關於 成日覺得佢個頭應該好香 ，我們在網路上蒐集到這些相關的討論、資訊與評價

【💆🏻‍♂️MIRROR老婆們 如果你有幸幫手為老公洗頭，你會揀Lokman定Frankie😏 #定揀返自己老公】

💖心心：楊樂文 LokmanYeung（文文、港普之父、MIRROR語言擔當）
日常髮型：歐陸風公仔麵頭長曲髮、拉麵店師傅頭巾look
#新興語言港普嘅發明者 #佢把長髮同佢啲港普一樣咁流利 #髮量同佢嘅語言天份一樣旺盛 #可以一邊幫佢洗頭一邊叫佢rap港普

😆笑笑：陳瑞輝Frankie Chan（皮皮、美顏王子、MIRROR門面擔當）
日常髮型：港仔風清爽短髮、額頭全裸爽朗look
#好靚仔🥺🥺🥺 #成日俾佢美顏攻擊 #用生命值硬接 #爽朗短髮好襯佢 #洗起上嚟夠晒爽 #成日覺得佢個頭應該好香🥺😂😂

👍🏻讚好：我全都要.jpg
#無敵鴛鴦鏟個frd #無敵鴛鴦手 #左手幫lokman洗 #右手幫皮皮洗

洗頭呢啲機會不是屬於我的😢大家想幫手呢個好意，佢地心領喇😂佢地已經有日本No.1男士洗髮育髮品牌* Success HK 深層清潔洗髮露呢枝好幫手，3秒起泡將頭油分解爽夾快，仲係無矽防掉髮，可以抑制脫髮問題添*！佢兩個就醒喇，除咗洗髮露仲用埋防脫髮噴霧，早晚噴一噴再按一按，趁早守護髮線，對男仔嚟講係事業線嚟㗎嘛🧏🏻‍♂️

#各位關注組嘅MIRROR老婆s們 #快啲買嚟孝敬吓你地第17位老公啦
#佢嬲嬲豬㗎喇 #屋企嗰個都好重要㗎😂
#Lokman #Frankie #睇佢地髮量世一就知有用開啦
#Success #深層清潔洗髮露系列 #順滑淨潔2合1洗髮露系列
#防脫髮噴霧 #防脫育髮精華 #投資髮 #守護未來の頭髮 #無矽

* Success 為日本No.1 男士活髮露品牌 (No.1 by brand in Japan Men's Shampoo market in term of Total sales amount for Men's Shampoo , based on research SRI∔ data of INTAGE Inc., Japan., (Jan. 2012 to Dec. 2020)) 及育髮品牌(No.1 by brand in Japan Men's Hair Growth Tonic market in term of Total sales amount for Men's Hair Growth Tonic, based on research SRI∔ data of INTAGE Inc., Japan., (Jan. 2019 to Dec. 2020)).

《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study

從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講： 

細佬：阿哥一齊創業喇！我哋去賣梳比和尚。

阿哥： 你傻㗎，和尚個個光頭，邊度洗梳頭。

細佬： 佢哋係光頭，但佢哋都要搵食㗎！

阿哥：咁關你乜事

細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。


阿哥： 咁即係點呀？


細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。


阿哥：阿李根興咁nice，梗係唔係咁嘅意思啦。


細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。


阿哥： 細路， 善哉、善哉，係喎。


細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。


阿哥：咁點賣呀？


細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。


阿哥： 好喎，我星期日教堂有100個兄弟可以嚟幫手。


細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。


阿哥： 細佬，你係哈佛大學真係學到嘢喎。


細佬：咁好嘅「和尚賣梳」idea,  你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。


我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset  承擔責任感: What do  believe 你嘅信念係乜, Have you acted on it 你行動左未, and Add Value to Others 為其他人增值.  


有嘅，執行再講 Vision 願景 , Priorities 優先重點 and Alignment 言行一致.  如果你做齊以上七樣嘢，你就可能係個好領袖， 好大機會人哋會跟住你行同埋做出成績。


(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。


(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？ 


(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？


(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。


唔好講到咁複雜，睇返個哈佛兄弟你就明。


Xxxxxxxx (重複部分內容)



有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment. 


(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。


阿哈佛兄弟嘅Vision 呢？ 

 

(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。


阿哈佛兄弟嘅Priorities 呢？ 


Xxxxxxx (重複部分內容)


最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？


又聽多次哈佛兄弟點？ 


Xxxxxxxxxxx (重複部分內容)


聽完以上七樣嘢，ownership mindset, what you believe in, take action, add value to others, vision, priorities and alignment.  你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。