【澳門國際影展 - 金容華大師班】
尋日過大海去澳門國際影展，其中一項最重要行程係參加金容華大師班(竟然有呢度嘅fans同場)。上年見過影帝尼古拉斯基治，今年就聽《與神同行》導演分享佢嘅電影創作。同以往幾次參加大師班有主持與嘉賓對談的形式不同，今次導演擺明有備而來，有點像講課的形式去介紹電腦特技製作，有大量電影片段去配合理解，好似我呢啲得閒鍾意上youtube睇下VFX Before - After嘅人嚟講絕對係聽到唔願走。
.
導演簡單介紹佢拍過嘅六套戲，《憨豆兄弟》(2003)、《醜女大翻身》(2006)、《超級巨猩》(2013)、《與神同行》(2017)，以及《與神同行：終極審判》，佢話呢堆戲睇落似喜劇，實則內裡都係悲劇，只係用喜劇方式去呈現。雖然後來《與神同行》成功了，但佢都經歷過錯敗，《超級巨猩》就係票房口碑皆失的一部作品… 但係呢個係對自己的提醒，與其放棄，佢希望想辦法去解決問題。要挑戰新技術，要做到荷里活水準的特技，《超級巨猩》的失敗反而刺激到佢想創辦公司、成立Dexter Studios係解決問題的一個方法。
.
接下來，導演好用心地用好多好專業嘅字眼去分享特效創作，勁到我都不能夠清楚表達俾大家聽，總之會令你會覺得「佢真係識咖喎！」。聽得出佢對自己公司抱有好大期望，對用視覺特效協助講故事好著迷。講到而家公司以泛亞洲市場為主，仿照美國特技標準，亦有幫好多中國大片做視覺效果。佢相信故事要與技術相融合，敘事、故事、真心、共鳴，四個元素產生出電影內容。係〈與神同行〉成功之處，亦係佢公司Dexter Studios的方針。
.
導演最後講到上年曾經來過澳門國際影展做嘉賓，先飛到香港再搭船過澳門。抵澳後有司機來接佢，司機問佢係唔係《與神同行》導演，然後拎出10張《與神同行》的戲票票尾，話好喜歡呢套戲，導演對此感到好難忘。講真，我當故仔咁聽都覺得好感動，金容華導演請你在視覺效果技術上繼續加油！
International Film Festival & Awards • Macao 澳門國際影展暨頒奬典禮
#IFFAM2019 #第四屆澳門國際影展暨頒獎典禮 #12月5至10號 #金容華大師 #與神同行
澳門國際影展暨頒奬典禮 在 International Film Festival & Awards • Macao 澳門國際影展暨 ... 的必吃
【 IFFAM五週年啦】 本屆影展榮幸得到來自世界各地著名演員，導演及編劇之祝願短片，也代表了世界各地對澳門的祝福。最後一位是享譽中外的美籍華人女演員及導演 ... <看更多>