考一考大家。
如果你有一個朋友，從未睇過《花姐Error遊》同《ERROR自肥企画》
你會點樣介紹佢哋睇？
我試過問朋友，得到嘅答案係：
「睇啦！好好笑啊！」
「佢哋會食屎同食蟲啊！」
「四條友好搞笑…」
「真係要睇！Mike導痴x線！」
要認真介紹其他人入坑，係一件好難嘅事。
因為兩個節目都無一個非常特定嘅主題，亦無特定內容。
基本上你打開電視，都唔會預測到佢今集會做乜。
你話《Error遊》係旅遊節目？好多地方都輕輕帶過，又唔啱賞花季節，睇日出又遲到…
咁係咪睇佢哋挑戰正常人做唔到嘅極限呢？其實又唔係…
保錡喊到豬頭咁唔敢笨豬跳，花姐輕鬆縱身一躍。
最後只係夠膽玩滑翔傘，連作為觀眾嘅我都覺得感動。
《Error自肥》更加痴線，完全估唔到Mike導想做乜，到底要Error自肥定自虐。
但同時唔知點解…
當你睇咗第一集，會好似中毒咁繼續睇落去。
而《Error自肥》最後一集，好多人都期待會出現咩爆炸式嘅痴線嘢，係咪會炸咗Viutv廠？！
結果，Mike導靜靜地請Error食蛋撻薯片，無整蠱，無爆炸，純粹總結返十幾集用嘅budget，而最後一節更加仿效EVA嘅結局，討論咗一大問題。
見到網上評語一致覺得好高質，好大膽創新。
但有幾多人真係認真思考Mike導想帶出咩訊息畀觀眾，你領悟咗乜嘢？
不過與其話帶出訊息，倒不如話引領大家深思更加貼切。
Error四子有以下呢一段對話：
Dee：呢度係邊度？節目係咪已經完咗？
肥仔：係娛樂完成，但係播映時段未終結嘅世界。
193：係熄電視之後嘅世界。
保錡：呢個世界曾經存在，但一日有互聯網，佢都唔會再嚟臨。
呢個時候，Dee拎起手機，
有把聲講：『只要你而家一拎起電話，呢個電視播出嘅所有嘢，就會了無意義，係咪要咁做？』
呢段自白式對話，令我諗起《娛樂至死》呢本書。希特拉都曾經講過：「控制年輕人的最好辦法，就是給他們足夠的娛樂八卦。」
雖然《娛樂至死》出版於1985年，內容講嘅係「電視」將一切變得娛樂化，令人民失去思考同判斷能力。
喺電視出現之前，提供資訊、知識或娛樂嘅有報章雜誌、收音機、漫畫、書、電影…
但電視嘅出現，將所有人類嘅專注力放喺電視上。現今都市人可能未必想像得到，其實「網絡」嘅出現，正正就係《娛樂至死》當年嘅「電視」。
你每日會花幾多時間喺網絡上？Youtube、討論區、社交平台…網絡世界幾乎可以畀你接觸到所有資訊娛樂同知識。
而為咗喺包羅萬有嘅網絡世界突圍而出，大家都會將所有嘢「娛樂化」同「碎片化」。
Dee話駕駛Error拍節目，係驚搵唔到自己。
保錡回答：「努力迎合期望，唔會填滿你嘅空虛。」
當193介紹完Error成員。
Dee話：「呢幾個人睇落有啲陌生，就算我喺入面都有咁嘅感覺。」
肥仔回答：「呢啲片段，係片段嘅存在，缺乏前文後理。」
其實亦好似網絡世界碎片化一樣，當網絡世界擁有太多資訊，社交平台每秒都有更新，youtube嘅片好似睇極都睇唔晒，大家唔再有專注力去睇或思考。
為咗吸引大家注意力，唯有將所有嘢碎片化同娛樂化。追隨KOL講政治，好多人連睇套電影都唔捨得花時間，轉移去睇啲簡短解說「五分鐘睇晒《哈利波特》」。
當然，娛樂都可以好有深度，例如英雄電影都有《Watchmen》同Marvel系列嘅分別，即使有時Marvel英雄都有好多深入主題，例如《幻視與汪達》嘅「忒修斯之船」哲學探討，但又有幾多觀眾去瞭解。
當追完套劇集，熄咗電話，就拎起手機去同其他人討論劇情。
就好似一開始阿Dee想拎起手機，之後亦都話自己其實唔一定要駕駛Error，做網絡紅人都可以娛樂大家㗎， 我有養貓、我識跳舞、我可以拍搞笑短片…根本唔需要Error同電視。
之後，Dee反駁肥仔，媒體每日都有報導重要嘅事。
