關於 穿羊水幾時生 ，我們在網路上蒐集到這些相關的討論、資訊與評價

Jayden B已經出咗世喇👶🏻

話就前晚再執一執個走佬袋
#來不及出走佬袋個帖文就要用了
#都唔知哩啲係咪叫有預感
噚日朝早食完個大份量早餐
正想起身洗野嘅時候，
就無啦啦流咗啲水出黎
即刻通知老公可能係穿水
我話要睇定啲先～
然後啲水就把把聲咁流
好啦！我確實穿水喇😂
即刻去著返條安睡褲
然後拎走佬袋同老爺飛的去醫院
飛緊的途中 都同啲PR同客交帶返要入院生仔
仲好冷靜地出到個帖文（哈哈）
#我絕對係個有責任心嘅人

阿B仲計埋老豆岩岩打完第二針夠14日
爸爸可以入黎陪產
時間真係校到岩岩好啊
不過就要等我個檢測報告出咗先叫得爸爸入房

我覺得陣痛係難受過生果刻😮‍💨
由2點幾落催生藥 同 吐口水做檢查
4點開始痛 大約隔5分鐘痛一次
當時睇仲係開咗2度咋
跟住姑娘前後幫我加咗兩次藥
等個宮縮反應再加強啲
啲姑娘話：「痛就吸啦！唔洗慳架」
開始痛到6點幾頂唔順
拎舊笑氣黎聞都無力～
吸入笑氣開始有作嘔嘅感覺
㩒個緊急制頻密咗
再睇 已經極快速開到7度
只差3度咋～ 要忍住！
一邊望住個鐘我個檢測報告幾時出？
一邊心諗老公幾時先入到黎
唔係要痛到過咗零晨12點後先生到下嘛
大約7點姑娘衝入黎話我檢測報告出咗
陰性可以即刻推個老公入黎
7點幾啲醫生姑娘老公入晒黎
BB個頭已經去到好低
我已經忍唔住要生
#真係一滴眼淚都無流過
#同埋我唔會講我唔得同做唔到
然後 15分鐘左右就生咗！

岩岩36週1日屬於早產咗少少
不過重量都有6磅 足磅嘅
身體檢查過無問題就可以推入產後病房

雖然唔洗我痛成10幾廿個鐘先生到
😘💋阿B都算乖豬 抵錫！
叫佢快啲出黎就真係叫完2個鐘就出黎
只要係健康平安 一切都值得

謝謝大家嘅祝福🙏🏻

#新手媽媽 #新手爸媽 #香港媽媽 #孕婦日記 #孕媽媽 #36週1日 #早產 #baby #babyboy #BB來了 #出世 #生產日 #生仔 #母子平安 #全家福 #陪產 #穿羊水 #穿水 #生產紀錄

超自然的生產記 | 政府醫院篇

我回來了～
神隱一個星期，從醫院回家重新學習照顧初生嬰兒，以往照顧紅豆嘅回憶一一地湧返岀嚟。

今次生二寶綠茶妹妹，又係去政府醫院，上胎催生痛到想跳樓，誓言旦旦話下胎要開刀，但當發現有咗二寶之後，我最後都係選擇去政府醫院，只係發現順產對身體復原真心快。

諗起生妹妹個幾日可謂狀況之外嘅事特別多，由5月5日（星期二）開始輕微見紅無肚痛，我默默地觀察，但無特別緊張，直到第二日感覺開始有不規律的肚痛又持續見紅，但痛嘅時間係20-30分鐘一次，雖然覺得應該未生得，但都入咗醫院檢查一下。

入得醫院就要留院一晚駁胎心機檢查，因為疼痛同宮縮時間唔夠密，我•被•彈•鐘•呀！！
哎呀，又要岀院等運到，醫生話等到每5分鐘痛一次或穿咗羊水先可以再入院。 （心內暗暗希望細妹可以遲少少先岀世，因為我想同紅豆一齊過母親節呀）

5月9日星期六晚，已經見紅第5日，原本一家人約好咗食飯齊齊提早慶祝母親節，蛋糕都買好咗，但⋯⋯我由晏晝6點開始就宮縮痛每8分鐘一次， 去到7點時已經係3-5分鐘痛一次。
我知道，真係今次堅嚟料要入院啦，沖涼洗頭，拎埋個走佬袋，紅豆婆婆煮咗飯俾我食，我再攬攬紅豆，就同紅豆爸坐車向醫院岀發。

