去咗一個研討活動 .. 題目是《「酷。愛」傳媒 -大眾傳媒對多元性身份認同的呈現》，現場時間太緊 .. 根本沒機會係活動上互動 .. 唯有訴諸網絡
1) 係咪睇電視呢件事唔夠型呢？係咪只有攻擊免費節目呢？ 有無比空間去睇當中吋進嘅改變呢？ 係咪可以了解多d 睇多d 研究多d 先討論多d？
無錯，大眾傳媒好多角色走不出角色定型，係短短十秒從外貌就知個性嘅配角角色，無咩辦法唔用刻板嘅外表形象。呢樣嘢唔止係同志角色，有錢人家一定駕靚車名牌出場、文藝青年一定斯文眼鏡拎書... etc
以往好多gay角色就係要娘娘腔，最後又要壯陽有女朋友 。之不過大眾傳媒裡面工作緊嘅後生仔女，其實都好努力爭扎改變緊。就講十年前《心理心裏有個謎》的女同志伴侶已經係Pure Couple，突破TB定型。後來，《潛行狙擊》的「爆登」、《珠光寶氣》的游日東 都講緊Gay都可以好男子氣慨。《名門暗戰》陳智燊角色一段都有講家庭壓力使他沒法出櫃，在同志遊行中才展露笑容；還有《公公出宮》借曹永廉釋演太監把口講性別定型。其實TVB都變緊。
2) 創作一定了解所面向嘅觀眾群，平衡當中所謂商業和藝術性。或者免費節目節目中嘅娛樂性與學術性。講者其中提及 viutv 《對不起 標籤你》節目。
首先認同節目係有少許眼高手低，去標籤化就先討論標籤內容，反而強化標籤本身。當中和主持以及製作團隊功架有關。
當中幾集講同志可能從學術角度是有低能，有些環節例如TG食雪條、TB原地跳分明是為了節目效果多於分辨標準。用咁學術性嘅標準去睇一個綜藝節目係咪多咗呢？
反而在此好想讚揚viutv 敢於挑戰嘅精神，佢係一個免費頻道做緊d VOD節目咁。個concept 好實驗性，執行時又要加返娛樂性去平衡，出到來節目內容有時係吃力不討好，兩邊不是人。
但總唔可以將此與十幾廿年前嘅電視節目劃上等號 。這樣太抹殺一班幕後努力接觸性小眾議題，想做好事嘅創作團隊了。而且主持太影響節目質素啦，睇下《美選D.n.A 》就知 ，本來突破女性美只有單一標準嘅節目，變成討好發姣電三條男狗公節目。
3) 時代變更，做節目嘅人變緊、觀眾都變緊。對未來充滿期待，話晒下一代中學通識都已經有機會接觸多元性身份。
研討會中提及台灣一個廣告例子，點解香港麥當當未可以咁做？ 台灣係經歷好慘痛嘅事件先開始加強校園性別教育，亦相信係推動同志運動開始轉變嘅一件重大事件。教育唔單止係面對下一代，教師、家長以及社會都一共面對新嘅教育、新嘅理念。
4) 全晚要講一個最記得拎走嘅learning point ，不得不提導演分享佢教學生嘅一個習作方案，感激無私嘅分享。好想去BU圖書館睇晒d LGBT+ 小孩圖書呀！！！
台灣係 咁 架 viutv 在 台灣係咁駕(官方足本版) - YouTube 的必吃
由兩位居住在台多年的香港女孩AV、狄達以包車自駕遊方式去玩分別台北、宜蘭、台中、苗栗4個城市，來分享閨蜜自駕遊台灣的多種玩法給觀眾。 ... <看更多>