《第一次做衰人》
♂：早晨
♀：早晨
♂：不如我地真係一齊住啦，我睇緊傢俱，所有野都想買雙人份量
♀：你唔怕我地發展得太快咩？
♂：咁你覺得開唔開心先？
♀：開心啊，所以我先考慮，如果唔開心既我會直接拒絕你
♂：其實兩個人一齊，從來時間都唔係一個重點，夾既一日就知夾，唔夾既比你再多時間都係唔夾，既然開心，點解唔早少少一齊住呢
♀：但我地好多有好多情侶既野未經歷過
♂：例如呢？
♀：例如因為無地方而出街行成日，就係唔想大家要返屋企時係兩個唔同地方啦；例如夜晚訓唔著打電話比對方；例如大家各自係各自屋企食同一種麵；例如去完旅行要各自返屋企；例如你襯我訓左然後偷偷地打機……仲有好多好多唔係一齊住既情侶會經歷既野我地都未試過
♂：你咁講……又好似係……
♀：有冇睇命運自選台呢套戲，有好多野快進左就返唔到轉頭，我地中間享受既一步一步都會缺失左
♂：咁好啦，我地唔好一齊住，等你覺得要一齊住先住啦，我地好好享受呢一刻既分居拍拖生活
♀：真係睇得咁開？我以為你會講一堆理由去叫我一齊住添，搞錯啊，我準備好既反駁全部都用唔到
♂：岑雪兒小姐，玩野啊，你一講我就跟住做，你又唔滿意
♀：無，你咁快咁順攤我會覺得其實你都唔係真係咁想姐
♂：唔係囉，只係我覺得你講既拍拖都好吸引，我唔想錯過呢種過程
♀：我唔理，你依家要展示出你好想好想同我同居！你要說服我！
♂：即係我明知你最後答案係NO，都要講一堆野比你去BAN？
♀：你未同女人食過飯咩，女人就係咁，心入面有答案，但就係想拒絕下你先
♂：……好……你諗下，同我一齊住我地可以日日見喎
♀：唔係一齊住你都可以日日見到我啊
♂：但我想攬住你訓呢
♀：死咸濕仔！
♂：我地可以組織屬於我地既Dream House
♀：可能大家對於Dream House會拗一餐喎，你喜歡咩顏色既牆如果我唔鍾意咁點
♂：你可以日日親耳聽到我講早晨
♀：我鍾意你msg我早晨多少少
♂：夠未……
♀：差唔多啦，同我相處要比你有少少心理準備，如果你咁都捱唔到既，我怕同居完一個月就要分居啊
♂：成件事好似係你搵我麻煩咁……我明明無野
♀：仲駁咀！好喇，你依家可以問多次
♂：不如我地真係一齊住啦
♀：好啊，一星期我過黎兩日
♂：！！？？
♀：驚唔驚喜，意唔意外
♂：好驚喜好意外啊！仲覺得比你玩到我暈添！
♀：咁我都想見你多少少嘛，但又唔想比你覺得我一定日日係度，唔係男人係唔會珍惜嫁！
♂：咁我係唔係可以買傢俱喇？
♀：可以啊，今晚我同你去行宜家
♂：咁貼地既你，我以為你會要咩大師作品
♀：以前我行宜家都會諗自己將來間屋係點，今次真係可以買喇！仲有，揀野呢種小事，我話事啊！
♂：好啊，間屋放乜你話事，呢個係小事，而間屋入面既你放係邊，咁大件事就我話事
♀：你想放我係邊啊？？？？？
♂：放我旁邊
♀：我以為你又想講衰野
♂：知唔知真衰人同假衰人有咩分別？
♀：真衰人係做盡壞事，假衰人其實唔係做緊壞事？
♂：錯，真衰人係做既，假衰人係講既！
♀：咁你係真衰定假衰先
♂：呢個問題你尋晚唔係講左答案出口咩，仲講左好多次喎
♀：我唔記得喇，但我覺得，真衰人比起假衰人好，得個講字既人好討厭
♂：咁個d笑住咁講求你放過我既人又係真衰定假衰
♀：晚安！
♂：喂喂，答完我先好訓啊！
