過三關
好想研究出過三關必勝法
由朝到晚都會諗點先可以穩贏
諗呀諗呀諗，諗呀諗呀諗，諗到最癲嗰期
試過有一期喺食芝包之前
都要用把餐刀喺塊芝士面刮幾刮
自己同自己玩過三關…
（唔係我呢種孤僻小朋友嘅人，係想像唔到㗎喇
我會自己同自己玩彈波子、拍公仔紙……
仲會自閉到自己同自己猜包剪X）
我細個咁低能都唔係話完全冇得著嘅
第一，大個接咗呢個廣告時可以有呢單低能嘢分享；
第二，雖然始終都係搵唔到「過三關必勝法」，
但起碼我參透到低level啲嘅「必唔輸法」
同埋「行先時，擺喺角落，陰膠對手....法」（明就明）
【重點 － 超市禮券…】
留言留低你同卡夫芝士嘅回憶
寫得最好嘅 10位
就送你少少地 $100超市禮券
#你的我的卡夫回憶
#自1903天天陪着你