因為疫情關係，丈夫係無得陪產架，亦唔可以長時間逗留係醫院範圍，所以紅豆爸幫我辦理咗入院手續，陪我到產科外的大門就要走啦，下次見已經係幾日後接岀院，而我就開始自己面對生產嘅疼痛😵

係我記憶猶新時，記錄當晚嘅生產過程。

#2020年5月9日
8:00pm 到政府醫院，之後入產房駁機做檢查，原來個時已經開咗2度 (疼痛感好似M痛)
完成所有檢查後，大概接近零晨12點， 產房護士覺得我產程有點慢，所以決定送我去產前房休息，唔需要留係產房待產。
#產房=有產兆或即將生產（已開度數）的產婦待產房
#產前房=已生產或有產兆但產程慢的房間

#2020年5月10日
12:30am 係產前房待產時，慢慢開始感覺痛的感覺密咗，又懷疑有穿水，所以召喚護士幫忙睇下開咗幾度。
仍然係維持2度😞，仍然未穿水，但似乎產程有加快，所以又被安排推返去産房🤦🏻‍♀️，前前後後30分鐘，我係產前房及產房來來回回地走。

之後就是高潮位，12:45am-1:00am 我開始陣痛加劇，短短15分鐘內，每次陣痛我都忍住無痛到叫岀聲，不斷做吸氣呼氣。
只係過咗一陣，我開始痛到大叫（媽呀，我已經好忍得痛，如果姐我痛到大叫，真係XYZ的無敵痛) 我大叫護士講BB要衝門一樣，但⋯⋯檢查完，護士仍然話只係開得2度，又未穿羊水，有排先生得。

真係痛到我無法忍受嘅地步，而且我感覺BB真係要衝閘而岀，我詢問護士幾時先可以吸笑氣，點知護士話疫情期間係無笑氣提供。

WTF⋯⋯醫生明明話有架😭 依家又突然無咗，成個人好崩潰，受打擊後，我整個呼吸步驟已經亂晒，又因為在院期間全程帶住口罩，好難呼吸到氧氣，我呼吸開始有「扯蝦」現象，我真係覺得自己抖唔到氣。

姑娘應該俾我「扯蝦」嘅呼吸嚇親，我又痛到係咁扯住自己條裙領，衫都幾乎俾我扯爛。 見勢色唔對路，姑娘拿拿聲推我入生產房，仲係咁問我有無哮喘病歷。

雖然只係開咗2度又未穿水，入到生產房我諗我應該用咗唔夠10分鐘就生咗二寶囉，生個時，姑娘話我下面已經開始爆裂，要我好好跟指示岀力，吸大啖氣，勁長咁push咗3下，有驚無險，終於生咗岀嚟啦。

呼⋯⋯小姐於5月10日凌晨1點幾岀世囉，送我最難忘的母親節禮物🎁。

整個生產過程，完全無藥物輔助，只係靠自己念力生BB，呢個經驗真係永世難忘。

紀錄一下💕黎到32週
原來真正懷孕🤰🏻既辛苦宜家先正式開始
個肚以光速咁大呀～

水腫、腳痛、坐骨神經痛、腰痛出晒黎～
前幾日簡直行唔到～ 拉返兩日筋先鬆返～ 孕晚期嘅運動，真係唔敢偷懶～

其次就係尿頻😣坐低無耐又想起身去廁所，最慘夜晚去完成晚都訓唔返～ 個肚大左好多，點訓都唔舒服，坐又唔係，企又唔係，反正做咩都覺得累🥱

今個月要完成晒洗BB衫👶🏻同執定走佬袋，以防萬一5月隨時生得，希望34週聽到醫生好消息，可以順利順產，諗起就好刺激，唔知自己幾時見紅定穿羊水

最近日日胎教同👶🏻講，你唔好早唔好遲，約定5月最後一星期先出黎，出黎要鑽快D，唔好要媽媽陣痛咁耐🤣胎教書話有用嫁

📸 IG會比較常更新，個邊見
www.instagram.com/konghanbubu

YouTube Channel 🎥
https://youtu.be/A4VizIroEd8

#만삭촬영 #임신사진 #大肚相 #32週 #懷孕日記 #임신
#임신초기 #pregnantlife #pregnancy #baby #babyboy #love #newborn #momtobe #babybump #mom #momlife #mumtobe #pregnantphotoshoot #孕婦寫真