今日八號風球，望住外面橫風橫雨，令我諗起兩年前一家人嘅第一次旅行。當時沖繩打風打到正一正，航班被迫取消，延期兩日，由原本5日行程變成得返3日，可想而知心情差到冧樓一樣，原定出發時間嘅第二日早上，我哋喺屋企煮緊早餐之際，得知有班機有位，但仲有兩個半鐘就飛，時間唔係太多，但要趕都趕到，所以我哋諗都唔諗就飛車去機場上機...
到達沖繩後因為風球關係所有租車公司提早關門，我哋原本租咗嘅車無得攞，被迫喺機場搭的士冒着狂風暴雨，去距離機場40分鐘車程嘅酒店。因為航班延誤，車程延誤等，到達酒店經已係晚上10點，點知.... 酒店話以為打風關係我哋嚟唔到check in，話取消我哋booking，話揾唔到我哋通知唔到，我問咁宜家有冇房？佢哋仲話宜家無房... （下刪三千字粗口）
我哋拖住兩大喼+一部BB車，外面打緊八號風，晚飯都未食，心諗：「人黑起上嚟原來可以咁黑...」不過最終唔記得咩原因，傾咗接近1個鐘，最後check in 到（頭先又話無房？？？）打後嗰幾日幾乎完全落雨，好多舖無開，又無咩靚景可以影，心情難免係差少少，就係最後一日，喺美國村海邊出現霎眼嘅藍天白雲加夕陽，呢一幕係我人生見過最開心嘅一個夕陽，係因為阿囡話見到太陽喇！我開心到不停抱起佢玩飛飛（依家就嚟飛唔起），我哋兩個開心到不得了。呢個地方一定唔係最靚嘅景色，但喺我心裏呢個moment一定係最靚！
雖然成個旅程困難重重，但真係體驗到一家人「在一起」嘅感覺，去邊度、環境幾差都好，對我嚟講，只要一家人「在一起」便已足夠！
呢刻望住兩個寶貝瞓得好冧，外面橫風橫雨...
沖繩美國村早餐 在 小布少爺旅遊誌- #美國村美食#沖繩海景咖啡廳 ... - Facebook 的必吃
美國村 美食#沖繩海景咖啡廳#美國村早餐#美國村厚鬆餅波音咖啡聽週末及假日早上9:00營業，住宿美國村早餐可以來這邊吃喔! 【沖繩海景咖啡廳】Seaside Cafe' hanon 波音 ... ... <看更多>