193話：「所有嘅資訊後唔能夠令你作出現實反應，又或者唔容許你作出現實反應…
肥仔：都係娛樂。
當你坐喺Office、地鐵、屋企…望住呢一堆碎片化，缺乏前文後理嘅「資訊」同「知識」，但你又唔作出反思…
咁亦即係193所講：「了無意義，片段化，泛濫、無用嘅麻醉藥。」
當所有資訊碎片化，所有人都唔再有專注力去思考，或接收重大意念。
最後，Error探討「電視」呢個命題。
肥仔話本來娛樂係電視嘅存在目的，但因為網絡出現，電視變成對抗零碎娛樂嘅武器。
阿Dee反問，拍段咁嘅嘢係咪無budget同搞gag？
如果大家唔去深入思考，肥仔亦回答：咁剛才嘅解說，對觀眾嚟講就係搞gag同爆budget。
亦即係一堆廢話…
《娛樂至死》書中所講，當大家沉醉喺只只得娛樂嘅世界，亦唔識去思考點解自己淨係追求娛樂…其實比起文革式愛國洗腦，更加可怕。
可能你會話：「喂！我返工已經好辛苦，想娛樂吓自己都要被你屌啊？！」
唔係話唔可以娛樂，但人唔可以一昧追求娛樂，放棄思考同學習。
的確，學習同思考嘅過程係好痛苦，但學習所得到嘅喜悅，遠比只追求娛樂更大滿足感。
我唔介意用媒體用娛樂去包裝資訊，正如我呢個Post用《Error自肥》做引入，而唔係單純講《娛樂至死》呢本書。
但希望大家吸取娛樂同時，唔好放棄吸取知識，如果未搵到答案，咁就再試一次，唔好停止嘗試！唔好逃避！
其實要做到靜靜思考非常簡單，下次去廁所屙屎，唔好帶手機，帶本書或就咁行入廁所，畀自己大腦好好思考一下。
（戴頭盔：我自己都唔確保100%睇得明，睇唔明咪思考吓、討論吓囉。）
如果你對《娛樂至死》呢本書有興趣
我會喺Patreon更詳盡，深入淺出地講解～
訂閱Patreon：
https://bit.ly/2JPFX8x
哈利波特內容大意 在 [心得] 哈利波特小說1-7集讀後感- 看板HarryPotter - 批踢踢實業坊 的必吃
近兩個月把大名鼎鼎的哈利波特小說看完, 坦白講, 我個人對第7集上集評價最高, 那種不知
方向的無奈描繪的很好, 作者最弱的就是描寫打鬥, 還有.... 佛地魔與食死人們......
有夠弱.... 想想那些食死人, 在第5集的戰績, 竟然沒辦法輕易的拿下那些學生, 真讓人覺得
食死人根本全都是3流角色
再來看看僅次於佛地魔大名的, 天狼星(變行術為何是狗??), 被佛地魔頭號戰將貝拉幹掉,
好, 貝拉真的很強, 結果第7集, 貝拉竟然敗給從第1集到第7集都在廚房修行的衛斯理太太....
佛地魔的頭號戰將竟然.....
再看看佛地魔本人, 好像.... 根本也沒多強, 名氣很大, 但表現確....
還有哈利的死對頭, 馬份兄, 也描寫的蠻差的, 從一開始到最後都被哈利打臉,
第5集最後的預言(感覺有點多餘), 第7集花了一大堆時間描寫葛林芬多的寶劍, 結果??
最後的功用不過是充篇幅與給蛇一劍, 感覺重要性大幅下降, 花那麼多時間寫這把劍幹嘛阿??
石內卜兄, 描繪的不錯, 不過.... 個人私心覺得作者若可以加一點莉莉與石內卜兄有一點
本來互有好感, 後來漸行漸遠, 會使石兄的長期犧牲更有感覺
露娜這角色剛登場時, 真的有讓人覺得她要跟哈利配的感覺, 雖然不知道為什麼作者第6集無預警
的就突然讓哈金配, 有點奇怪....
第7集上集鄧不利多之迷寫的很吸引人, 下集解開真相後.... 感覺沒有想像中黑暗, 有點失望...
最後, 個人最討厭的角色其實就是哈利波特, 很多時候覺得他很自私, 或明明是自己不對, 有怪到
他人身上
--
--
※ 發信站: 批踢踢實業坊(ptt.cc)
◆ From: 120.107.1.168
... <看更多>