有錢仔Derek Cheung
點解我咁關心呢件事，我並唔係想抽水，一百萬既話題唔值得抽水，唔好諗錯，我淨係想講一樣野「有錢人，檢點啲！」停左個拳賽佢。
今時今日嘅香港已經好慘，「你阿爺」工廈大王樓價物價已經俾你地班有錢人炒到飛天，大家過得好辛苦！社會亦都發生咗好多不愉快嘅事。
唔好揸住少少錢，走去平民百姓到，侮辱「窮人」，侮辱「讀書人」。
林作嘅形象或者有爭議，但只不過係形象，並唔代表佢本身。甚麼天王天后形象好又真係代表本身好嗎？有為過香港發聲嗎？周先生電影內無厘頭難道他又真的無厘頭嗎？
林作嘅身份實實在在咁代表左「讀書人」，而我非常之欣賞，尊重「讀書人」。
而林作對住百億身家「有錢仔」，呢個相對性佢亦都代表左平民，我相信林作唔在乎呢一百萬，心裡面亦一萬個唔想打，留個言就話要比你打你咪好惡？但你呢個無品既「有錢仔」咁樣踩到上心口亦無辦法唔應戰，林作係想代表平民發聲！
但林作始終係一個「讀書人」，孫中山搞革命都冇人會叫孫中山去打交，當時既軍閥亦懂尊重「讀書人」
我同你呢個「有錢仔」講唔好用錢去侮辱「讀書人」要打既同我呢啲粗人打，雖然我亦一萬個唔想同你打，我唔想同你「呢啲人」扯上任何關係，我亦唔想比人覺得我恰你，我更加認為「香港唔應該行呢套」
你要去炫耀食咩魚子醬，幾錢剪個頭髮，揸咩車，你去搵董建華去炫耀，唔好走落我哋呢班平民百姓到炫耀。
你知唔知香港有幾多「窮人」？有幾多人住緊劏房？香港有幾多精神病人？知唔知呢幾年香港發生緊咩事？我地唔想睇到你日日係到曬命。
更加唔好同我講呢場拳賽係呢幾年最大嘅盛事。我話呢場拳賽係呢一年最悲哀嘅事。
我亦好唔開心因為好多人對林作嘅一啲誤解而去支持呢個「有錢仔」用咁既方式去侮辱「窮人」，侮辱「讀書人」。
雖然我知道遲早香港都會行呢套，但我想係仲有得發聲既時候發聲。
留言「$1」只是一個象徵意義，就好似今時今日投票都改變唔到啲咩，我地只係想比個人數，去話比呢個「有錢仔」聽，「有錢人，檢點啲啦！」停左個拳賽佢，你真係好多討厭！
如果係都要打，同我打，唔需要你攞錢出嚟 ，100萬零1蚊我比你，我死都會籌到比你。
打得贏我攞去！
如果大家咁都唔為自己發聲，咁我地「窮人」比「有錢人」蝦，無話可說，咁我地就認命！
平民
工廈大王 在 【人物專房】工廈大王「三世祖」 鍾培生：我係百厭小朋友 的必吃
【人物專房】 工廈大王 「三世祖」 鍾培生：我係百厭小朋友，成日惹是非。 30K views · 2 years ago #鍾培生 #夾公仔 #KOL ...more. 策略王電視. 88.3K. ... <看更多>