♀：唔一齊住既好處就係，想幾時訓就幾時訓，無人奈得我何
♂：頂，你真係好衰，晚安……
♀：嘻，晚安喇衰人
第二部的最終回見面版已上載Patreon，連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
差唔多啦 在 閱讀文章- 精華區HKMCantonese - 批踢踢實業坊 的必吃
(句末紅字代表引用之經典電影名句)
有間道(jau gaan dao)
旁白
經書描述，『有間』是地獄最萬惡的地方，這裡弱肉強食，是非不分，罪孽深重的人就會被打落『有間』地獄，不間斷的受苦，永不輪迴。本片講兩個身份混亂的人，他們各自身為「廣東話班」及「閩南語班」的臥底，決心離開這個不分是非的處境，跳脫『有間』地獄…。
1991年，劉失明18歲，眷村長大，四合會會員，聽從韓冷老大的指示，加入「廣東話班」，作為「閩南語班」的臥底，失明不負所望，花了七年時間就晉升至組長。其實劉失明的晉升全靠韓冷所提供大量敵對的情報所換來的。韓冷也藉此擴張勢力範圍，更成為台灣大學語言社團的大頭目。
此時在廣東話訓練學校裡………
「廣東話班」教官喊道：入得黎「廣東話班」 就要守「廣東話班」既規矩 唔守規矩既人 就會好似佢一樣 革除 你地有邊個想同佢換?(語帶嚴厲) (無間道)
劉失明：我都想同佢換(無間道-劉德華、陳冠希)
旁白
1992年，陳冇人被廣東話訓練學校強逼退學，表面理由：身體狀況不適宜執行廣東話教學工作。機密理由：執行滲透進「閩南語班」做臥底工作。兩年後，陳冇人因話閩南語好流利，之後卻連續閩南語辯論大賽冠軍，陳冇人成為韓冷手下最紅的組長。
有一天「閩南語班」的黃SIR照例到了天台與陳冇人見面 商討臥底情報交換
黃sir：做埋今次就退休啦(無間道-黃秋生)
冇人：明明話三年 三年之後又三年 三年之後又三年 十年都黎緊啦 老細(無間道-梁朝偉)
黃sir：殺人放火金腰帶 修橋補路無屍骸 忍下啦(無間道-黃秋生)
冇人：我呢條命叫 一將功成萬骨枯 但係我唔同意 我認為出黎行 生死應該由自己決定
(無間道-曾志偉)
黃sir：聽日韓冷幾時上堂 係邊度上?
冇人：八點起身 九點刷牙 十點洗面 十一點食早餐 12點上廁所 我睇到既就係咁多啦
黃sir：冇人 可憐天下父母心 下次可唔可以"羅"d有用既情報番黎呀(下一站天后-Twins蔡卓妍)
冇人：呢位阿sir你真係菩薩心腸 成個佛咁 你咁樂於拉人 你幫左你個女未呢?
(下一站天后-Twins蔡卓妍)
黃sir：閩南語好啦好啦 賣溝碎碎念阿 緊去上課 不要讓他們發現你
旁白
各位看官 看到這裡應該知道冇人是名符其實的女兒身 其實他做臥底數年 早已精通易容術 所以很快的他又以另一個姿態出現 現在正前往天台跟劉失明談判 因為現在彼此都知道對方的身分
(走位)
此時陳冇人正用槍抵著劉失明
失明：你們臥底都幾得意架喎 咁鐘意上天台既(無間道-劉德華)
冇人：我唔似你 我見得光(無間道-梁朝偉)
失明：我要既野呢(無間道-劉德華)
冇人：咩?
失明：我要一個豆沙包 布甸 豆腐花 蛋塔 仲有一碗椰汁西米露 你竟然無帶黎
冇人：哎呀台大既小福同小小福都無得賣啦 唔通你叫我係香港帶俾你阿? 得麵包你要唔要?
