Search
🍻賭Sir：昨天 香港全職棟篤笑匠 陳樂添 chanloktim 請我去他的竇飲酒，也一起吃了 Classified Hong Kong 這家店。那個【四重芝士通心粉】好吃到癲！在門口還碰見吳國敬，雖然他只是吃東西，沒有玩火，但我腦裏已經滴著熱血～插碎玻璃，回家後忍不住開來聽了，好正呀！
https://youtu.be/KxdAJcYu0tA
#此文撰於10月28日
［英縮粉（＊）］英國經濟，4月收縮超過20%！史上最勁！
1. 都冇乜補充，大約估到。其實之前寫過，英國今年全年衰退，會係300年最勁！300年呀！呢啲就係歷史了！仲係康熙年間！（https://bit.ly/3flKFFb）
2. 亦因為咁，匯控被勒令冇得派息（https://bit.ly/3cRvUbz）。苦主請願可以去倫敦針線街英倫銀行。
3. 上次英倫銀行估嘅全年衰退300年最勁，講緊全年收縮14%。你見過未？英國喎。除非你係都敏俊啦下。
4. 更重要係，全年收縮14%，係預先苦後甜。上半年勁縮，下半年反彈。
5. 咁下半年有冇反彈就唔知，但上半年原本估收縮30%
6. 結果而家，只係4月同3月比，就收縮咗20.4%，而「市場預期」（即係幾件互抄功課嘅經濟師）係收縮18.4%
7. 按年比又點計？都差不多，按年比係跌24.5%，即係收縮四份一。
8. 原因都不用多講，封城呀，3月23號開始，乜經濟活動都停頓晒。咁你睇返個時間，4月當然係最甘。有理由相信最壞情況已過，況且股市等等金融資產永遠炒預期，跌又跌突，升又升突咁。
9. 所以你見，英鎊都冇乜郁動，富時指數就照升嘅。
10. 最後一講，如果冇記錯，英國係相當少數會出到按月GDP嘅地區。其實係咪必要呢？
11. 又，大家見呢個星期埃汾出文少咗（定其實唔覺？），主要係因為多咗約人食飯，同埋之前有人病病地。喂平時？我午飯真係求其食件三文治架咋，快手返嚟寫文嘛！
12. 咁可能下星期都會係咁，埃汾生日嘛（嘻）。但應該過多一兩星期會維持返高產量，即係一日三四篇咁。
13. 咁其實就算低產量，都多數一日有兩篇。你見國泰嗰日我都連出幾篇文，快靚正嘅。
（＊）遲下馬來西亞就係揮淚斬馬縮，星加坡當然係坡縮（＊＊）出城，或者新縮小男人。
（＊＊）有人話做乜唔係「星宿」。因為隻字讀「秀」。為大家帶嚟，吳國敬《雙子夢》大碟嘅第二主打，《Nancy》（https://bit.ly/3dUTkxP）。入面就有「遠處有星宿」。明顯填詞嘅因葵係識讀的，讀縮就唔啱音。又，聽聞呢隻碟係吳國敬唯一一隻賣得嘅碟，本人都有買（＊＊＊）。咁《雙子夢》嘅第一主打，就係唱到街知巷聞嘅：「我說過要你快樂，讓我擔當三仔的主角」。
不過，唔講唔知，之所以有呢隻歌，係因為吳國敬失戀！因為戴蘊慧飛咗佢！呢首歌係吳國敬獻畀佢嘅。但，曼德拉效應啦，好多人以為係吳國敬作曲，其實唔係，係倫永亮作的，填詞亦唔係吳國敬。
故事好動呀可？現實好殘忍。現實就係戴蘊慧話完全唔感動，仲問吳國敬爭佢啲錢幾時還（https://bit.ly/2AYFVGw）。而戴蘊慧唔止嫁人，生女，仲一早抱孫！45歲抱孫（https://bit.ly/30GNPiq）！而家個孫都七歲！死未！
而聽聞，吳國敬係唔鍾意《雙子夢》呢隻碟的，因為太K，因為背棄咗佢音樂理想云云。但偏偏最好賣。其實差不多每個創作人都有呢啲故事，我甚至懷疑係啲創作人（包括我）冇嗰樣搞嗰樣，明明啲作品原本都鍾意，到人人追捧又自己都覺得麻麻。明明有啲作品自己好憎，但到出面冇人欣賞又會話自己好鍾意。
Anyway，那晚我倆看月球，遠處有星宿。向雪懷寫嘅。向雪懷，又係另一個故事了。向雪懷對葉念琛。香港真係好多痴線佬。
（＊＊＊）之後隻《想飛》：想呼吸空氣，想X你老味我都有買，聽聞銷量麻麻地。但第二主打嘅，《愛你是我一生中理想》，你應該聽過。係喎，吳國敬其實寫咗好多歌，啲歌都好紅，但佢就唔紅，佢唱亦都唔紅。而佢最紅嘅歌係倫永亮寫畀佢，寫味。咁大家都知，當然係樣嘅問題，同佢唔識撈嘅問題（所以只有迫科冇迫快乎）。所以呢，真係fuck that 九十年代香港樂壇好百花齊放好重視實力啦。事實就係好多垃圾歌手都出碟仲好好賣（No offense，我都買唔少，資深讀者應該知道我鍾意劉小慧）
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
