關於 盤 菜 瑩子 離開 100毛 ，我們在網路上蒐集到這些相關的討論、資訊與評價

＜其實我好鍾意羅若off呢種女仔＞

早派毛記電視第一屆十大勁曲金曲分獎典禮完咗之後，身邊都多咗好多人討論１００毛。
分獎典禮完咗第二晚咁啱就約左班舊同學食飯，話題當然離唔開毛記，尤其是班麻甩仔對盤菜瑩子、利君牙、黃慘盈簡直喺入哂魔咁。

「喂，八輩子，點解你好似唔喺好搭到嘴咁嘅？」

「因為我其實鍾意羅若ｏｆｆ多d……」

「羅若ｏｆｆ咁普通，通街都喺啦。」

「就喺貪佢普通麻，幾可愛呀，簡簡單單唔好咩？我記得你中學果陣時鍾意嘅女仔都喺戴眼鏡，眼大大，皮膚白白，有少少包包面，黑色長頭髮架？」

「依家大個啦麻！」

其實羅若ｏｆｆ好差咩！得罪你咩！
佢夠天真夠可愛，夠pure 又夠true，我話佢先喺女神呀！
有邊個未鍾意過呢種女仔架？

戴眼鏡、眼大大、皮膚白白、有少少包包面、黑色長頭髮，中學時期一街都喺，身邊都總有一兩個，全部都好似同一個阿媽生咁，但你就總喺追唔到呢類女仔。

中學畢業之後，其實已經好少見到呢類女仔，因為大多數一離開中學就會染哂頭髮，又化哂濃妝，眼鏡更加唔好講，一定換轉戴ＣＯＮ，仲要喺大眼仔，有咁大得咁大，大到好似個飯碗咁就最Perfect 池。

所以羅若off出現之後，先令我萌生返中學時期初戀嘅感覺，
講真，你可能會話佢講野低ｂ！
但喺老老實實，天真無邪嘅女仔，附帶條件就喺有少少低ｂ，
如果你又要佢天真無害，但喺又接受唔到佢低ｂ，咁唔該你真喺唔好去追呢類女仔，因為天真無害同低ｂ　就好似智障議員同民建聯咁，喺分不開的！

所以，當個個追棒緊其餘既女主播，我仍然默默支持羅若ｏｆｆ，就係欣賞佢夠平凡、夠簡單，係佢身上仲可以搵到初戀既感覺，就已經足夠。

如果你身邊都有個好似羅若ｏｆｆ呢種女仔，麻煩你，替我好好珍惜佢，因為係呢個年代，「羅若ｏｆｆ　ｔｙｐｅ」既女仔已經係可遇而不可求，只可遠觀而不可褻玩焉，知唔知道？

Facebook: www.facebook.com/iam800yearpromise
Tumblr : promiseof8.tumblr.com
Instagram : promiseof8
#八輩子的約定　#八輩子　#香港　#愛情 #人生　#100記 #毛記電視 #羅若off #眼鏡 #天真

iMoney
謝謝妳 Melody :-)

【真‧港仔生活】
河國榮：愛唱歌更愛叉燒飯

寫河國榮，記者深知再不能賣煽情，因為寫什麼都比不上他前兩天站在台上唱「同熱愛這片土地」那麼令人動容。熱淚都被他賺去了，今天就改談他的「真‧港仔」生活。

那晚在毛記電視分獎禮中連掃兩個大獎，事隔幾日他坦言還未開心完：「好多感動仲慢慢滲緊出嚟，諗返當晚係有啲超現實嘅。我自己最感動係，你哋揀呢首歌俾我唱，證明了一份認同，超級有意思！」他坦言，最初一知要Rap便不敢怠慢，即時開始練歌。「先將歌詞記入腦，但用腦記唔夠的，要用埋Muscle Memory，肌肉自然跟住去，咁先追得切。」他認真數算，由始至終一共練了400多次。

關於河國榮，很多人都知他是澳洲人，最近從他衣錦還鄉的故事中再了解他一點點，知道他家鄉名為Gympie(金皮)，又原來他年輕時讀書總是名列前茅，是全市最頂級3%的尖子。這個當地傳媒形容的Gympie Schoolboy，當年因愛上哥哥張國榮的《Monica》，以致有醫科唔讀來港闖天下，到今天一首「香港地」令他一夜成名。兩首改變一生的廣東歌之間，悠悠29年，一切該怎樣說起？