失明：言歸正傳 俾我一次機會(無間道-劉德華)
冇人：點俾你機會? (無間道-梁朝偉)
失明：我以前無得揀 我依家想做好人(無間道-劉德華)
冇人：好 去同校長講 睇下佢俾唔俾你做好人(無間道-梁朝偉)
失明：咁即係要我死姐(無間道-劉德華)
冇人：嘿嘿 對唔住 我係差人(無間道-梁朝偉)
失明：邊個知(無間道-劉德華)
旁白
此時 「冇人」被激怒了 把槍移到「失明」的頭上
「冇人」因為被激怒 突增高了幾吋成了長人
(「冇人」二度變身)
失明：我最憎人"羅"槍指住我個頭(英雄本色-周潤發)
冇人：阿sir，我無做大姐好耐啦(英雄本色-狄龍)
失明：咩話?? 你係女人?
冇人：係呀 只要男人對我好 要我做咩都得(無間道2-劉嘉玲)
失明：哇 你點解變到咁高
冇人：我等呢個機會等左三年，我要爭一口氣，唔是要證明我比其他人強，
而是要話俾人聽，我失去既野自己可以"羅"番(英雄本色-周潤發)
失明：有人就有恩怨，有恩怨就有江湖。人就係江湖，你點退出？(笑傲江湖之東方不敗-任我行)
冇人：我既工作就係不斷出賣我身邊既人(無間道-梁朝偉)
失明：出賣? 連買個椰汁西米露都買唔好 仲想出賣人 病夫仲差唔多
冇人：你記住 中國人唔係東亞病夫 下次幫你買就好啦 我食紙道歉囉(精武門-李小龍)
失明：呢次要你食紙 下次要你食玻璃(精武門-李小龍)
冇人：算啦 你走吧啦 你快d番火星啦 地球係好危險架(少林足球-周星馳)
失明：係你講架
(失明奪槍 把冇人殺掉)
旁白
陳冇人被殺掉 劉失明被通緝
閩南語班的公安到廣東話班要人
閩南語班公安：劉失明係邊(精武門)
廣東話班大組長：我點知a(精武門)
閩南語班公安：先生 台大既情形你是知既 唔交人出來係唔得既(精武門)
廣東話班大組長：我真係唔知道係邊度 你想點樣就點樣啦(精武門)
閩南語班公安：咁就全部將你地捉走(精武門)
廣東話班大組長：咁點得架(精武門)
閩南語班公安：唔但只 將你地捉走仲要將你地個班封埋 以後不准有廣東話班呢四個字(精武門)
廣東話班大組長：你們咁樣仲有王法既? (精武門)
閩南語班公安：在呢度我就係王法 你們無得怪我 怪就怪你地既劉失明(精武門)
旁白劉失明跳了出來
失明：我讀得書少 你唔好呃我 係唔係我劉失明離開 廣東話班就唔會受連累(精武門-李小龍)
社團調解主委：我可以向你保證 你唔好唔記得我都係中國人(精武門)
旁白劉失明到另一個閩南語班的公安旁邊說
失明：告訴你(我話你知) 我劉失明殺人填命 同廣東話班無關(精武門-李小龍)
閩南語班公安：咁今次d野帶左黎未?
失明：咩野?
閩南語班公安：豬扒味既雪糕 同埋 草莓味既雞扒
失明：依家只係得 紙包雞包紙包雞雞包紙包雞 要唔要?? (麥兜故事-麥太)
眾昏倒
全劇終
[CAST]
劉失明 馬熙文
陳冇人 蕭琳毅
陳冇人（一階段變身） 黃俊瑋
陳冇人（二階段變身） 楊忠宜
黃sir 范文盈
廣東話班教官 張棟樑
社團調節主委 張棟樑
廣東話班大組長 張依心
閩南語班公安 劉又安
旁白 趙靄儀
校長 王貴豪（友情客串）
[原著劇本] 蕭琳毅
[粵語台詞翻譯] 馬熙文
... <看更多>