「媽咪，我好勇敢啊！」
第一次驗眼記
一一身邊的朋友都開始驗眼了，一直有啲糾結要唔要同佢去，因為高敏小朋友加上陌生環境，英文字同數字又未認得好，疫情下少岀門等等一萬個理由，最後拖到開學前先去，最近用電子產品時間大大增加，都係時候睇下眼睛的情況。
一早預約去到都好少人，先坐低做下基本驗眼，好似去眼鏡舖個種，放下巴上儀器驗，然後職員拎測色盲的圖片比一一，第一個問題就來了...
一一認到1,2,3,4,5,8，但6,7,9在色盲圖上同平日的數字有不同(例如6和9是有彎尾巴)一一認唔到，於是職員就拎第二本圖片岀來，原來佢地有另一本係用圖形，可以將手上的圓柱體放上去，即使未識講嘢的小朋友都容易做到。
跟住就行入驗眼房見視光師，一一當然唔肯坐上冷冰冰的驗眼椅，不過視光師好有經驗，請我抱住一一坐上去，好耐心講解一陣會做甚麼，並要取得一一同意，好欣賞佢同一一講，如果唔鐘意就要說岀來，例如問一一可唔可以戴驗眼眼鏡，一一話唔肯，佢先諗其他方法。
驗眼球對焦、追視等都係用圖案，到驗視力也是用簡單圖案，之後就話帶一一去「影相」，就係影眼球底有沒有黃斑病變等等，折返的時候再問多次一一可否戴驗眼眼鏡，今次一一終於肯啦，順利完成埋餘下的程序。
今次最令我滿意係視光師好好，完全無迫小朋友，起初一一乜都唔肯做，拎埋一邊唔望佢，都無講任何負面說話，用唔同方法完成工作，一一即使好緊張都無大喊，仲話自己好勇敢，做得非常好👍🏻
今次驗完有少少遠視同散光，視光師話不用配眼鏡，亦都可以不滴藥水驗眼，可以觀察下先，下年再回來定期檢查。另外我都問左有關視光師使用電子產品的意見，佢嘅意見係「在家越遠越好」😂即係Projector>電視>電腦>平板電腦/手提電話。
回家路上一一問我點解要驗眼，我話：
「哥哥想幫你睇youtube清楚d，睇下要唔要戴眼鏡睇🤣」
#兒童驗眼 #4歲 #近視遠視散光
理大護眼 PolyVision #戴眼鏡
理大護眼 在 理大護眼PolyVision - Facebook 的必吃
只要參加挑戰，理大護眼會捐出一份「泡泡玩具」予有需要的團體及大小朋友。 獲最多「讚好」的15張相片或短片，將獲「全面眼科視光檢查」 ... ... <看更多>