「1987年5月31日晚上9時，我來到了香港！」他刻意要自己牢記這堆數字：「係對我好重要嘅！」最初來港，河國榮坦言對前途茫無頭緒，為了糊口就選了份最「正路」的工：西人教英文。

正如很多港人，提起八九十年代，心頭自然軟化。「當時我住在北角僑冠大廈，那套房是騎樓間出來的。樓下就有好多小販，有我最鐘意的熱辣辣油炸鬼。由北角行去銅鑼灣返工，沿途聽住叮叮、叮叮咁。那時的香港，人人都好樂觀、勤力、開心、簡單。」

同步的過去，就有相近的視覺。問他：今天的香港呢？「絕望！如果絕望係100，我哋依家都去到80幾啦。好辛苦的，樓價係咁升買唔到，好多人住劏房。以前去唔同的商場有唔同嘅嘢睇，依家全部一樣，唔使去架啦！戲院少左，睇戲亦唔似以前咁有氣氛。音樂唔同晒啦，當年好精采，阿倫開31場演唱會，係31場！」

河國榮在1988年簽入TVB旗下，廿年來警司、牧師、律師、機師接著演，平均每月最少接四五個Show，底薪由數千增到萬四元，叫比上不足比下有餘，惟後來公司因緊縮開支以Cut Show，轉做每年一Show。「好難做嘅，外面接工作又唔方便，加上鬼佬永遠係閒角，再做警司都唔係辦法嘅，於是才決定離開。」

他知道很多年輕人「唔妥」TVB：「佢太多年冇變嘅，觀眾會悶。一方面市場分散了，觀眾娛樂多咗，上網睇韓劇美劇日劇，點解仲要睇你TVB？另一方面係廣告收入少，自然要慳，減人、拍嘢要更加快，拍出來效果唔會好，是惡性循環。」

雖說TVB「唔變無運行」，但似乎現眼的是，河國榮離開了大台後亦不算好運。過去一段日子，他拍過電影、舞台劇也接過Show，但工作總是有日沒日的。「有工開梗好啦，無嘢做我就放狗、打機、睇電視，普通人嘛！我唔大使的，唔食貴嘢，茶餐廳、叉燒飯最啱我。」

這天走在深水埗街頭，他告訴記者，之前電腦的風扇壞了，幸好在鴨寮街找到代替配件。接著又問：「樹記你有冇食過？好好味嘅！」值得一提的是，他看得明九成中文字，睇劇本從來不用翻譯，和記者whatsapp也是全中文。總有看不明的時候嘛？「唔識咪查字典囉！查部首我識呀！」

分獎禮過後，他正積極籌備自己的廣東大碟，打算今年推出，一圓這個發了30年的歌星夢。工作以外的「正經事」，就是上網跟一個以色列老師學習希伯來語，然後每天讀紐約時報（New York Times）。「香港新聞我比較少睇，但有大件事我都係知嘅，我知最近有個Bookseller唔見咗。」

說到這裡，你會明白為何那麼多人會被他那句「同熱愛這片地，大家一句到尾，愁或喜，生與死，也在香港地」所感動。他不是那種在街邊拮串魚蛋食底雞蛋仔就當係的「偽港人」，他與我們一樣，會為搵食、買樓而煩惱；他在迫港鐵、吃茶記過草根生活的同時，也希望自己能與世界接軌，是典型的香港人的Mix & Match。

同樣地，他會為不公平的事而躁動，他仍相信香港是個可實現夢想的好地方。他骨子裡藏著很多香港人這幾十年一路建立起的價值觀和想法，令你無辦法不當他是「自己友」。所以記者臨別時跟他說：「下次上台唔使再多謝香港人啦！因為你自己都係香港人！」

詳情留意第430期《iMoney Focus》封面故事。

相關文章﹕
- 預告 真•主播 解構100毛現象 https://goo.gl/DKSHi9
-【100毛現象】真‧主播揭秘 https://goo.gl/wtBD3W
-【100毛現象】說服Shell高高層的秘密 https://goo.gl/qMSihI
-【100毛現象】共鳴創作？荼毒青年？ https://goo.gl/MYrGaH
-【100毛現象】真‧主播 大起底 盤菜瑩子 https://goo.gl/x8V5cf

◆◆◆◆◆◆◆◆◆◆◆◆◆◆◆◆◆◆
《iMoney智富雜誌》
訂閱：http://imoney.hket.com/im/subscription
◆◆◆◆◆◆◆◆◆◆◆◆◆◆◆◆◆◆

#封面故事 #100毛 #毛記電視 #勁曲金曲分獎典禮 #河國榮 #香港地